Capitol 3

1. En la anio des-sinco de la rena de la imperor Tiberio, cuando Pontio Pilato ia governa Judea, esente Herode tetrarca de Galilea, sua frate Felipe tetrarca de Iturea e Traconitide, e Lisania tetrarca de Abilene,
2. su la pretia de Anas e Caifas, Dio ia dirije sua parola a Joan, fio de Zacaria, ci ia es en la deserto.
3. Alora, el ia comensa recore tota la rejion de la rio Jordan, anunsiante un batiza de converti per la pardona de la pecas,
4. como es scriveda en la libro de la profeta Isaia: “Un vos cria en la deserto: Prepara la via de la Senior, plani sua vias.
5. La vales va es replenida, la montes e la colinas va es planida. La ruetas curvida va es retida e la ruas nonplana va es planida.
6. Alora, tota la omes va vide la Salva de Dio”.
7. Joan ia dise a la fola ce ia veni per fa se batiza par el: “Raza de viperas, ci ia ensenia vos fuji de la coleria de Dio cual prosima?
8. Produi la frutas de un converti sinsera, e no pensa: “Nos ave Abraham per padre”. Car me dise vos ce Dio pote fa surje un fio de Abraham de esta petras.
9. La axa es ja poneda en la radis de la arbores; la arbor cual no produi fruta bon va es taliada e jetada a la foco”.
10. La popla ia demanda el: “Alora, cua nos debe fa?”
11. El ia responde los: “Cualcun ci ave du tunicas, dona un a ci ne ave; e ci ave alga cosa per come, fa lo mesma”.
12. Alga impostores ia veni ance per batiza se e ia demanda: “Mestre, cua nos debe fa?”
13. El ia responde: “No esije plu de la esijeda”.
14. A sua ves, alga soldatos ia demanda el: “E nos, cua nos debe fa?” Joan ia responde los: “No estorse, no fa denunsia falsa e es contentida con sua salario”.
15. Como la popla ia es espetante e totas ia demanda ca Joan no ia es la Maxia,
16. el ia responde a totas, disente: “Me batiza con acua, ma veni un ci es plu potiosa ca me, e me no merita an laxi la corea de sua sandaletas; el va batiza vos con la Spirito Santa e en la foco.
17. El ave en sua mano la forcon per puri sua desgraneria e colie la trigo en sua graneria. Ma el va arde la gluma en la foco nonestinguible”.
18. per multe otra corajis, el ia anunsia a la popla la Nova Bon.
19. Entretempo la tetrarca Herode, a ci Joan ia sensura par causa de Herodia (la fem de sua frate) e per tota la crimines cual el ia fa ja,
20. el ia fa otra plu par prisoni Joan.
21. Tota la popla ia batiza se par el, e ance Jesus ia es batizada. E en cuando el ia es preante, la sielo ia abri
22. e la Spirito Santa ia desende sur el en forma corpin, como un pijon. Alora on ia escuta un vos de la silo: “Tu es mea Fio amada, en ci me es encantada”.
23. Cuando el ia comensa sua ministreria, Jesus ia ave tredes anios e ia es considerada fio de Josef. Josef ia es fio de Eli;
24. Eli, fio de Matat; Mata, fio de Levi; Levi, fio de Melci; Melci, fio de Janai; Janai, fio de Josef;
25. Josef, fio de Matatias; Matatias, fio de Amos; Amos, fio de Naum; Naum, fio de Esli; Esli, fio de Nagai;
26. Nagai, fio de Maat; Maat, fio de Matatias; Matatias, fio de Semein; Semein, fio de Iosec; Iosec, fio de Ioda;
27. Ioda, fio de Joanan; Joanan, fio de Resa; Resa, fio de Zorobabel. Zorobabel ia es fio de Salatiel; Salatiel, fio de Neri;
28. Neri, fio de Melci; Melci, fio de Adi; Adi, fio de Cosam; Cosam, fio de Elmadam; Elmadam, fio de Er;
29. Er, fio de Jesus; Jesus, fio de Eliezer; Eliezer, fio de Jorim; Jorim, fio de Matat; Matat, fio de Levi;
30. Levi, fio de Angel; Angel, fio de Juda; Juda, fio de Jose; Jose, fio de Jonam; Jonam, fio de Eliacim;
31. Eliacim, fio de Melea; Melea, fio de Mena; Mena, fio de Matata; Matata, fio de Natan; Natan, fio de David.
32. David ia es fio de Jese; Jese, fio de Jobed; Jobed, fio de Booz; Booz, fio de Sela; Sela fio de Naason;
33. Naason, fio de Aminadab; Aminadab, fio de Admin; Admin, fio de Arni; Arni, fio de Esrom; Esrom, fio de Fares; Fares, fio de Juda;
34. Juda, fio de Jacob; Jacob, fio de Isaac; Isaac, fio de Abraham. Abraham ia es fio de Tera; Tera, fio de Najor;
35. Najor, fio de Serug; Serug, fio de Ragau; Ragau, fio de Peleg; Peleg, fio de Eber; Eber, fio de Sela;
36. Sela, fio de Cainan; Cainan, fio de Arfaxad; Arfaxad, fio de Sem. Sem ia es fio de Noe; Noe, fio de Lamec;
37. Lamec, fio de Matusalen; Matusalen, fio de Henoc; Henoc, fio de Jaret; Jaret, fio de Malaleel; Malaleel, fio de Cainan;
38. Cainan, fio de Enos; Enos, fio de Set; Set, fio de Adan; Adan, fio de Dio.

---

Capitol 3

1 En la anio des-sinco de la reia de Tiberio Cesar, Pontio Pilato esente la governator de Ieuda e Erod esente la cuatri re de Galiles e Filipo se frate esente la cuatri re de la area de Itrurea e Traconite e Lisanias esente cuatri re de Abilene, 2 en la pretia de Anan e Caiafa, la dise de Dio veni supra Iocanan la fio de Zacaria en la deserto. 3 E el vade en entier campania sirca la Iarden, proclamante un lava de regreter per remove pecas, 4 como ia es scriveda en la libro de Iexaiau la proclamor, disente:
“Un vose de un criante en la deserto:
Prepare la via de la senior;
fa se vietas direta.
5 Cada vale va es omplida,
e cada montania e colina va es fada basa,
e la nondireta va es fada direta,
e la ru fada lisa.
6 E omne umania va vide la salva de Dio”. [Iexaiau 40:3-5]

7 Donce el dise a la foas veninte per es lavada par el: –Projenie de serpentes, ci ia averte per fuji da la coleria veninte? 8 –Donce produi frutas valuada de regretia. E no a se dise: Nos ave padre Avraam; per ce me a vos dise, ce Dio pote leva da esta rocas enfantes a Avraam. 9 –E la axa ia es posada a la radis de la arbores. Donce cada arbor no produinte frutas bon es cortida e lansada a foco.

10 E la foas el demande, disente: –Donce ce nos va ata?

11 El respondente dise a los: –El avente du abitos debe dona a el, ci no ave; e el avente comeda ata simile.

12 E impostores veni a el per lava e a el dise: –Mestre, ce nos va ata?

13 El a los dise: –Prende no cosa plu, ce es determinada a vos.

14 E soldatos el demanda, disente: –E ce nos va ata?– E el a los dise: –Opresa no person e no acusa con modo falsa e es contente con vos paia.

15 La jente espeta e razona en se cores, ce Iocanan es la Cristo. 16 Iocanan responde a tota, disente: –Vera, me lava vos con acua. Un plu potos ce me veni, la bande de la sandal de ci me no es conveninte per laxi. El va lava vos con la Spirito Santa e con foco. 17 –Se granador es en Se mano, e El va limpi Se solo e va colie la trigo a la graneria, e El va arde la cascos con foco nonestinguable. 18 Donce con multe otra cosas comfortante el proclama a la jente.

19 Erod la cuatri re esente criticada par el de Erodias la sposa de Filipo se frate e de tota falsa, ce Erod ia fa, 20 a tota junta esta: El clui Iocanan en la prison.

21 Eveni pos ce tota jente ia es lavada e Iexua ia es lavada e es preante, ce la sielo es abrida 22 e la Spirito Santa desende con forma de un pijon supra El, e un vose veni da sielo, disente: –Tu es Me Fio amada, en Tu Me es plasada.

23 E Iexua comensante ave sirca tredes anios, esente, como suposada, la fio de Iosef,
de Eli, 24 de Matat,
de Levi, de Malci,
de Ianai, de Iosef,
25 de Matitiau, de Amos,
de Nacum, de Esli,
de Nagai, 26 de Macat,
de Matitiau, de Ximi,
de Iosef, de Ieuda,
27 de Iocanan, de Resa,
de Zerubavel, de Xealtiel,
de Neri, 28 de Malci,
de Adi, de Cosam,
de Elmodam, de Er,
29 de Iexua, de Eliezer,
de Ioram, de Matat,
de Levi, 30 de Ximon,
de Ieuda, de Iosef,
de Ionam, de Eliacim,
31 de Mala, de Mana,
de Matata, de Natan,
de David, 32 de Ixai,
de Oved, de Boaz,
de Salmon, de Nacxon,
33 de Aminadav, de Aram,
de Etsron, de Perets,
de Ieuda, 34 de Iaacov,
de Itscac, de Avraam,
de Terac, de Nacor,
35 de Serug, de Reu,
de Peleg, de Ever,
de Xelac, 36 de Cenan,
de Arpacxad, de Xem,
de Noac, de Lamec,
37 de Metuxelac, de Anoc,
de Iered, de Maalalel,
de Cenan, 38 de Enox,
de Xet, de Adam,
de Dio.