Capitol 24

1. Jesus ia sorti de la area de la templo e ia es paseante cuando sua disiplos ia prosimi a el per mostra la construidas de lo.
2. El ia responde: “Esce vos vide tota esta cosas? Me dise a vos ce no petra va es lasada sur petra, tota va es destruida.”
3. Cuando el ia es sentante sur la Monte de Olivos, la disiplos ia prosimi privata a el e ia dise: “Dise a nos, cuando esta va aveni, e cual sinia on va ave de tua veni, e de la fini de la mundo?”
4. Jesus ia responde: “Es atendente afin nun engana vos.
5. Car multe va veni en mea nom, disente: ‘Me es la Maxia’, e los va engana multes.
6. Vos va escuta sur geras e reportas de geras; no alarma vos, car esta cosas debe aveni, ma ancora lo no va es la fini.
7. Un nasion va leva contra un otra nasion, e rena contra rena; on va ave famiones e tremateras.
8. Tota esta es la comensa de la doles de pari.
9. Alora los va persegue vos, e los va mata vos. Vos va es odiada par tota nasiones par causa de mea nom.
10. E alora multe va es gidada a peca; los va tradi e odia lunlotra.
11. Multe profetas falsa va apare e engana multe;
12. e par la aumenta de malia, la ama de multe va fri.
13. Ma el ci persiste asta la fini va es salvada.
14. E esta bon novas de la rena va es predicada tra la mundo como atestor a tota nasiones, e alora la fini va veni.
15. Cuando vos vide en la loca santa la odia ruinante de cual Daniel la profeta ia parla (ta ce la lejor comprende),
16. alora los en Judea debe fuji a la montes,
17. un person sur un teto no debe desende per prende cosas en la casa,
18. un person en la campo no debe reveni per xerca sua capa.
19. Mal fortuna a la fem ensinta e la madres tetinte en acel dias.
20. Prea ce vosa fuji no es en inverno o en la dia santa,
21. car en acel tempo on va ave un turba grande, como no ia aveni de la comensa de la mundo asta aora, e nunca va aveni.
22. E si acel dias no va es sortida, nun ta es salvada; ma per benefica de la elejeda, los va es sortida.
23. Si cualcun dise a vos: ‘Vide, asi es la Maxia’ o ‘Ala es el!’, no crede lo.
24. Maxias falsa e profetas falsa va apare, e los va fa mervelias e miracles tan grande per engana, si lo ta es posible, an a la elejedas.
25. Regarda, me ia dise vos a ante.
26. Donce si los dise a vos: ‘El es en la deserto’, no vade ala; si los dise: ‘El es ascondeda en acel loca’, no crede lo.
27. Car como la lampo cual veni de la este e es videda asta la ueste, tal la veni de la Fio de Om va es.
28. En cualce loca do es la corpo mor, ala la vultures va reuni.
29. Direta pos la angusa de acel dias, la sol va es oscurida, e la luna va dona no lus, e la stelas va cade de la sielo, e la potias de la sielo va es secuteda.
30. E alora la sinia de la Fio de Om va apare en la sielo, e tota la tribus de la tera va lamenta, e los va vide la Fio de Om desende de la nubes de la sielo con potia e gloria grande.
31. E el va envia sua anjeles con un soflon de trompeta, e los va reuni sua elejedas de la cuatro ventas, de un fini de la sielos a la otra.
32. Aprende un leson de la figo. Cuando sua ramo deveni mol e jerme folias, vos sabe ce la estate es prosima.
33. En la mesma modo, cuando vos vide tota esta cosas, sabe ce el es prosima, a la porte.
34. Me dise a vos, esta jenera no va pasa ante ce tota esta cosas va aveni.
35. Sielo e tera va pasa, ma mea parolas no va pasa.
36. Ma de la dia e la ora nun sabe, no la anjeles de la sielo, no la Fio, ma sola la Padre.
37. Car como en la dias de Noa, tal lo va aveni con la veni de la Fio de Om.
38. En acel dias ante la deluvia, los ia es comente e bevinte, sposinte, asta cuando Noa ia entra a la arca.
39. Los no ia sabe asta cuando la deluvia ia veni e ia porta los a via. Tal lo va es en la veni de la Fio de Om.
40. Du omes va es a estra en la campo; un va es prendeda, la otra va es lasada.
41. Du femes va es molente en la molin; un va es prendeda, la otra va es lasada.
42. Donce, resta veliada! Car vos no sabe en cual dia vosa Senior va veni.
43. Es serta sur esta: si la mestre de la casa ta sabe la ora de la note cuando la furor va veni, el ta resta veliada e no ta lasa ce sua casa es furada.
44. Donce vos debe es ance preparada, car en un ora cual vos no espeta, la Fio de Om va veni.
45. Ci, alora, es la servor fidosa e cauta, a ci la mestre ia dona la gida de la casa, per distribui a los la comeda a la tempo coreta?
46. Bondiseda es acel servor ci sua mestre, veninte, va trova fante tal.
47. Amen me dise a vos, el va pone el encargada de tota sua propria.
48. Ma si la servor malvolente dise a se: ‘Mea mestre va tardi’,
49. e comensa bate la otra servores, e come e bevi con enebriadas,
50. la mestre de la servor va veni en un dia nonespetada e a un ora nonespetada
51. e va puni el sever e va asinia a el un loca con la ipocritas, do on va ave larmas e dentes molente.