Capitol 1

1. Multes proba ja relata ordinada lo cual aveni entre nos,
2. como lo ia es transmeteda par los ci ia es atestores e servores de la Parola de la comensa.
3. Par esta, pos informa me cautia de tota de la comensa, me ia deside ance scrive per tu, plu Eselente Teofilo, un nara ordinada,
4. afin tu conose bon la solidia de la ensenias cual tu ia reseta.
5. en tempo de Herode, re de Judea, on ia ave un prete nomida Zacaria, de la clase pretal de Abia. Sua fem, nomida Isabel, ia es desendente de Aaron.
6. Ambos ia es justa ante la oios de Dio e ia segue de forma nonreproxable tota la comandas e prinsipes de la Senior.
7. Ma los no ia ave enfantes, car Isabel ia es nonfertil; e la du ia es avansada en sua anios.
8. Un dia en cual el ia es servinte como prete en la turno de sua divide ante Dio,
9. seguente la pratica de la servi pretal, el ia es elejeda par fortuna, el ia es elejeda per entra en la santeria de la Senior per arde insenso.
10. Tota la asembla de la popla ia resta a estra, en prea, en cuando la insenso ia es ofreda.
11. Alora la Anjel de la Senior ia apare a el, stante, a la destra de la altar de la insenso.
12. Pos vide el, Zacaria ia resta turbada e ia asusta.
13. Ma la Anjel ia dise el: “No temi, Zacaria; tua suplica ia es escutada. Isabel, tua sposa, va dona un fio a tu a ci tu va nomi Joan.
14. El va es per tu un causa de joia, e multes va joia per sua nase,
15. car el va es grande a la oios de la Senior. El va bevi no vino no bevida alcolosa; va es plenia de la Spirito Santa de la utero de sua madre,
16. e va fa ce multe fios de Israel reveni a la Senior, sua Dio.
17. El va presede a la Senior con sua spirito e la potia de Elija, per reconsilia la jenitores con sua fios e atrae la desobedintes a la sajia de la justas, preparante tal un popla bon disposada a la Senior”.
18. Ma Zacaria ia dise a la Anjel: “Como me pote es secur de esta? Car me es vea e mea sposa es de eda avansada”.
19. La Anjel ia responde: “Me es Gabriel, ci es ante Dios, e me ia es enviada per parla te e anunsia te esta bon nova.
20. Tu va resta muda, sin pote parla, asta la dia en cual esta cosas aveni, per no crede en mea parolas, cual va completi en sua propre tempo”.
21. Entretempo la popla ia es atendente Zacaria, stonada car el ia resta tan multe tempo en la Santeria.
22. Cuando el ia sorti, el no ia pote parla los, e totas ia comprende ce el ia ave un vide en la Santeria. El ia espresa se par sinias, car el ia resta muda.
23. Pos completi la tempo de sua servi en la Templo, el ia reveni a sua casa.
24. Pico a pos, sua sposa ia consepi un fio e ia resta oculta per sinco menses.
25. El ia pensa: “Esta es lo cual la Senior ia fa per me, cuando el ia deside libri me de lo cual ia vergonia me ante la omes”.
26. En la mense ses, la anjel Gabriel ia es enviada par Dio a la site de Galilea, en Nazaret,
27. a un virjin ci ia es prometeda con un om de la familia de David, nomida Josef. La nom de la virjin ia es Maria.
28. La Anjel ia entra en sua casa e ia saluta el, disente: “Lodas! Plen de grasia, la Senior es con tu”.
29. Pos escuta esta parolas, el ia deveni turbada e ia demanda se cual esta saluta pote sinifia.
30. Ma la Anjel ia dise el: “No temi, Maria car Dio ia favore te.
31. Tu va consepi e pari un fio, e tu va dona el la nom Jesus;
32. el va es gran e va es nomida Fio de la Plu Alta. La Senior Dio va dona el la trono de David, sua padre,
33. el va rena sur la casa de Jacob per sempre e sua rena no va ave fini”.
34. Maria ia dise a la Anjel: “Como lo pote aveni, si me no ave relata con un om?”
35. La Anjel ia responde: “La Spirito Santa va desende sur tu e la potia de la Plu Alta va covre tu con sua ombra. Par esta la enfante va es Santa es va es nomida Fio de Dio.
36. Ance tua relatada, Isabel, ia consepi un fio an con sua eda vea, e ci ia es considerada nonfertil, ia es en sua mense ses,
37. car on ave no cosa nonposible per Dio”.
38. Alora Maria ia dise: “Me es la servor de la Senior, ta ce lo es fada en me seguente lo cual tu ia dise”. E la Anjel ia departe.
39. En acel dias, Maria ia departe e ia vade a un popla de la monte de Juda.
40. El ia entra en la casa de Zacaria e ia saluta Isabel.
41. Apena esta ia oia la saluta de Maria, la enfante ia salta de joia en sua utero, e Isabel, plen de la Spirito Santa,
42. ia esclama: “Tu es bondiseda entra tota la femes, e bondiseda es la fruta de tua utero!
43. Ci es me, per ce la madre de mea Senior veni a visita me?
44. Apena me ia oia tua saluta, la enfante ia salta de joia en mea utero.
45. Bondiseda es tu ci ia crede ce va aveni lo cual ia es anunsiada de la Senior”.
46. Alora Maria ia dise: “Mea alma canta la grandia de la Senior,
47. e mea spirito joia en Dio, mea salvor,
48. car el ia regarda con bonia la basia de tua servor. De aora tota la jeneras va nomi me joiosa,
49. car la Omnipotente ia fa cosas gran en me: sua Nom es santa!
50. Sua compatia estende se de jenera en jenera sur los ci teme el.
51. El ia mostra la potia sua braso, el ia sperde la egosa de cor.
52. El ia suverti la potiosa de sua trono e ia eleva la umiles.
53. El ia pleni de cosas bon la famida, e ia envia la ricas a via con la manos vacua.
54. El ia aida Israel, sua servor, recordante sua compatia,
55. como el ia promete a nosa jenitores, en favore de Abraham e de sua desendentes per sempre”.
56. Maria ia resta con Isabel tre menses e a pos ia reveni a sua casa.
57. Cuando la tempo ia ariva en cual Isabel ia debe es madre, el ia pari un fio.
58. Cuando sua visinas ia escuta ce la Senior ia mostra sua gran compatia con el, los ia joia con el.
59. Pos oto dias, los ia asembla per sircoside la enfante, e los ia vola nomi el Zacaria, como sua padre;
60. ma la madre ia dise: “No, el debe nomi Joan!”.
61. Los ia dise a el: “On ave nun en tua familia cual ave acel nom”.
62. Alora los ia demanda con sinias a la padre cual nom el ia vole ce el ave.
63. El ia demanda un tableta, e ia scrive: “Sua nom es Joan”. Totas ia resta merveliada.
64. E en acel momento, Zacaria ia regania sua vos e ia comensa loda Dio.
65. Esta aveni ia produi un gran impresa entre la visinas, e lo ia es comentada en la tota rejion montaniosa de Judea.
66. Totas ci ia escuta es cosas ia garda los en sua cor e ia dise: “Cua, alora, va es esta enfante?” Car la mano de la Senior ia es con el.
67. Alora Zacaria, sua padre, ia resta plenida con la Spirito Santa e ia profeti:
68. “Ta ce la Senior, la Dio de Israel, es bondiseda, car el ia visita e salva sua Popla,
69. e ia dona a nos un potiosa Salvor de la casa de David, sua servor,
70. como el ia anunsia multe tempo ante nun, par boca de sua profetas santa,
71. per salva nos de nosa enemis e de la manos de totas ci odia nos.
72. Tal el ia ave compatia de nosa jenitores e ia recorda sua Acorda santa,
73. sua jura cual el ia fa a nosa padre Abraham
74. de permete nos ce, nos va adora sin teme, salvada de la manos de nosa enemis,
75. nos servi el en santia e justia, su sua regarda, tota nosa vive.
76. E tu, enfante, va es nomida Profeta de la Plu Alta, car tu va vade ante la Senior preparante sua vias,
77. per fa conose la salva a sua Popla per la pardona de sua pecas;
78. grasias a la compatia dulse de nosa Dio, ci va trae la visita de la Sol nasente de la sielo,
79. per lumina los ci es en oscuria e en la ombra de mori, e gida nosa pasos per la via de la pas”.
80. La enfante ia crese e ia forti en sua spirito; e ia vive en locas deserta asta la dia en cual ia revela a Israel.

---

Capitol 1

1 Per ce multe omes ia intende pone in ordina un narada de acel cosas, ce ia es serta credada entra nos, 2 como esta omes, ci da comensa ia es atestores con oios e es ministros de la Parola, dona los a nos, 3 pare bon ance a me, pos ce ave comprende perfeta de tota cosas da vera prima, per ce a tu scrive un reporta ordinada, plu eselente Teofilo, 4 per ce tu pote conose sertia de acel cosas, en ce tu ia es instruada.

5 Es entra la dias de Erod, la re de Ieuda, un prete nomeda Zacaria, de la divide de Avia. Se sposa es de la fias de Aaron, e se nom es Elixeva. 6 E ambos los ia es justa ante Dio, paseante sin culpa in tota comandas e leges de la Senior. 7 Ma los ave no enfante, per ce Elixeva es vacua, e ambos los ia ave tre multe anios.

8 Con esta modo es, entra ce el servi como prete ante Dio in ordina de se divide 9 seguente la costum de pretia, se fortuna cade per arde odore dulse, cuando el vade en la temple de la Senior. 10 E la entier foa de la popla prea estra a ora de odore dulse.

11 A esta ora, a el un anjel de la Senior se mostra, entra ce sta a lado destra de la table de odore dulse. 12 E, cuando Zacaria vide, el ave turba, e teme cade supra el. 13 Ma a el la anjel dise: –No teme, Zacaria, per ce tu prea es oiada; e tu sposa Elixeva va nase un fio, e tu va clama se nom Iocanan. 14 –E tu va ave joia e felis, e multe omes va selebra a se nase. 15 –Per ce el va es grande en vista de la Senior e va bevi no vino no bevide ebriable. El ance va es plen con la Spirito Santa, vera da madre. 16 –E el va diverte multe projenie de Israel a la Senior se Dio. 17 –E el ance va vade ante El en la spirito e potia de Elia, PER CE DIVERTE LA CORES DE LA PADRES A LA ENFANTES e la omes obente a sajia de la omes justa, per ce fa prepareda un popla pronto per la Senior. [Malaci 4:5,6]

18 E Zacaria dise a la anjel: –Seguente ce conose me esta? Per ce me es un om vea, e me sposa ave multe anios.

19 A el la anjel respondente dise: –Me es Gavriel, ci sta ante Dio, e a tu es enviada per ce a tu proclama esta novas. 20 –Vide: tu es muta e no pote parla a la dia, cuando cada esta cosa va es fada, per ce tu no creda me parolas, ce va es completada en se tempo.

21 E la jente espeta Zacaria, e los se demanda de ce el resta en temple. 22 E, cuando el se retorna, el a los no pote dise. E los comprende, ce el ia vide un revela en la temple, per ce el a los atenta dise con manos e resta muta.

23 E aveni ce, cuando la dias de se servi es completa, el departi a se casa. 24 Pos acel dias, se sposa Elixeva ensinti e se asconde entra sinco menses, disente: 25 –Per esta modo la Senior a me ia fa en la dias, en ce El ia vide, per ce sutrae me desgustia entra jente.

26 E en la mense ses la anjel Gavriel es enviada par Dio a site de Galiles, la nom de ce es Natseret, 27 a virjin prometeda a om, ci nom es Iosef, da casa de David. E la nom de la virjin es Mariam. 28 E la anjel veninte a el dise: –Salute, tu favoreda. La Senior es con tu felisida entra femas.

29 Ma el vidente el es turbada per la dise e se demanda de como salute es esta. 30 E la anjel a el dise: –No teme, Mariam, per ce tu ia trova favore con Dio. 31 –E vide: Tu va fi ensinta en utero e nase un Fio e va clama Se nom IEXUA. 32 –El va es grande e es clamada Fio de El la plu alta. E a El la Senior Dio va dona la reia de Se padre David. 33 –E El va regula supra la casa de Iaacov a tota tempo, e de Se reia no es fini.

34 Ma Mariam dise a la anjel: –Como es esta, per ce me no es familial con un om?

35 La anjel respondente a el dise: –La Spirito Santa va veni supra tu, e potia de El la plu alta va es ombra supra tu. Donce El naseda santa va es clamada Fio de Dio. 36 –E vide: Tu parente Elixeva ance ia fi ensinta con fio en se veia. E esta es la mense ses a el, ci ia es clamada vacua. 37 –Per ce cada cosa no es nonposable asta Dio.

38 E Mariam dise: –Vide la slava de la Senior. Lasa, ce es a me per tu dise.– E la anjel departi da el.

39 Entra acel dias Mariam se levante vade a la pais de colinas con freta a site de Ieuda 40 e entre la casa de Zacaria e salute Elixeva. 41 E aveni ce, cuando Elixeva oia la salute de Mariam, la bebe salta en el. Elixeva es plenida con la Spirito Santa 42 e clama con vose forte e dise: –Felisida es tu entra femas, e como felisida la Fruta de tu utero. 43 –E da do es esta, ce la madre de me Senior veni a me? 44 –Per ce vide: Cuando la sona de tu salute ia veni a me oreas, la bebe en me salta per joia. 45 –Felisida es el, ci ia creda, per ce va es un realia de la cosa a el parlada par la Senior.

46 E Mariam dise:
–Me mente* fa la Senior grande [o spirito]

47 –e me spirito loda en Dio me Salvor.
48 –Per ce El ia regarda supra umilia de Se slava. Per ce vide: Pos esta ora cada jenera va considera me felisida.
49 –Per ce El potos ia ata a me cosas grande, e santa es Se nom.
50 –E Se compati es a jenera de jeneras a los, ci El temente.
51 –El ia labora potia con Se braso. El sperde la omes orgulos en la razona de la cor.
52 –El ia fa res basa da se sentas e fa los, ci ia es basa, alta.
53 –El ia fa los fama plena con cosas bon e ia envia los rica vacua.
54 –El ia aida Israel Se domestico per ce recorda compati
55 –como El ia dise a nos padres Avraam e se seme a tota tempo.

56 Mariam sta con el a tre menses e se retorna a se casa.

57 A Elixeva la tempo, cuando el va trae, es completa, e el nase un fio. 58 E la visinas e la parentes ia oia, ce la Senior fa Se compati grande con el, e los selebra con el.

59 E aveni a la dia oto, los veni per ce sircacorti la fio. E los clama el con la nom de se padre Zacaria. 60 Se madre respondente dise: –No, ma el va es clamada Iocanan.

61 E los a el dise: –No un entra tu parentes es clamada con esta nom.

62 Los fa sinias a se padre, ce el vole, con ce el va es clamada. 63 E pos demanda un bloco de scrive, el scrive, disente: –Iocanan es se nom.– E tota los se demanda. 64 Se boca es abrida pronto e se lingua es laxida, e el bondisente Dio parla. 65 E teme ocure supra cada un, ci abita sirca los. E en la pais entier de colinas de Ieuda es diseda de tota esta cosas. 66 E cada un los ointe reserva en se cor, disente: –Ce la ora va es esta enfante?– E la mano de la Senior es con el.

67 E Zacaria se padre es plenida con Spirito Santa e disente proclama:

68 –Bondiseda es la Senior Dio de Israel, per ce El ia regarda e ia labora la paia de Se popla,
69 –e El ia leva un corno de salvar per nos en la casa de David Se domestico,
70 –seguente ce El proclama con la boca de Se proclamores santa da la ora tempo comensa:
71 –salva da nos enemis e da la mano de tota los odinte nos,
72 –per ce fa compati completa con nos padres e per ce recorda Se concorda santa,
73 – a nos dona la jura, ce El ia jura a Avraam nos padre:
74 –pos salva sin teme da la mano de nos enemis, nos va servi El
75 –con santia e justia ante El entra cada dia de nos vive.

76 –E tu, enfante, tu va es clamada la proclamor de El la plu alta. Per ce tu va vade ante la fas de la Senior per ce prepare Se via
77 –e per ce dona conose de salva a Se popla con renvia de Se peca
78 –con la senti de compati de nos Dio, con ce la Fonte de dia da alta ia visita nos,
79 –per ce brilia supra los en oscuria e sentante en la ombra de moria, e per ce dirije nos pedes a la via de pas.

80 La enfante crese e deveni forte en spirito. El es en la desertos asta la dia de Se mostrar a Israel.