BIBLIA
Atesta Vea —
Jenese ·
Esodo ·
Levitico ·
Numeros ·
Deuteronomio ·
Joxua ·
Judores ·
Rut ·
Samuel ·
Res ·
Cronicas ·
Ezra ·
Nehemia ·
Ester ·
Tobi ·
Judita ·
Macabeos ·
Job ·
Salmos ·
Proverbos ·
Eclesiaste ·
Canta de Cantas ·
Sajia ·
Sirac ·
Isaia ·
Jeremia ·
Lamentas ·
Baruc ·
Ezeciel ·
Daniel ·
Hoxea ·
Joel ·
Amos ·
Obadia ·
Jona ·
Mica ·
Nahum ·
Habacuc ·
Sefania ·
Hagai ·
Zecaria ·
Malaci
Atesta Nova —
Mateo ·
Marco ·
Lucas ·
Joan ·
Atas ·
Romanes ·
1 Corintianes ·
2 ·
Galatianes ·
Efesianes ·
Filipianes ·
Colosianes ·
1 Tesalonianes ·
2 ·
1 Timoteo ·
2 ·
Tito ·
Filemon ·
Ivris ·
Jacobo ·
1 Petro ·
2 ·
1 Joan ·
2 ·
3 ·
Juda ·
Apocalise
traduida par Chabi
Otra tradui a la basa de la paje.
Capitol 12
- Entretempo tan multe persones ia es folinte, asta la punto de crase sur pede lunlotra. Jesus ia comensa dise, dirijente prima a sua disiplos: “Garda vos contra la fermenta de la fariseos, cual es ipocritia.
- On ave no cosa ascondeda cual no debe es revelada, no secreta cual no debe es conoseda.
- Par esta, tota cual vos ia dise en oscuria, va es escuta en dia, e lo cual vos ia parla en la orea, en la cameras la plu ascondeda, va es proclamada en la alta de la casas.
- A vos, mea amis, me dise: No teme a los ci mata la corpo e, a pos, pote fa no cosa plu.
- Me va mostra a ci vos debe teme. Teme acel ci pos mata ave la potia de lansa a Gehena; si, me dise vos, teme acel.
- Esce on no vende sinco aves per du monetas? An tal, Dio oblida nun de los.
- Vos ave contada tota sua capeles: no teme, car los vale an plu ca la avias.
- Me serti vos ce acel ci reconose me ante la omes, la Fio de la Om va reconose el ante la anjeles de Dio.
- Ma acel ci no reconose me ante la omes, no va es reconoseda ante la anjeles de Dio.
- Ci dise un parola contra la Fio de la Om, va es pardonada; ma ci blasfema contra la Spirito Santa, no va es pardonada.
- Cuando vos es portada a la sinagogas, ante la renores e la autorias, no preocupa de como vos va defende o cua vos va dise,
- car la Spirito Santa va ensenia en acel momento lo cual vos debe dise”.
- Un de la fola ia dise a el: “Mestre, dise a mea frate ce el parti con me la erita”.
- Jesus ia responde a el: “Ami, ci ia institui me como judor o arbitror entre vos?”.
- A pos el ia dise a los: “Garda vos contra abunda, la vive de un om no es securida par ricia”.
- A pos el ia dise a los un parabola: “On ia ave un om rica, de ci la teras ia produi multe,
- e el ia demanda se: ‘Cua me va fa? Me no ave do garda mea colie’.
- A pos el ia pensa: ‘Me va fa esta: me va destrui mea granerias, me va construi otra plu grande e me va conserva ala tota mea trigo e mea benes,
- e me va dise a mea alma: Mea alma, tu ave benes conservada per multe anios; resta, come, bevi e es joiosa’.
- Me Dio ia dise a el: ‘Fol, esta mesma note tu va mori. E per a ci va es tota cual tu ia conserva?’.
- Esta es cual aveni a ci cumula ricias per se, e no es rica a la oios de Dio”.
- A pos el ia dise a sua disiplos: ‘Par esta me dise a vos: No es ansiosa per vosa vive, pensante cua vos va come, no per la corpo, pensante con cua vos va vesti.
- Car la vive ave plu valua ca la come, e la corpo plu ca la vestes.
- Regarda la corvos: los no semi no recolie, los ave no beneria no graneria, e Dio nuri los. Cuanto plu vos vale ca la avias!
- E ci de vos, par preocupa, ajunta un momento a vosa vive intera?
- Si an la cosas la pu peti es ultra vosa controla, perce vos es ansiosa par la resta?
- Regarda la liles: los no fili no texe; an tal, me servi vos ce no Salomon, en la brilia de sua gloria, ia vesti como un de los.
- Si Dio vesti ta a la erba, cual oji es en la campo e doman es jetada a la foco, cuanto plu el va fa per vos, omes de poca fida!
- Ance no debe preocupa per lo cual vos va come o bevi; no preocupa,
- car lo es la paganes de esta mundo los ci vade pos esta cosas. La Padre sabe lo cual vos nesesa.
- En loca, xerca sua Rena, e la otra cosas va es donada a vos en ajunta.
- No teme, manada peti, car vosa Padre ia vole dona la Rena a vos.
- Vende vosa benes e dona los como carita. Fa sacos cual no gasta e cumula un tesoro nonconsumable en la sielo, do la furor no prosima e la papilio de note no destrui.
- Car ala do vos ave vosa tesoro, vos va ave ance vosa cor.
- Es preparada, ensirca vosa lombos e es con la lampas ensendeda.
- Es como la omes ci espeta la reveni de sua senior, ci ia vade a un rituo de sposi, per abri apena el ariva e bate la porta.
- Joiosa la servores a ci la senior trova veliada cuando el reveni! Me serti vos ce el mesma va recolie sua tunica, va fa los senta a la table e va servi los.
- Joiosa los, si la senior ariva a medianote o ante la matini e trova los tal!
- Es serta de esta: si la senior de la casa ta sabe a cua ora la furor va ariva, el no ta lasa fora la mures de sua casa.
- Vos es ance preparada, car la Fio de la om va ariva a la ora en cual vos no espeta”.
- A pos, Pedro ia demanda: “Senior, esce tu dise esta parabola per nos o per totas?”.
- La Senior ia dise a el: “Cual es la manejor fidosa e cauta, a ci la Senior va pone encargada de sua servores per distribui la divide de trigo en la momento oportun?
- Joiosa acel a ci sua senior, cuando ariva, trova ocupada en sua labora!
- Me serti vos ce el va fa el manejor de tota sua benes.
- Ma si esta servor pensa: “Mea senior tardi en ariva”, e dedica se a colpa la servores om, e la servores fem, e come, e bevi e enebria se,
- sua senior va ariva un dia nonespetada e un ora nonconoseda, e va puni el e va asinia el un loca con la nonfidosa.
- La servor ce, conosente la vole de sua senior, no ia ave la cosas preparada e no ia ata seguente sua vole, va reseta un puni sever.
- Ma acel ce, sin sabe lo, ia es ance culpable, va es punida min sever. Multe va es esijeda a la person ci ia es confidada multe; e an plu va es esijeda a ci ia es confidada plu.
- Me ia veni per trae foco sur la tera, e como me ta desira ce el es ja ardente!
- Me debe reseta un batiza, e cua angusa me senti asta ce esta es realida completa!
- Esce vos pensa ce me ia veni per trae pas a la tera? No, me dise ce me ia veni per trae divide.
- De aora, sinco membros de un familia va es divideda, tre contra du e du contra tre:
- la padre contra la fio e la fio contra la padre, la madre contra la fia e la fia contra la madre, la madre par sposi contra la fia par sposi, e la fia par sposi contra la madre par sposi”.
- El ia dise ance a la fola: “Cuando vos vide ce un nube leva en la ueste, vos dise ce direta va pluve, e lo aveni tal.
- E cuando la venta de la sude sofla, vos dise ce lo va es calda, e lo aveni tal.
- Ipocritas! Vos sabe distingui la aspeta de la tera e de la sielo; como alora vos no sabe distingui la tempo presente?
- Perce vos mesma no judi lo cual es justa?
- Cuando tu vade con tua oposor ante la judor sivil, atenta ariva a un acorda con el en la via, en otra modo tua oposor va porta tu a la judor, e la judor pasa tu a la polisior, e esta pone tu en prison.
- Me serti vos ce vos no va es librida asta cuando tu paia la sentim ultima.
Capitol 12
1
…
49 Me ia veni per trae foco a la Tera; e como me desira ce lo ia es ensendeda!
50 Ma me ave un batiza per fa, e cuanto angusada me es asta cuando me ia ateni lo!
51 Esce vos pensa ce me ia veni per trae pas a la tera? Me dise a vos, no, ma divide;
52 car de aora de sinco membros en un casa va es divideda, tre contra du e du contra tre.
53 Los va es divideda, padre contra fio e fio contra padre, madre contra fia e fia contra madre, madre par sposi contra fia par sposi e fia par sposi contra madre par sposi.
…
58
