Capitol 21

1. A pos, levante sua oios, Jesus ia vide alga ricas ci ia pone sua ofres en la tesoro de la Templo.
2. El ia vide ance un vidua de state umil, ci ia pone du mones peti de cupre,
3. e el ia dise: “Me serti vos ce esta vidua povre ia dona plu ca nun.
4. Car tota la otras ia dona como ofre alga cual ia dona de sua suprapasa, ma el, de sua povria, el ia dona tota lo cual el ia ave per vive”.
5. E como algun, parlante de la Templo, ia dise ce lo ia es ornada con petras bela e ofres prometeda, Jesus ia dise:
6. “De tota cual vos contempla, un dia no va resta petra sur petra: tota va es destruida”.
7. Los ia demanda: “Mestre, cuando va aveni esta, e cua va es la sinia de lo cual va aveni?”
8. Jesus ia responde: “Atende, no lasa vos engana, car multes va presenta se en mea Nom, disente ‘Me es’, e ance: ‘La tempo es prosima’. No segue los.
9. Cuando vos oia parla de geras e revoluis no es alarmada; lo es nesesada ce esta aveni a ante, ma no va ariva la fini tan pronto”.
10. A pos el ia dise a los: “Nasion va leva contra nasion, e rena contra rena.
11. On va ave tremateras grande, peste e fame en multe partes; on va vide fenomenos terorinte e sinias grande en la sielo.
12. Ma ante de tota esta, los va deteni vos, persegue vos, pasa vos a la sinagogas e es prisonida; los va porta vos a ante res e governores par causa de mea Nom,
13. e esta va aveni afin vos pote atesta sur me.
14. Memori, vos no debe prepara vosa defende,
15. car me mesma va dona un bonparla e un sajia ce nun de vosa enemis va pote no resiste no contradise.
16. Vos va es pasada an per vos propre jenitores e frates, par vosa relatadas e amis; e multe de vos va es matada.
17. Vos va es odiada par totas par causa de mea Nom.
18. Ma an un capel no va cade de vosa testas.
19. Grasias a constante vos va salva vosa vives.
20. Cuando vos vide Ieruxalim ensircada par armadas, sabe ce sua ruinas es prosima.
21. Los ci es en Judea, ta ce los refuja en la montes; lo ci es es a en la site, ta ce los fuji de los; e los ci es en campania, ta ce los no entra en la site.
22. Car los va es dias de puni, en cual tota lo cual es scriveda va completi.
23. Ai de los ci es ensinti o ave donante lete en acel dias! Lo va es grande la desastre de esta pais e la coleria de Dio va va pesa sur esta popla.
24. Los va cade par la borda de la spada, los va es portada caturada a tota la nasiones, e Ieruxalim va es craseda sur la pedes de la paganes, asta ce la tempo de la paganes es completida.
25. On va ave sinias en la sol, en la luna e en la stelas; e en la tera, la nasiones va es angusada ante la ruido de l mar e la violentia de la ondas.
26. La omes va mori de asusta en espeta par lo cual va veni sur la mundo, car la stelas va es secuteda.
27. Alora la Fio de la om va es videda veninte sur un nube, plen de potia e de gloria.
28. Cuando esta comensa aveni, ave coraje e leva vosa testas, car la libria es a punto de veni”.
29. E Jesus ia fa esta compara a los: “Regarda lo cual aveni con la figo o con cualce otra arbor.
30. Cuando comensa broti, vos vide vos mesma e sabe ce la estate es prosima.
31. Tal ance, cuando vos vide ce tota esta cosas aveni, vos va sabe ce la Rena de Dio es prosima.
32. Me serti vos ce esta jenera no va pasa asta ce tota esta completi.
33. La sielo e la tera va pasa, ma mea pasa no va pasa.
34. Garda vos afin vosa cores no deveni dormosa par esede e enebria, e la preocupas de la vive, afin acel dia no surprende vos
35. como un trapa, car acel dia va veni a tota la omes en tota la tera.
36. Es vijilante e prea nonsesante, afin vos ave la fortia per fuji la angusa cual es prosiminte e sta a ante la Fio de la om”.
37. En la dia el ia ensenia en la Templo, e en la note el ia retira a la monte nomina de la Olivos.
38. E tota la popla ia leva temprana per vade a la Templo per escuta el.