Capitol 16

1. El ia dise a la disiplos: “On ia ave un om rica ci ia ave un manejor, ci ia es acusada de sperde sua benes.
2. El ia cria el e ia dise a el: “Cua es lo cual on ia dise a me sur de? Prepara un esplica de tua maneja, car tu no va es plu mea manejor”.
3. La manejor ia pensa alora: “Cual me va fa aora ce mea senior sutrae mea posto? Escava? Me ave no forsas. Mendica? Me vergonia.
4. Ma sabe lo cual me debe fa afin, pos lasa mea posto, me ave ci reseta me en sua casa!”.
5. El ia clama un pos la otra la detores de sua senior e ia demanda a la prima: “Cuanto tu debe a mea senior?”
6. “Dudes bariles de olio”, el ia responde. La manejor ia dise el: “Prende tua nota de reseta, senta direta, e scrive des”.
7. A pos el ia demanda a la otra: “E tu, cuanto tu debe?”. “Cuatrodes quintales de trigo, el ia responde. La manejor ia dise a el: “Prende tua nota de reseta e scrive tresento”.
8. E la senior ia loda este manejor nononesta, per ata tan briliante. Car la fios de esta mundo es plu astuta en sua trata con la otras ca la fios de la lus.
9. Ma me dise a vos: “Gania amis con la mone de nonjustia, afin en la dia en cual esta manca vos, los reseta vos en la abiterias eterna.
10. Cualcun ci es fidosa con poca, ance es fidosa con multe, e cualcun ci es nononesta con poca, ance es nononesta con multe.
11. Si vos no es fidosa en la usa de mone nonjusta, ci va confida vos la ben vera?
12. E si vos no es fidosa con lo cual parteni a otra, ci va confida vos lo cual parteni a vos?
13. No servor pote servi du seniores, car el va odia un e va ama la otra, o va interesa per la prima e desvalua la du. El no pote servi a Dio e la Mone.
14. La fariseos, ci ia es amis de mone, ia escuta tota esta e ia burla de Jesus.
15. El ia dise a los: “Vos sembla virtuosa ante la omes, ma Dio conose vosa cores. Car lo cual es valuosa a la oculos de la omes, resulta despetada per Dio.
16. La Lege e la Profetas ia ariva asta Joan. De alora on proclama la Rena de Dio, e totas debe forti per entra en el.
17. Lo es plu fasil ce la sielo e la tera sesa esiste, ante ce un virgula de la Lege desapare.
18. Ci divorsa sua sposa e sposa un otra, adultera, e ci sposa un fem abandonada par sua sposo, adultera.
19. On ia ave un om rica ci ia vesti de purpur e lino multe valuada e cada dia ia fa bancetas lusosa.
20. A sua porta, covreda par ulseras, ia reposa un povre nomida Lazaro,
21. ci ia ansia per sasia se con lo cual ia cade de la table de la rica; e asta la canes ia vade per lame sua ulseras,
22. La povre ia mori e ia es portada par la anjeles a la peto de Abraham. La rica ia mori ance e ia es enterada.
23. En la casa de la moridas, en media de la torturas, el ia leva la oios e ia vide distante Abraham, e Lazaro con el.
24. Alora el ia esclama: “Padre Abraham, ave compatia de me e envia Lazaro afin el apoia sua dito e refresci mea lingua, car esta flamas tortura me”.
25. “Mea fio”, Abraham ia responde, “recorda ce tu ia reseta tua benes en vive e Lazaro, en loca, ia reseta males; aora el trova asi la comforta, e tu, la tortura.
26. Plu, entre vos e nos un gran abiso abri afin los ci vole pasa de asi asta ala no pote fa lo, o de ala asta asi”.
27. La rica ia responde: “Me suplica a tu, padre, ce tu envia Lazaro a la casa de mea padre,
28. car me ave sinco frates: ta ce el preveni los, afin los no cade en esta loca de tortura.
29. Abraham ia responde: “Vos ave Moxe a le Profetas; escuta los”.
30. “No, padre Abraham, la rica ia insiste. Ma si algun de la moridas va vide los, los va repenti.
31. Ma Abraham ia responde: ‘Si vos no escuta Moxe e la Profetas, an si algun de entre la moridas revive, ance vos no va es convinseda’.”