Capitol 2

1. En acel epoca un comanda ia apare de la imperor Augusto, comandante ce tota la mundo debe es enscriveda.
2. Esta ia es la enscrive prima, cuando Cuirino ia governa Suria.
3. E cadun ia vade per enscrive se en sua site de orijina.
4. Josef, ci ia parteni a la familia de David, ia sorti de Nazaret, site de Galilea, e ia dirije se a Bethlehem de Judea, la site de David,
5. per enscrive se con Maria, sua sposa, ci ia es ensinta.
6. En cuando los ia es en Bethlehem, la tempo de madria ia ariva a Maria;
7. e Maria ia pari sua Fio prima naseda, ia envolve el en teletas de bebe e ia pone el en un portafeno, car on no ia ave loca per los en la otel.
8. On ia ave pastores en acel rejion vivente en la campos e gardante sua manadas en la note.
9. Subita, la Anjel de la Senior ia apare a los e la gloria de la Senior ia envolve los con sua lus. Los ia senti un teme grande,
10. ma la Anjel ia dise a los: “No teme, car me porta un bon nova, un joia grande per tota la popla:
11. Oji, en la site de David, un Salvor ia nase per vos, ci es la Maxia, la Senior.
12. E esta va servi vos como sinia: vos va trova un enfante envolveda en teletas de bebe e reposante sur un portafeno.”
13. E con la Anjel, un multia ia apare subita de la armada sielal, lodante Dio, disente:
14. Gloria a Dio en la altias, e sur la tera, pas a la omes amada par el.”
15. Pos cuando la anjeles ia reveni a la sielo, la pastores ia dise a lunlotra: “Ta ce nos vade a Bethlehem, e ta ce nos vide cua ia aveni e cua la Senior ia anunsia a nos.”
16. Los ia vade rapida e ia trova Maria, Josef e la bebeta reposante sur un portafeno.
17. Cuando los ia vide el, los ia raconta cua los ia oia diseda sur acel enfante,
18. e totas cual ia escuta los ia resta stonada par lo cual la pastores ia dise.
19. Entretempo, Maria ia conserva esta cosas e ia medita sur los en sua cor.
20. E la pastores ia reveni, lodante e glorinte a Dio par tota cual los ia vide e oia, seguente la anunsia cual los ia reseta ja.
21. Pos oto dias, la tempo ia ariva de sircoside la enfante e los ia dona a el la nom Jesus, la nom donada a el par la Anjel ante sua consepi.
22. Cuando la dia fisada par la Lege de Moxe per puri ia ariva, los ia porta la enfante a Ieruxalim per presenta el a la Senior,
23. como lo es scriveda en la Lege: “Cada mas prima naseda debe es sacrida a la Senior.”
24. Los ia debe ance ofre un sacrifia de un duple de tortoras o pijones joven, como la Lege de la Senior comanda.
25. Un om nomida Simeon ia abita en Ieruxalim en acel tempo. El ia es justa e relijiosa, e el ia atende la consola de Israel. La Spirito Santa ia es con el
26. e ia revela a el ce el no va mori ante vide la Maxia de la Senior.
27. Gidada par la mesma Spirito, el ia vade a la Templo, e cuando la jenitores de Jesus ia porta la enfante per segue la esijes de la Lege,
28. la Anjel ia prende el en sua brasos e el ia loda Dio, disente:
29. “Aora, Senior, tu pote lasa ce tua servor mori en pas, como tu ia promete,
30. Car mea oios ia vide la salva
31. cual tu ia prepara ante tota la poplas:
32. lus per lumina la nasiones pagan e la gloria de tua popla Israel”.
33. Sua padre e madre ia es stonada par lo cual los oia diseda par el.
34. Simeon, pos bondise los, ia dise a Maria, la madre: “Esta enfante va es la causa de cade e alti de multes en Israel; el va es un sinia de contradise,
35. e un spada va traversa la cor ance de tu mesma. Tal la pensas intima de multes va es clar revelada.
36. On ia ave ance ala un profetesa nomida Ana, fia de Fanuel, de la familia de Aser, un fem avansada en eda, ci, sposida en sua jovenia, ia vive tra sete anios con sua sposo.
37. De alora el ia resta vidua, e el ia ave otodes-cuatro anios. El no ia separa de la Templo, servinte Dio tra note e dia con junas e preas.
38. El ia presenta se en acel momento e ia comensa grasia Dio. E el ia parla sur la enfante a totas ci ia atende la salva de Ieruxalim.
39. Pos completi tota cual la Lege de la Senior ia comanda, los ia reveni a sua site de Nazaret, en Galilea.
40. La enfante ia crese e forti, plen de sajia, e la grasia de Dio ia es con el.
41. Sua jenitores ia vade en cada anio a Ieruxalim en la festa de Pascua.
42. Cuando la enfante ia ave des-du anios, los ia vade seguente la costum,
43. e la festa ia fini, Maria e Josef ia reveni, ma Jesus ia resta en Ieruxalim sin ce los sabe lo.
44. Credente ce el es en la caravan, los ia pasea per tota la dia e a pos los ia comensa xerca el entre relatadas e conosedas.
45. Car los no ia trova el, los ia reveni a Ieruxalim per xerca el.
46. A la dia tre, los ia trova el en la Templo a media de la mestres de la Lege, escutante los e fante demandas a los.
47. E totas ci ia oia el ia es stonada par sua intelijentia e sua respondes.
48. Cuando sua jenitores ia vide el, los ia mervelia e sua madre ia dise a el: “Mea fio, perce tu ia fa esta a nos? Pensa ce tua padre e me, angusada, ia xerca tu.”
49. Jesus ia responde los: “Perce vos ia xerca me? Esce vos no ia sabe ce me debe es en la casa de mea Padre?”
50. Los no ia comprende lo cual el dise a los.
51. El ia reveni con sua jenitores a Nazaret e ia obedi los. Sua madre ia conserva esta cosas en sua cor.
52. Jesus ia crese en sajia, en eda e en grasia, ante Dio e la omes.

---

Capitol 2

1 Aveni entra acel dias, ce un proclama vade da Cesar Augusto, ce munda entier va fi enscriveda. 2 Esta enscrive aveni a prima ves, cuando la governor de Siria es Cuirinio. 3 E tota un vade per ce fi enscriveda, tota persones a site propre.

4 Iosef ance vade da Galiles da site Natseret a Ieuda a site de David, ce es clamada Beit-Lecem, per ce, esente de la casa e familia David, 5 fi enscriveda con Mariam, ci es la sposa a el prometeda e es ensinta. 6 Aveni, entra ce los es ala, ce la dias de se traer es plen. 7 E el nase se Fio nasente prima e envolve El e pone El en la caxa de feno, per ce no es un loka per los en la dormeria.

8 E oveores es en la mesma parte en campos, manteninte survide entra note supra se oveas. 9 E vide: un anjel de la Senior sta supra los, e la gloria de la Senior brilia sirca los. E los teme con teme grande. 10 E la anjel a los dise: –No teme. Per ce vide: Me a vos proclama joia grande, ce va es a tota popla. 11 –Per ce Salvor, ci es Cristo la Senior, ia fi naseda a vos en la site de David. 12 –E esta es la sinia a vos: Vos va trova un Bebe envolveda e reposante en caxa de feno.

13 E subita es con la anjel un foa de la armada de sielo, lodante Dio e disente:

14 –Gloria en la plu alta a Dio,
e supra tera pas, e en jente plase.

15 E aveni, entra ce la anjeles departi da los en la sielo, ce la omes oveores a cada dise: –Nos vade vera a Beit-Lecem e vide esta cosa, ce aveni, e ce la Senior fa conoseda a nos.

16 E los fretante veni e trova Mariam e Iosef e la Bebe reposante en la caxa de feno. 17 Los vidente fa la cosa difundida, ce es a los diseda de esta Enfante. 18 E tota ointes se demanda de dises a los par la oveores. 19 Mariam manteni tota cosas, pensante en se cor. 20 E la oveores se retorna, fante Dio glorios e lodante El per tota ois e vides seguente ce es a los diseda.

21 E, cuando la dias es plen a sircacorti la Enfante, Se nom es clamada IEXUA, ce El ia es clamada par la anjel ante comensada en madre.

22 E cuando la dias a purir seguente la lege de Moxe es plen, los trae El a Ieruxalaim per ce presente El a la Senior, 23 seguente es scriveda en la lege de la Senior, ce CADA OM NASENTE VA ES CLAMADA SANTA A LA SENIOR, [Deuteronomia 18:4] 24 e per ce dona un ofre seguente la dise en la lege de la Senior: UN DUPLE DE PIJONES [Levitic 12:2,8]

25 E vide: Es un om en Ieruxalaim, la nom de ci es Ximon, e acel om es justa e relijionos e espetante la Consola de Israel. E la Spirito Santa es supra el. 26 E es a el mostrada par la Spirito Santa, ce el no va vide moria ante vider la Cristo de la Senior. 27 E el veni con la Spirito a la temple. E, cuando los trae la enfante Iexua per ce ata seguente la costum de la lege per El, 28 el prende El a se brasos e bondise Dio e dise:

29 –Esta ora, Tu slavo departi, Padron,
seguente Tu parola, con pas.
30 –Per ce me oios ia vide Tu Salva
31 –prepareda ante la fas de tota jentes
32 –un lus a mostra de la poplas
e Gloria de Tu popla Israel.

33 E Iosef e Se madre se demanda de disedas de El. 34 E Ximon los bondise e dise a Mariam Se madre: –Vide: Acel Un es destinada a cade e leva de multes en Israel e a sinia maldiseda. 35 –E de tu: un spada va punia tu spirito. Con esta modo la razona de multe cores va es mostrada.

36 E es Ana un proclamor e fia de Fanuel de la projenie de Axer. El ave multe anios e ia abita con sposo entra sete anios pos [sposi] 37 e es sin sposo [e ave] otodes cuatro anios, e el no departi da la temple, entra servir sin comes e con preas entra note e dia. 38 A mesma ora el veni e loda la Senior e dise de El a cada un espetante la recompra en Ieruxalaim.

39 E cuando los ia fa completa tota seguente la lege de la Senior, los se retorna a Galiles a se site Natseret. 40 E la Enfante poca crese e deveni forte con spirito e plen con sajia, e la ama de Dio es supra El.

41 E Se jenitores a cada anio vade a la festa de Pasca. 42 E, cuando El ave des-du anios, los ia vade a Ieruxalaim seguente la costum de la festa. 43 E, cuando los fante la dias completa se ia retorna, Iexua la enfante sta en Ieruxalaim, e Iosef e Se madre no conose. 44 Los suposante, ce El es en la grupo, fa viaja de un dia e xerca El entra la parentes e entra la familiales. 45 E los no trovante El se retorna a Ieruxalaim, xercante El. 46 E aveni pos tre dias, ce los trova en la temple El sentante en media de la mestres, los e ointe e demandante. 47 Tota, ci oi El, es stonada de Se comprendia e respondes. 48 E los vidente El marvelia. E Se madre al El dise: –Fio, per ce fa Tu acel a nos? Vide: tu Padre e me avente turba ia xerca Tu.

49 E El a los dise: –Per ce xerca vos Me? No ia conose vos, ce Me debe es en la cosas de Me Padre? 50 E los no comprende la cosa, ce El dise a los.

51 E El vade con los e veni a Natseret. E El es obente a los. 52 E Iexua fa progresa con sajia e altia e con favore asta Dio e jente.