Capitol 5

1. Aora la fola ia es asemblante a sirca Jesus per escuta la parola de Dio, e el ia es stante a lado de la lago Gennesaret.
2. De ala el ia vide du barcos en la lago; la pexores ia sorti ja e ia es purinte la redes.
3. Jesus ia asende a un de a barcos, el de Simon, e ia demanda el vade a estra un pico de la costa. Alora los ia senti e ia ensenia la fola de la barco.
4. Cuando el ia fini parlante, el ia dise a Simon: “Naviga a en la mar e jeta la redes”.
5. Simon ia responde: “Mestre, nos ia labora tota la note e ia catura no cosa, ma si tu dise lo, me va jeta la redes”.
6. Los ia fa tal, e los ia catura tan multe pexes ce la redes ia es a punto de rompe.
7. Pos alora, los ia sinia a su acompaniores en la otra barco per veni e aida los. Los ia veni e ia completi ambos barcos tan multe plenida ce los ia es casi afondante.
8. Cuando Simon Pedro ia vide esta, el ia cade a la pedes de Jesus e ia dise: “Distanti de me, Senior, car me es un pecor”.
9. El e sua acompaniores ia es terorida par causa de la numero de pexes ce el ia catura ja.
10. Tal ia es Jacobo e Joan, la enfantes de Zebedeo, la acompaniores de Simon. Ma Jesus ia dise a Simon: “No teme, de nun tu va es un pexor de omes”.
11. Donce los ia securi sua barcos en la costa e, abandonante totas cosas, los ia segue el.
12. En cuando Jesus ia es en un serta site, un ome covreda con leprosa ia veni a el. Cuando el ia vide Jesus, el ia cade a sua pedes e ia prea el: “Senior, si tu vole, tu pote puri me”.
13. Jesus ia estende sua mano e ia toca el disente: “Me vole; es purida”. E direta la leprosa ia desapare”.
14. El ia comanda dise a nun, ma el ia dise: “Vade e mostra tu a la prete e fa la ofre per tua limpi cual Moxe ia comanda, como atesta a los”.
15. Sua fama ia estende plu, e folas grande ia veni per escuta el e es sanida de sua maladias.
16. Ma el ta retira se a locas desertin per prea.
17. Un dia en cuando Jesus ia es enseniante, on ia ave fariseos e mestres de la lege ci ia veni ja de tota Galilea, Judea e Ieruxalim. La potia de la Senior ia dona los la potia de sani.
18. Pos alora alga persones ia veni portante un paraliseda en un portaferida e ia es xercante un entrada per porta el a Jesus.
19. Car los no ia sabe como pone el a interna par causa de la fola, los ia vade a la teto e ia desende el con sua portaferida a en la fola e ia pone el ante Jesus.
20. Cuando Jesus ia vide sua fida, el ia dise a el: “Mea ami, tua pecas es pardonada”.
21. La scrivistes e fariseos ia comensa demanda se: “Ci es esta ci blasfema? Ci pote pardona pecas ma sola Dio?”
22. Ma Jesus ia conose sua pensas e ia dise a los: “Cual vos es pensante?
23. Cual es plu fasil per dise: ‘Tua pecas es pardonada’ o ‘Leva e pasea’?
24. Afin vos pote sabe ce la Fio de la Om ave autoria sur la tera per pardona pecas”, el ia dise a la paraliseda, “Me comanda tu: leva, prende tua portaferida e vade a casa”.
25. Direta el ia leva en vista de totas, ia prende sua portaferidas e ia vade a casa lodante Dio.
26. Los ia es totas plenida de stona e ia glori Dio, disente con teme grande: “Nos vide cosas merveliante oji”.
27. Pos alora Jesus ia vade a estra e ia vide un colior de impostas nomida Levi sentante en la cioscos de la coliores de impostas. El ia dise a el: “Segue me”.
28. El, abandonante tota, ia leva e ia segue el.
29. Levi ia dona un banceta grande a Jesus en sua casa. On ia ave multe coliores de impostas e otra persones reclinante a la table con los.
30. La fariseos e scrivistes ia es cexante se e disente a la disiplos de Jesus: “Perce vos come e bevi con la coliores de impostas e pecores?”
31. Ma Jesus ia responde los: “Los es no la sanas ci nesesa un dotor medical, ma la maladas.
32. Me no ia veni per clama la virtuosas, ma la pecores, a repenti”.
33. Alora los ia dise el: “La disiplos de Joan juna frecuente e prea, como la disiplos de la fariseos; ma la tuas come e bevi”.
34. Jesus ia responde a los: “Esce vos intende fa la amis de la sposo nova juna en cuando el es con los?
35. La tempo va veni cuando la sposo nova va es sutraeda de los, e alora los va debe juna”.
36. El ance ia dise a los esta parabola: “Nun rompe un peso de un veste nova e parxea un vea, car la veste nova va rompe lo, e la peso prendeda de lo no va ajusta a la veste vea.
37. No la popla pone vino en peles de vino vea, car lo va creve la peles de vino; a pos la vino va versa a estra, e la peles de vino va es no plu bon.
38. Per la vino nova, peles de vino nova!
39. Nun, pos sabori vino vea, vole vino nova, car el dise: ‘La vea es plu bon’.”