Capitol 15

1. Tota la impostores e pecores ia prosimi a Jesus per escuta el.
2. La fariseos e la scrivistes murmura, disente: “Esta om reseta pecores e come con los”.
3. Alora ia dise los esta parabola:
4. “Si algun ave sento oveas e perde un, esce no abandona la nove-des-nove en la campo e vade a xerca la cual ia perde ja, per trova el?
5. E cuando el trova el, carga el sur sua spalas, plen de joia,
6. e cuando el ariva a sua casa cria sua amis e visinas, e dise a los: ‘Joia con me, car me ia trova la ovea cual me ia perde ja’.
7. Me serti vos ce, de la mesma modo, on va ave plu joia en la sielo per un sola pecor ci converti, ca per nove-des-nove justas ci no nesesa converti se”.
8. E el ia dise ance: “Si un fem ave des dracmas e perde un, esce el no ensende un lampa, scopi la casa e xerca asta trova el?
9. E cuando el trova el, cria sua amis e visinas, e dise los: “Joia con me, car me ia trova la dracma cual ia me perde ja”.
10. Me serti vos, de la mesma modo, la anjeles de Dio joia per un sola pecor cual converti se”.
11. Jesus ia dise ance: “Un om ia ave du fios.
12. La plu joven de los ia dise a sua padre: “Padre, dona a me la parte de mea erita cual coresponde a me”. E la padre ia divide sua benes.
13. Pico dias a pos, la fio la plu joven ia recolie tota cual el ia ave ia vade a un pais distante, do el ia spende sua benes en un vive lasiva.
14. El ia gasta ja tota, cuando multe miseria ia veni a acel pais, e ia comensa sufri privas.
15. Alora el ia comensa servi un de la abitores de acel rejion, ci ia envia el a la campo per atende la porcos.
16. E el ia anela sasia sua fame par come la cuercos de la porcos, ma nun ia dona los a el.
17. Alora el ia reconsidera e ia dise: ‘Cuanto laborores de mea padre ave pan en abunda, e me es asi morinte de fame!’
18. Aora me va vade a la casa de ma padre e me va dise: ‘Padre, me ia peca contra la Sielo e contra tu;
19. me no merita es nomida tua fio, trata me como un de tua laborores’.
20. Alora el ia parti e ia reveni a la casa de sua padre. Cuando el ia es ancor distante, sua padre ia vide el e ia move profonda, ia core a sua encontra, ia abrasa e besa el.
21. La joven ia dise: ‘Padre, ma ia peca contra la Sielo e contra tu; me no merita es nomida tua fio’.
22. Ma la padre ia dise a sua servores: ‘Trae rapida la vestes la plu bon e vesti el, pone un anelo en sua dito e sandales en sua pedes.
23. Trae la boveta grasida e mata lo. Ta ce nos come e festi,
24. car mea fio ia es morida e ia reveni a vive, el ia es perdeda e ia es trovada’. E la festa ia comensa.
25. La fio la plu vea ia es en la campo. Cuando el ia reveni, ja prosimi a la casa, ia escuta la musica e la coros ce ia acompania la dansa.
26. E criante a un de la servores, el ia demanda sur cual ia sinifia tota acel.
27. El ia responde: “Tua frate ia reveni, e tua padre ia fa mata la boveta grasida, car el ia regania el san e salvada”.
28. El ia coleri e no ia vole entra. Sua padre ia sorti per prea con el afin el entra denova,
29. ma el ia responde: ‘Regarda, tota esta anios me ia servi tu sin desobedi nunca un sola de tua comandas, e tu ia dona nunca un capra joven per fa un festa con mea amis.
30. E aora ce acel fio tua ia reveni, pos spende tua benes en femes, tu fa mata per el la boveta grasida!’.
31. Ma la padre ia dise el: ‘Mea fio, tu es sempre con me, e tota la mea es tua.
32. Lo es justa ce on ave festa e joia, car tua frate ia es morida e ia reveni a vive, el ia es perdeda e ia es trovada’.”