2024

Janero

discriminante

Un sujesta matematical per solve nosa egalis cuadral: — Mixel 2024/01/29 19:07

• Bon, ma esce lo no es vera ce polinomios de tota tipos ave sua propre discriminante? — Simon 2024/01/29 22:05
• Lo es vera. — Mixel 2024/01/29 23:41
• Pardona mea maltapes strana en la difini. — Simon 2024/01/30 10:35
• Me no ia vide lo pronto, car gradu es un parola cual on oia frecuente en la isoletas sirca Isola Franca. 🙂 Me mesma ia era, scrivente la parola “polinom” en loca de polinomio… — Mixel 2024/01/30 12:45

discriminante -- nom matematica
defini: un cuantia cual depende de la constantes de un polinomio (per esemplo un egali de grado du) e permete ce on dedui fasil alga cualias de la solves de la egali
ca: discriminant
en: discriminant
eo: diskriminanto
es: discriminante
fr: discriminant
it: discriminante
pt: discriminante

Febrero 2024

valua, evalua

Me proposa esta entrada, su valua…
Esce on pote ance ave un esemplo de usa per es valuada, con un completinte? Esce lo es un completinte direta o indireta? “Esta longia es valuada (alga cosa) o es valuada a (alga cosa)” ?
La mesma demanda per evalua…
En pasa, esce ambos (valua e evalua) es sinonim? Si los es sinonim, perce on no ta distingui valua e evalua tal: evalua ta es “estima la valua de (alga cosa)”; valua ta es “ave la valua de (alga cuantia)…” Esemplo: “Si x valua 2, ta ce vos evalua y?” o “Si x valua 2, y valua cuanto?” En esperanto, on ave tal relata entre valoro e valori: la ludo valoras kandelon, unu metro valoras 100 centimetrojn. (Plu, evalua e estima es ja cuasi sinonim…) – Mixel 2024/02/06 10:05

• La ata de estima dona un valua aprosima, donce me esita acorda ce ave un valua de sinifia “es estimada como egal con”.
• La verbo valua refere tipal a un opina lodante; per esta razona, valuada e valuosa es cuasi sinonim. (La nom valua es plu jeneral; on pote refere a un obra con poca valua o completa sin valua.) La verbo valorar en espaniol pare simil a nosa valua – plu simil ca a valoir en franses.
• Ance evalua ave comun un relata a opinas e judis, ma lo pertine a la prosede de fa la judi, no a la teni de la opina resultante. “Me ia evalua sinco metodos diferente e ia eleje lo cual va es probable la plu valuada per la labora.”
• Tua esemplo “un cilometre ave un valua de mil metres” pare strana a me. Esce 1000 m es vera la “valua” de 1 km? Me ta dise ce ambos es valuas, ma no ce los ave valuas, o ce la un ave la valua de la otra. Compara “esta table ave un longia de un metre”, do la longia es un cualia de la table. La table ave un longia. Ma la longia no ave un longia. E longias es valuas. Me ta dise simple “un cilometre es egal a mil metres”.
  • Me comprende difisil acel paragraf… Me pensa ce mea tradui de valua no es coreta. — Mixel 2024/02/06 12:15
    • Lo es alga sutil e difisil per espresa clar! Cisa me es tro influeda par engles en esta. Interesante, me trova ce la frase “un cilometre ave la valua de mil metres” es plu asetable ca “un cilometre ave un valua de mil metres”. X ave la valua de Y dise plu clar ce la du cuantias ave la mesma valua: la valua de funsiona ala como un corti de la mesma valua como. Ma an plu clar es dise X ave la mesma valua como Y.
    • Me persepi ance un difere entre la valua de Y e la valua Y: en la prima on declara ce Y ave un valua; en la otra, ce Y mesma es un valua. Esta es multe simil a la difere entre la mense febrero (un espresa normal) e la mense de febrero (strana: la mense cual parteni o pertine a febrero – ma febrero mesma es la mense.) — Simon 2024/02/06 13:51
• Simil, me no ta dise “Esta longia es valuada des metres” e ance no “Esta longia es valuada a des metres”. En loca, me ta dise “Esta longia es des metres”, “Esta longia es evaluada/estimada/calculada/mesurada como des metres”. — Simon 2024/02/06 11:22

ave la valua de -- verbo
defini: ave (alga cuantia) como sua valua (grandia, mesura, custa, etc); (un cuantia o mesura) es egal a (un otra)
usa: un cilometre ave la valua de mil metres; esta depinta ave la valua de milion euros
ca: valer
en: be worth, have a value of, have the same value as
eo: valori
es: valer
fr: valoir, avoir une valeur de
it: valere
pt: valer

• Lo es un difisil per me. Si me comprende bon, valua es un opina (bon o mal o peti o grande);

1. on no pote dise “la valua de esta numero”,
   • La nom valua ave un sinifia plu jeneral ca la verbo. On parla coreta si on dise “la valua de esta numero” o “la valua de esta variable”, car numeros e variables ave valuas, sin duta. Ma la verbo pare refere sola a la teni de un opina alta sur alga cosa. “Nos valua vosa sujestas; me valua tua amia; el valua tro sua talento en acel campo.”
2. la verbos [ca] valer [en] be worth [eo] valori [es] valer [fr] valoir [it] valere [pt] valer (cual no relata con un opina, ma con un mesura) no ave un tradui direta en lfn: on ta debe usa es egal a…
   • A la min, lo es tal en mea usa de lfn asta aora. Jorj ia defini la verbo valua con un sinifia cual pertine xef a opinas e no vera a comparas de mesuras, etc. Cisa un ereta, ma valua es un parola tan comun ce cambia lo aora ta es difisil. — Simon 2024/02/06 13:51
3. la frase esperanto unu metro valoras 100 centimetrojn no pote es traduida con la parola lfn valua.
   • Si. Asta aora on ia dise un metre ave la valua de 100 sentimetres o simple un metre es egal a 100 sentimetres. Simil per tiu manĝo ne valoris la penon, me ta dise acel come no ia merita la labora.
4. E cual de la frases: [fr] Calculez la valeur de x…, Combien vaut y ? — Mixel 2024/02/06 12:15
   • Calcula la valua de x. Cual (o cuanto) es la valua de Y? La nom valua funsiona ja como tu desira. Sola la verbo de cual lo es derivada ave un sinifia plu spesialida. — Simon 2024/02/06 13:51
   • Grasias per tua esplicas clar. Me ia cambia pico la espresa, sua defini e la esemplo de usa. — Mixel 2024/02/06 17:43
   • Bon, grasias. Ance me ia fa alga ajustas. — Simon 2024/02/06 18:52

amplifia, amplifiador

Me sujesta esta parola forte comun en la Ecipon, e sin duta, alga internasional. — Mixel 2024/02/18 13:14

• Serta, si! Me es surprendeda ce esta parolas no ia es ja rejistrada, en fato. Ma nos ia dise forti e fortador a ante. Esce amplifia ta es plu bon si fundal nontransitiva? — Simon 2024/02/18 15:41
• Me acorda. Me ajunta lo, su tua controla per la traduis engles e esperanto. — Mixel 2024/02/18 17:22
• Perfeta! — Simon 2024/02/18 18:32

.amplifia -- verbo nontransitiva
defini: (un sinial eletrical, un sona, un imaje, un mesaje, etc) grandi en cuantia, volum o contenida
ca: amplificar-se
en: amplify, become amplified
eo: amplifiĝi, amplifikiĝi
es: amplificarse
fr: s'amplifier
it: amplificarsi
pt: amplificar-se, ampliar-se

amplifia -- verbo transitiva
defini: aumenta la cuantia, volum o contenida de (un sinial eletrical, un sona, un imaje, un mesaje, etc)
ca: amplificar
en: amplify
eo: amplifi, amplifiki
es: amplificar
fr: amplifier
it: amplificare
pt: amplificar, ampliar

amplifia -- nom
ca: amplificació
en: amplifying, amplification
eo: amplifo, amplifado, amplifiko, amplifikado
es: amplificación
fr: amplification
it: amplificazione
pt: amplificação, ampliação

amplifiador
defini: un aparato cual aumenta un sinial eletrical
ca: amplificador
en: amplifier
eo: amplifilo, amplifikatoro, amplifikilo
es: amplificador
fr: amplificateur
it: amplificatore
pt: amplificador

la du folias

Un problem, longo me, es la coesiste de du “folias”: folia e folia… En italian, la asentuas [′folia]/[fo′li-a] e sua speles (foglia/follia) permete distingui los, ma lo no es posible en lfn. — Mixel 2024/02/27 08:51

• Me no desacorda. On ia nota a multe veses ce la vocales final en elefen crea problemes. An Jorj ia trova difisil recorda los. An tal, en la majoria grande de casos, la sistem funsiona bon. — Simon 2024/02/27 09:24
• Cisa un forma folio (de un arbor o de un libro) ia ta es plu distinguable. En franses e italian, on usa [fr] folio, [it] foglio per la libros. En pasa, etimolojial, lo ia ta es plu normal, car folia veni de un confusa de la forma neutra plural de folium – folia – con un forma fema singular. — Mixel 2024/02/27 09:28
• Esta es vera, como tan multe cosas cual tu dise. La ostaculo es ce folia (de un arbor o libro) es un parola multe comun e ja vasta usada. — Simon 2024/02/27 11:21
• Me acorda. La folias deveni folios sola en la isoletas. — Mixel 2024/02/27 11:45
• Cisa a alga tempo futur, la isoletanes va es plu representada en la parlamento de la Isola Franca e va susede convinse la otras a adota sua costumes 🙂 — Simon 2024/02/27 12:58
• 🙂 — Mixel 2024/02/28 17:41

Marto 2024

sirca la insenso

Bon sera! Me xerca un parola per esta aparato en cual on arde insenso, pendulinte lo con un cadena. — Mixel 2024/03/04 19:34

• Sera bon! Esce insensador ta funsiona bon? — Simon 2024/03/04 20:09
• Dia bon! Me ia pensa ance a insensador. Ma me vide ance ce la parola turibulo es comun en la Ecipo (an en engles, ma no en franses).
  1. Esce la parola insensador ta implica la esiste de un verbo insensi?
     • No. Nos deriva alga -adores de nomes: baladador, betonador, brasador… — Simon 2024/03/05 11:11
  2. E esce esta parola no ta es confusada con un port(a)insenso, sola posada, nonpendulinte, in cual on arde la insenso?
     • No si la otra cosa ta es abitual nomida un portainsenso. — Simon 2024/03/05 11:11
  3. E esce port(a)insenso no pote es confusada con la person ([en] thurifer, [es-it] turiferario, [fr] thuriféraire) ci penduli la thurible|encensoir, e ci ta pote es nomida turibulor?
     • Esta es vera, ma ance per multe otras composadas cual comensa con porta- (portabagage, portabal, portacaxon…) Sur la demanda de la (a), nos ave ja portainca e portainserta. — Simon 2024/03/05 11:11
  4. Cisa 1. insensador pote es la contenador pendulida con un cadena, 2. la port(a)insenso ta es la contenador do on arde la insenso, 3. la insensor la person cual pasea pendulinte la insensador? — Mixel 2024/03/05 09:50
     • Si. Me ia es a punto de sujesta la mesma ante leje tua punto final 🙂 — Simon 2024/03/05 11:11
  5. Grasias! Me vade a ajunta esta parolas a nosa vocabulo vasta. Cual de insensi? On reteni o rejeta lo? — Mixel 2024/03/05 11:33
  • On reteni lo, serta. — Simon 2024/03/05 11:37
  • Perfeta. Me ave no plu cosa ajuntable. Per oji. 🙂 — Mixel 2024/03/05 11:43

insensador  -- nom relijio
defini: (en rituos relijial) un contenador do on arde insenso e cual on penduli
ca: encenser, turíbul
en: thurible, censer
eo: incensilo, incensujo
es: incensario, turíbulo, botafumeiro, turífero, pebetero
fr: encensoir
it: incensiere, turibolo
pt: incensório, turíbulo

insensi -- verbo transitiva
defini: parfumi (un loca) par arde insenso; arde insenso per onora (algun o un aveni)
vide: loda, onora
ca: encensar
en: cense, incense
eo: incensi
es: incensar
fr: encenser; brûler de l'encens pour honorer (quelqu'un)
it: incensare
pt: incensar

portainsenso -- verbo-nom
defini: un vaso o contenador en cual on arde insenso
en: incense holder, incense boat, navicula
eo: incensujo
es: portaincienso, naveta
fr: porte-encens, brûleur à encens, navette à encens
it: portaincenso, navicella, navicella per l'incenso, navetta per l'incenso, navetta portaincenso, navetta

insensor -- verbo-nom
defini: un person ci porta e penduli un insensador
ca: turiferari
en: thurifer
eo: incensoportisto
es: turiferario
fr: thuriféraire
it: turiferario

infra

Nos ave la parola supra, cual es un preposada e es usada ance como prefisa. Lo ta pare lojical (al min a me) ce nos ta ave la parola oposada infra; serta, nos ave lo ja, ma sola como prefisa. Esce on ta pote ance usa lo como preposada, como un parola corta sinifiante “en un loca inferior a”, “con un valua inferior a” – [en] below, downstream of, [fr] au-dessous de, en aval de, de moindre valeur que (supra = superior a; infra = inferior a). Esemplo: « La preteria locali es situada infra la eglesa. Un cripta es construida su esta eglesa. » — Mixel 2024/03/06 09:56

• Infra- es la antonim de ultra-, no? Me ta prefere no estende la lista de preposadas; los es multe fundal e formi un colie cluida. Me ta dise ce la preteria es plu basa ca la eglesa, o a vale de lo. — Simon 2024/03/06 16:16
  • Asi es la defini latina de infra; ala es sua defini engles. Ma, en pasa, esce nos ave un antonim de ultra? Si me tecli [fr] en deçà, Xercan responde: « 0 articles trovada. » Lo pare ce esta parola manca a nos. — Mixel 2024/03/06 17:46
    • La defini de infra en latina no pertine multe a sua sinifia como prefisa tecnical moderna. — Simon 2024/03/06 21:29
    • Ultra es un modo plu corta per dise “a la otra lado de”. Per la antonim, me ta dise “a esta lado de”. Cuando on usa ultra en relata con un loca, lo tende porta la idea ce on ta pote vade ala; per esemplo “ultra la eglesa” sujesta ce on ave un via cual pasa a lado de la eglesa e gida a locas ultra lo. Per la antonim, tal parlas no es tan comun, probable car on sabe ja ce on es do on es. Nota ce esperanto ave trans e preter, comun usada, ma per la antonim on dise ĉi-flanke de, estra si on vole risca la parola cis, cual es multe esperimental e strana e nonrecomendable per la conversa dial. E cuando on usa ultra en modo plu metafor (“ultra nosa comprende”, “ultra duta”, “ultra espera”, “ultra descrive”), la sinifia deveni simil a estra – e donce la antonim es en (o su o alga tal cosa). Si nos ta ajunta la preposada infra, me pensa ce lo ta apare a veses sola rara. E per tal consetas en un lingua aidante, lo es plu clar si on espresa se con plu ca un parola. — Simon 2024/03/06 18:23
    • Oce. Me ia ajunta en deçà, en deçà de entre la traduis de a ante, ante, si algun ta xerca esta parola franses, cual apare en la sita famosa de Blaise Pascal: « Vérité en deçà des Pyrénées, erreur au-delà. » — Mixel 2024/03/06 19:15
    • “Veria a esta lado de la Pirineos, era a la otra,” cisa. E tal me persepi a la ves prima ce vera e era es rimas 🙂 — Simon 2024/03/06 21:29
      • Bela! — Mixel 2024/03/07 08:22
• Entre brasetas, tua usa de locali no pare coreta: locali sinifia “deveni local”; tipal on ta usa lo en modo transitiva, per esemplo “locali la fonte de la transmetes” o “la nebla ia es multe localida” – restrinjeda tal ce lo ia es local. — Simon 2024/03/06 16:16
  • Me veni de coreti mea traduis erante franses e italian. Grasias. — Mixel 2024/03/06 17:46

cripta

En pasa, me sujesta esta parola comun en la Ecipon. — Mixel 2024/03/06 09:56

• Si. Lo es multe internasional. — Simon 2024/03/06 16:15

cripta -- nom arciteta relijio
defini: un sala construida su un eglesa
ca: cripta
en: crypt
eo: kripto
es: cripta
fr: crypte
it: cripta
pt: cripta

iodi

La sujesta de esta sera. — Mixel 2024/03/12 17:56

• Bon sera. E un bon sujesta. — Simon 2024/03/12 21:43

iodi -- verbo transitiva
defini: misca iodo a (alga cosa); ajunta iodo a (alga cosa)
ca: iodar
en: iodize
eo: jodi
es: yodar, cargar de yodo
fr: ioder
it: iodare
pt: iodar

un plance vermosa

Bon dia! Me xerca como tradui esta du espresas en un modo consisa… — Mixel 2024/03/14 08:39

Como dise: [fr] une planche vermoulue [en] a worm-eaten board? Esce vermida ta es comprendeda en esta sinifia, longo tu? Serta putrida par vermes es posible, ma lo es pesosa. O me osa vermiputrida, o vermosa (“cual conteni vermes”, cisa usable en un sinifia metafor? como ala) — Mixel 2024/03/14 08:20

• Vermosa pare bon a me. Vermida no es nonposible, ma me opina ce lo no es clar: lo estende tro la sinifia de -i. (On ta pote dise xilofajeda si xilofaje ta es un ajetivo. An tal xilofaje es un parola tro oscur e tecnical, no como vermoulu e worm-eaten.) — Simon 2024/03/14 09:56

vermosa -- ajetivo
defini: conteninte vermes o gastada par los; putrida o ruinada; sobornosa, frodante o moral malida
usa: un fruta vermosa; un plance vermosa
ca: menjat per cucs, decrèpit, podrit, corromput
en: worm-eaten, maggoty, rotten; corrupt, shady, dodgy
eo: manĝita de vermoj, vermoborita, vermotrua; kaduka, putriĝinta; koruptita
es: comido por gusanos, decrépito, podrido, corrupto, decrépito
fr: vermoulu, mangé par les vers, piqué des vers, décrépi, délabré, véreux, pourri, corrompu
it: mangiato dai vermi, bacato, marcio, tarlato, decrepito, corrotto
pt: comido por vermes, decrépito, podre, corrompido

• Strana, desvermi pare no es la oposada de vermi… — Mixel 2024/03/14 15:35
• Si. Cisa esta ia contribui partal a mea nonaproba de vermida a supra. — Simon 2024/03/14 16:14

Como dise: [fr] un (tacot) brinquebalant [en] a rickety (old banger) ? Me xerca un ajetivo cual nota e la veia e la frajilia (con la un causante la otra) de un veculo… — Mixel 2024/03/14 08:20

• Crujinte, cisa? — Simon 2024/03/14 09:56
• Interesante! Grasias! — Mixel 2024/03/14 15:35
• En engles on dise creaky con esta sinifia de frajilia vea. — Simon 2024/03/14 16:14

Noruz

En Discord, Hellerick sujesta: “Me pensa ce la parola “nouruz” debe es ajuntada a la disionario.” La pronunsia ta es [noːˈɾuːz], lo cual ta sujesta la parola simple Noruz… — Mixel 2024/03/21 09:37

• Noruz es bon. — Simon 2024/03/21 11:48

noruz -- nom
defini: la dia de la anio nova persian, aveninte a la ecuinote de primavera en la emisfera norde
ca: Nouruz, Nowruz
en: Nowruz
eo: Noruzo
es: Nouruz, Naw-Rúz, Newroz, Nowruz, Noruz, Norouz
fr: Norouz
it: Nowruz, Nawruz
pt: Noruz, Nowroz, Noe-Rooz, Norooz, Novruz, Noh Ruz, Nav-roze, Navroz, Náw-Rúz

Me ia cambia la letera major N a la letera minor n, como per divali. — Mixel 2024/03/21 13:21

• Coreta! Ance como per pascua e natal. — Simon 2024/03/21 14:26

enlini

Nos ave la ajetivo “enlinia”; cisa nos pote ajunta la verbo enlini, cual ta dona la ajetivo verbal enlinida? La defini debe es bonida… — Mixel 2024/03/23 17:54

• Esta es un bon idea. La verbo debe es fundal nontransitiva: cisa on pote dise ce un person enlini cuando el deveni liada a la rede, como go online, get online en engles. Probable on ave espresas simil en otra linguas. — Simon 2024/03/23 19:10

enlini -- verbo nontransitiva
defini: (un person, casa, aparato, etc) deveni liada a la interede; (un paje, video, etc) deveni publicida en la interede
en: go online, get online, connect to the internet; (information) appear online, be published online, drop
eo: retkontektiĝi, alretiĝi, enretiĝi
fr: se connecter (à internet), apparaître en ligne, être publié sur internet
it: collegarsi (a internet), connettersi (a internet), essere pubblicato online

enlini -- verbo transitiva
defini: lia (un person, casa, aparato, etc) a la interede; publici (un paje, video, etc) en la interede
ca: posar en línia, publicar, carregar, pujar
en: get (someone to go) online, connect (something) to the internet; put online, publish online
eo: retkonekti, alretigi, enretigi
es: poner en línea, publicar, cargar, subir
fr: mettre en ligne, connecter à internet, publier (sur internet)
it: mettere in linea, mettere online, pubblicare
pt: colocar online, publicar, carregar

enlini -- nom
defini: un ata de lia o deveni liada a la interede; un ata de publici en la interede
en: connecting to the internet; publishing online
eo: retkontektiĝo, alretiĝo, enretiĝo; enretigo
fr: connection (à internet), mise en ligne, publication (sur internet)
it: connessione (a internet), pubblicazione (su internet)

estralini -- verbo nontransitiva
defini: (un person, casa, aparato, etc) deveni desliada de la interede; (un paje, video, etc) deveni despublicida de la interede
en: disconnect from the internet, go offline; (information) be removed from the internet
eo: malkonektiĝi de la reto, elretiĝi
fr: se déconnecter d'internet, ne plus apparaître en ligne, ne plus être publié sur internet
it: scollegarsi da internet, disconnettersi da internet, non essere più pubblicato

estralini -- verbo transitiva
defini: deslia (un person, casa, aparato, etc) de la interede; despublici (un paje, video, etc) de la interede
en: get (someone to go) offline, disconnect (something) from the internet; take offline, take down, remove (previously published information)
eo: malkonekti de la reto, elretigi
fr: ne plus mettre en ligne, déconnecter à internet, enlever (une publication) sur internet
it: scollegare da internet, disconnettere da internet, non  pubblicare più

estralini -- nom
defini: un ata de deslia o deveni desliada de la interede; un ata de despublici en la interede
en: disconnection from the internet, going offline; removing (information previously published online)
eo: reta malkonektiĝo, elretiĝo; elretigo
fr: déconnection, publication (sur internet)
it: disconnessione da internet, rimozione di una pubblicazione

• Un cosa pico disturbante (per me) es ce la fini verbal -lini no es en coere con la fini -linia de la verbo alinia… Alinia es fundal verbal, contra ce linia es fundal nomal, e enlinia fundal ajetival. (Serta los es tre radises diferente. Ma…) — Mixel 2024/03/24 07:52
  • Tu mesma ia esplica la causa: la radises ave categorias diferente. Tota tre radises ave la fini -linia, ma la derivadas diverji. On ta pote dise ce egal disturbante es la fato ce la tre radises difere par sua categorias. Cisa lo ta es plu coerente si linia ta es fundal verbal (con la sinifia de lini), donante la nom linia. An tal, no tal solve pare posible per enlinia, cual es un espresa alga strana de orijina engles. — Simon 2024/03/24 13:16

• Cisa nos ta debe ajunta la verbos (e sua nomes de ata) corespondante a estralinia? — Mixel 2024/03/24 07:52
  • Me no desacorda. — Simon 2024/03/24 13:16
  • Esta parolas es aora enlinida. 🙂 — Mixel 2024/03/24 17:50

April 2024

muosa

Me sujesta esta parola. Per esemplo, en: labios muosa. — Mixel 2024/04/01 16:28

• Eselente. — Simon 2024/04/01 21:17

muosa -- ajetivo
en: pouty
eo: paŭta
fr: boudeur
it: imbronciato

automatia

Car nos ave la ajetivo automata (fundal) e la verbo automati. — Mixel 2024/04/03 07:55

• Si, bon. — Simon 2024/04/03 09:51

automatia -- nom
ca: automatisme
en: automaticness, automatism
eo: aŭtomateco
es: automatismo
fr: automatisme
it: automatismo
pt: automatismo

prelude

Bon dia. Esce esta parola ta es ajuntable? Lo pare a me ce introdui no es vera simil. Un introdui pare es la comensa de alga cosa a interna de esta cosa, contra ce un preludio es un parte completa, presedente (o no – vide Chopin, Debussy, Scriabin, Rachmaninoff…) alga cosa, un prepara musical o otra. E lo es multe internasional… — Mixel 2024/04/03 10:42

• Si, lo es internasional, e sua sinifia musical no pertine plu a introduis. Ance prefasa ta presenta tro forte la idea de un introdui. Ma nos ave delude e ilude; esce prelude ta es un forma plu bon? — Simon 2024/04/03 15:40
• En efeto! E, alora, lo ta pote es fundal un verbo, como [fr] préluder, [it] preludere
• Multe bon. — Simon 2024/04/03 20:03

prelude -- verbo transitiva musica
defini: (un peso corta de musica) prepara (un peso plu longa); (un aveni) prepara o anunsia (un otra aveni plu importante)
ca: preludiar
en: be the prelude to (something)
eo: preludi al
es: preludiar
fr: préluder à, être un prélude à
it: preludere
pt: preludiar

prelude -- nom musica
defini: un peso corta de musica; un aveni preparante o anunsiante un aveni importante
ca: preludi
en: prelude
eo: preludo
es: preludio
fr: prélude
it: preludio
pt: prelúdio

interlude

E lo remente me de esta parola: — Mixel 2024/04/04 07:51

• Bela. — Simon 2024/04/04 09:04

interlude -- nom arte
defini: un peso corta de poesia o musica cual interompe momental un obra plu longa; un tempo corta en cual un prosede es interompeda e alga cosa aveni
ca: interludi
en: interlude
eo: interludo
es: interludio, intermedio
fr: interlude, intermède
it: interludio, intermezzo
pt: interlúdio

morava, moravsce

Me sujesta esta parola istorial e relijial: me esita sur la forma de la parola. Cisa moravian ta es plu lojica, si on ajunta la rejion Moravia… — Mixel 2024/04/05 08:38

• En un coaveni strana, esta parola ia es discuteda a du o tre semanas ante aora. Alora me ia sujesta Moravia e moravsce. Me ia pensa ce me ia ajunta lo a la disionario, ma en realia me ia edita sola la definis proposada. Ala me ia dona moravsce como ajetivo e nom. (Simil per valdes.) Me pensa ce nos no nesesa presenta la fato ce lo conteni la vilas Brno e Olomots (e serta no en un frase separada) – esta es un detalia ensiclopedial. — Simon 2024/04/05 12:59

Morava -- nom istoria jeografial
defini: un rejion istorial en Europa sentral, cual en la pasada ia inclui la Txesco de oji e un teritorio vasta a sirca
ca: Moràvia
en: Moravia
eo: Moravio
es: Moravia
fr: Moravie
it: Moravia
pt: Morávia

moravsce -- ajetivo istoria relijio
defini: parteninte a un congrega relijiosa protestante antica, creada en la sentenio 15 par Jan Hus en Boemia, la "Frates moravsce"
ca: moravià
en: Moravian
eo: Moraviana
es: moravo, de Moravia
fr: morave
it: moravo, moraviano
pt: morávio, moraviano

En efeto! Un coaveni surprendente!

novela criminal

On ta nesesa un parola per esta spesie de libro de imajina. Me sujesta un parola, ma cisa tu ave un sujesta plu bon. — Mixel 2024/04/06 12:10

• Bon. Novela criminal sujesta ce la novela mesma es un crimin (tan xocante mal scriveda!) – ma probable esta es mera un resulta de nonabitua. Criminal sinifia vera “pertinente a crimin”, e si on tende usa lo per dise “cual es un crimin”, esta no proibi la sinifia plu jeneral. — Simon 2024/04/06 13:21

novela criminal -- nom arte
ca: gènere policíac
en: crime fiction, detective story, murder mystery, mystery novel, police novel, whodunnit
eo: krimromano, detektivromano, detektiva romano, policromano, polica romano
es: ficción criminal, novela detectivesca, novela de misterio, novela policíaca
fr: roman policier, polar
it: (genere) giallo
pt: ficção policial, ficção de crime, história de detetive, mistério de assassinato, romance de mistério, romance policial

novela negra

Me ia pensa ance a novela negra como on ave novela ros. Ma cisa lo ta es un espresa confusante. — Mixel 2024/04/06 14:55

• Como en la espresa filma negra, si? Lo sujesta a me la sinifia plu spesifada de un nara pesimiste, con un umor menasante. Novela criminal pare plu bon per la jenero vasta. — Simon 2024/04/06 16:23
• Me acorda, lo pote es videda como un ramo de la novela criminal. Asi es articles interesante consernante novela negra:
  1. https://ca.wikipedia.org/wiki/Novel%C2%B7la_negra
  2. https://es.wikipedia.org/wiki/Novela_negra
  3. https://fr.wikipedia.org/wiki/Roman_noir
  4. https://it.wikipedia.org/wiki/Noir (‘noir’ o ‘romanzo nero’)
• Si, e ance https://en.wikipedia.org/wiki/Noir_fiction. Nos pote ajunta lo si tu vole. — Simon 2024/04/06 17:27
• Oce. Me no ia trova en portuges… — Mixel 2024/04/06 18:39

novela negra -- nom arte
ca: noveŀla negra
en: noir fiction, noir novel
eo: nigra romano
es: novela negra, ficción noir, ficción negra
fr: roman noir
it: romanzo nera

filma negra

E, si tu vole: — Mixel 2024/04/06 18:45

• Serta. — Simon 2024/04/06 19:10

filma negra -- nom arte
ca: cinema negre, film noir
en: film noir
eo: nigra kino, nigra filmo
es: cine negro, film noir
fr: film noir
it: film noir
pt: filme negro, film noir

investigosa

Bon dia, Simon. Me pensa deriva la ajetivo investigosa de la radis verbal investiga, afin me dise “un regarda investigosa”. Me pensa ce lo ta pote es coreta, como en la caso de atendosa, derivada de atende. — Mixel 2024/04/06 07:35

• Un bon idea! — Simon 2024/04/07 10:46

investigosa -- ajetivo
ca: investigador, inquisitiu, escrutant
en: investigative, inquisitive, searching, penetrating, inquisitorial
eo: esplorema, enketema, sondema, scivolema
es: investigativo, inquisitivo, interrogador, inquiridor, inquisitorio, investigatorio
fr: investigateur, scrutateur, inquisiteur, interrogateur, pénétrant
it: investigativo, indagatore, scrutativo, inquisitivo, interrogativo, penetrante
pt: investigativo, sondando, escrutinando, inquisitivo, questionador, penetrante

entre la fronte e la fondo

La fronte (foreground) es lo cual sta a la plu prosima, la fondo (background) es lo cual sta a la plu distante. Ma entre ambos? Como dise: au second plan, au troisième plan ? A la plana du, a la plana tre?

• Me no es serta como me ta dise au second plan e au troisième plan en engles. Acel sinifia de plan pare limitada a contestos fotografial e sinematografial, do on ta usa shot en engles. Nos ave alga espresas su xuta cual pote cisa aida: xuta larga, xuta media, xuta streta. Me no gusta multe la idea de usa plana per esta en elefen – lo pare estende tro multe la sinifia fundal de acel parola. — Simon 2024/04/07 10:49
• On usa lo ance en la arte depintal. Cisa loca es sufisinte. A la loca prima (o a la fronte), a la loca du, a la loca tre. — Mixel 2024/04/07 12:23

luseta

Me ia esperia alga difisil, traduinte la parola [fr] lueur (lus debil, distante…). Me sujesta esta parola: — Mixel 2024/04/07 12:23

• Me ia esperia la mesma difisil en tradui glimmer. Me ia usa brilieta en la pasada. Ma luseta es un bon solve. — Simon 2024/04/07 13:15

luseta -- nom
en: glow, glimmer
eo: lumeto
fr: lueur, faible lumière, petite lumière, veilleuse
it: barlume, luce fioca, luce debole, bagliore

tapeto - “moquette”

• Fitted carpet (cual covre la solo intera) es simple un tapeto. Esta pare es la sinifia xef de moquette en franses, ma tua defini “un tapeto spesa” es diferente. Moquette en engles sinifia un tipo de stofa usada per tapetos o per covre la sejas en trenes, etc. Tu pote clari per me la intende? — Simon 2024/04/08 20:28
• En efeto, grasias. Moquette no es nesesada spesa. Me veni de ajunta la sinifia de moquette a tapeto. — Mixel 2024/04/09 08:21

nondefinable

Esce tu pensa ce on ta pote ajunta la parola nondefinable, derivada de defini, o lo no es nesesada? — Mixel 2024/04/09 09:12

• Me pensa ce lo es un bon ajunta. — Simon 2024/04/09 09:38

nondefinable -- ajetivo
ca: indefinible
en: indefinable
eo: nedifinebla
es: indefinible
fr: indéfinissable, imprécis, indéfini, indescriptible, indéterminable, indéterminé, indicible, indistinct, inexprimable, insaisissable, mystérieux, vague
it: indefinibile
pt: indefinível

autoritaria

Lo pare manca. — Mixel 2024/04/09 10:49

• Vera. — Simon 2024/04/09 11:29

autoritaria -- nom
ca: autoritarisme, imperiositat, autoritat
en: imperiousness, bossiness, officiousness, authoritarianism
eo: ordonemo, obeigemo, aroganteco, aŭtoritatismo
es: autoritarismo, imperiosidad
fr: autoritarisme, impériosité, autorité tyrannique
it: autoritarismo, imperiosità, autorità tiranica
pt: autoritarismo, imperiosidade

Babel e sua tore

Un parola interesante per nosa tema xef… — Mixel 2024/04/09 18:00

• Si. Tua proposa es en no modo un babela. — Simon 2024/04/09 18:06
• (La mito mesma es un situa ipotesal, ma la persones en acel situa ia vole construi la tore.) — Simon 2024/04/10 11:14
• Serta. Grasias! — Mixel 2024/04/10 14:38

.Babel -- nom relijio mitolojia
defini: un site mital en cual persones, par orgulo, ia vole construi un tore multe grande
ca: Babel
en: Babel
eo: Babelo
es: Babel
fr: Babel
it: Babele
pt: Babel

tore de Babel -- nom mitolojia
defini: un mito sur la multia de linguas
imaje: #
ca: torre de Babel
en: Tower of Babel
eo: Babela turo, Babelturo
es: torre de Babel
fr: tour de Babel
it: torre di Babele
pt: torre de Babel

cuasi, ancora, cisa, an + verbo

Me esita sur como loca la verbo cuasi a lado de un verbo. Me scrive fasil un tal frase: “El parla, cuasi cantante”, car cantante es plu ajetivo ca verbo, ma me no es comfortosa con: “cuando el parla, el canta cuasi”. Esce lo no ta es plu bon ce on dise: “cuando el parla, el cuasi canta” ? — Mixel 2024/04/12 10:11

• Me ia usa sempre el canta cuasi (e el canta cisa, el canta ancora, el canta an), ma me senti la mesma descomforta como tu. An tal, la regula per loca averbos esiste per distingui los de ajetivos. Cuasi parteni a la clase peti de averbos fundal – lo es nunca un ajetivo – e me pensa ce nos pote permete plu libria a autores en relata con la loca de tal paroletas. — Simon 2024/04/12 10:26
• Ance, me pensa tal consernante cisa e an. Acel paroletas sona (per me) cuasi como prefisas, (e cuasi- es tal!)… Lo es plu bon en efeto, si sua loca es plu libre. — Mixel 2024/04/12 10:46

areola

On ta nesesa un verbo per dise “ensirca con un areola”. Prima, me ia pensa natural a areoli, un verbo derivada de la nom areola. Ma me pensa ce cisa on ta pote ave areola fundal verbo, e deriva de lo la nom areola sin cambia la fini. Me prefere sempre no cambia la fini de un parola, si on pote evita lo. E lo ta coere con la fini verbal de la ecipo. Cual tu opina? — Mixel 2024/04/13 09:04

• Me acorda con tua prefere e gusta la idea de areola como verbo. (Me no pensa ce clar pote sinifia “nonoscur” en descrive colores; la idea fundal de clar es la transparentia.) — Simon 2024/04/13 10:58

.areola -- verbo transitiva
defini: ensirca un parte o la intera de (algun o alga cosa) con lus o un color briliante
ca: aureolar
en: halo, surround with a halo
eo: aŭreoli
es: aureolar
fr: auréoler
it: aureolare
pt: aureolar

Maio 2024

la jua de la ganso

Un sujesta de jua per la enfantes de Isola Franca. — Mixel 2024/05/05 07:32

• Serta. — Simon 2024/05/05 17:08

jua de la ganso -- nom
defini: un jua de table juada con du dados sur un curso de sesdes-tre cuadretas mostrante imajes
ca: joc de l'oca
en: game of the goose, royal game of the goose
eo: anserludo
es: juego de la oca
fr: jeu de l'oie
it: giocco dell'oca
pt: jogo da glória, oca

vitreria

Un sujesta per un sala con mures e teto de vitro ([fr] verrière). — Mixel 2024/05/06 15:48

• Un bon parola. Ma en engles skylight es un fenetra en un teto, canopy es un baldacin de alga tipos, e glass roof es simple un teto de vitro, donce no la mesma como un vitreria, e me ia sutrae los de la traduis. Nos ave ance sala de sol per la mesma cosa. — Simon 2024/05/06 16:32

vitreria -- nom arciteta
defini: un sala con mures de vitro (e comun ance un teto de vitro), sur la teto o sur la lado de un casa
ca: claraboia, lluerna
en: sunroom, solarium, conservatory
eo: sunĉambro, vitroĉambro
es: tragaluz
fr: verrière, solarium, toit vitré
it: vetrata, lucernario
pt: clarabóia, tragaluz

Me ia conose ja la sinifia de skylight, ma me ia vide ce Reverso usa lo a veses como tradui de verrière. Ma Reverso era a veses. 🙂 Grasias per la clari! — Mixel 2024/05/06 18:13

stela polal o de norde

On ta nesesa nomi esta stela, per orienta se en mar e ariva a nosa isola… Stela polal, stela de polo, stela de norde? — Mixel 2024/05/07 09:23

• Me ia usa stela polal en esta testo ante multe tempo; lo pare es la sola presedente, e lo coresponde bon a la ajetivos usada en la Ecipo. Nos pote ajunta ance stela de norde en mea opina: la du termas es simil ma no esata sinonim. Ma lo no es vera ce stela polal sinifia Polaris e α Ursae Minoris – per estas, me ta usa la nom propre Polaris e la nom formulin α Ursae Minoris (ma estas no nesesa apare en nosa disionario). — Simon 2024/05/07 11:20

stela polal|de norde| -- nom astronomia
defini: un stela multe briliante en la constela de la Ursa Peti
ca: estel polar, estel del Nord, estela polar, estrella polar
en: Polaris, Pole Star, North Star
eo: polusa stelo
es: estrella polar, estrella del Norte
fr: étoile polaire
it: stella polare, stella del Nord
pt: estrela polar, estrela do Norte, Polar

antigravita ≠ nongravita

Lo pare a me ce la parola antigravita (un gravita negativa) ([en] antigravity [fr] antigravité) no sinifia esata como nongravita (un gravita zero, un asentia de gravita) ([en] weightlessness [fr] apesanteur). Me ta sujesta ce on ajunta nongravita. Cual vos pensa? — Mixel 2024/05/07 15:29

• La gravita esiste ancora en tal situas: sin gravita, satelites no ta pote orbita. Lo cual manca en tal situas es la pesa. Donce me sujesta la parola nonpesa. Nos ave ance lejeria completa. — Simon 2024/05/07 16:42

nonpesa -- nom
defini: un manca de la senti de pesa, como en orbita
ca: ingravidesa
en: weightlessness, zero gravity
eo: senpezeco
es: ingravidez
fr: apesanteur
it: assenza di peso
pt: imponderabilidade

• Perfeta! Esta parola lejeri nos tan pronto! Grasias! — Mixel 2024/05/07 18:38

table de damas

Bon dia! Me xerca un terma jeneral per la motif de un table de jua de damas ([en] draughtboard [fr] damier), ma en modo estendeda, per sinifia ance un grilia o un sursolo con cuadretas alternante du colores, frecuente blanca e negra, o jala e negra, como la mosaic pavement francamason. En franses, on usa la terma damier ance en esta sinifia jeneral. M. C. Escher ia usa frecuente esta motif: como en Dia e note. — Mixel 2024/05/09 11:37

• Nos ave cuadretosa, ma cisa lo no es sufisinte esata. La parola xacin es imajinable, ma sua usa per “simil a un table de xace” envolve un estende alga longa. — Simon 2024/05/09 13:27
• On ta nesesa usa lo como un nom: un xacin. Perce no? Lo es corta bel. Esce xaceria o dameria ([fr] damier, échiquier, [it] damiera, scacchiera) ta conveni? Regretable, cuadretosa no dona la idea de du colores alternada. Grilia bicolor?
• En fato la idea de xaceria ia veni a me ier, ma me ia suposa ce lo ta es tro distante de la sinifia normal de -eria. Ma me gusta lo, e la estende no pare tro grande. Plu, lo es simil a alga de la formas en la Ecipo. (Dameria es tro strana, car acel jua no es la sinifia fundal de dama.) Sur cuadretosa, tu mesma ia usa lo en La mostror de imajes: “la solo cuadretosa jala e negra de la cosin”. Lo no spesifa direta ce la colores alterna, ma on comprende esta par sua conose de la mundo. E lo no es nonevitable ce alga derivadas reseta sua sinifias mera par costum e acorda. — Simon 2024/05/10 09:21

La sujesta ta pote es: — Mixel 2024/05/11 07:07

• Bon. — Simon 2024/05/11 12:00

xaceria -- nom
defini: un table de xace o de damas; (metafor) un motif cuadretosa en cual du colores alterna
ca: escaquer
en: chessboard, draughtsboard, checkerboard
eo: ŝaktabulo, damtabulo
es: damero
fr: damier, échiquier
it: damiera, scacchiera

color, bicolor, tricolor, multicolor

Multicolorosa e trecolorida pare pesosa… Esce multicolor, bicolor, tricolor ta conveni? La fini -color ta pote es usada per formi tal ajetivos?

bicolor -- ajetivo
defini: cual ave du colores
ca: bicolor
en: two-colored|ur
eo: dukolora
es: bicolor
fr: bicolor
it: bicolore
pt: bicolor

multicolor -- ajetivo
defini: cual ave multe colores
ca: multicolor
en: multicolored|ur
eo: multkolora, multekolora
es: multicolor
fr: multicolor
it: multicolore
pt: multicolor, multicor

tricolor -- ajetivo
defini: cual ave tre colores
ca: tricolor
en: three-coloured
eo: trikolora
es: tricolor
fr: tricolor
it: tricolore
pt: tricolor

— Mixel 2024/05/10 07:58

• Cisa… Ma nos debe recorda ce cada tal ajunta “natural” fa ce la lingua deveni multe complicada e difisil per aprende per persones ci no parla ja un tal lingua. Nos ave ja la problem ce bi- e du- es prefisas sinonim, e, lo cual es plu mal, tri- e tre-. — Simon 2024/05/10 09:27
• En efeto. Ma cisa lo ta es lojical si color ta es fundal un ajetivo. En efeto, la parola color es notada como un cualia en la defini de nosa disionario, e un cualia implica… un ajetivo. An en franses, on (ia) dise une photo, un film couleur, une télé(vision) couleur tan fasil ca une photo, un film noir et blanc o une télé noir et blanc. Wiktionary sita ance esta esemplo: Des souliers couleur de rose. Un maillot couleur chair. La defini fundal de color ta deveni: “cual produi un sensa a la oio par la modo en cual lo refleta o emete lus”.
• La nom de un cualia es un nom. Ance grandia e caldia es cualias, ma los es nomes. En espaniol on dise película en color. An tal, la idea ce color ta pote deveni fundal ajetival es interesante. Lo ave alga similes con parolas como angulo e cuadro. Ma me esita. Negra, blanca e gris es colores, ma on no vole dise ce ojetos con acel colores es color (ajetivo). — Simon 2024/05/11 12:02
• Me comensa gusta plu tua sujesta inisial: la ajunta de bicolor, tricolor e multicolor. Nos ave alga parolas fea como multibaital, multibandal, multicanalal e multijuoral cual ta es plu bela sin -al. Ma a contra multicultural, multidimensional, multietnical e multiladal pare nesesa sua sufisa. Ai per la naturalisme! — Simon 2024/05/11 18:09
• La loca ta pote defini un usa ajetival: cuando un nom segue un otra nom, la ultima es usada como la ajetivo cualinte la prima. Cisa esta ta pote es considerada como un caso spesial de aposa? — Mixel 2024/05/12 08:14
• La aposa es per situas como la parola “color” e la jornal artiste “Color”. On ta pote imajina un dialeto de elefen en cual la plu de nomes composada ta ave la forma “nom + nom”: avia mar, lingua mundo, table xace… Ma esta sistem ta fali en caos cuando la nom du ta es verbal: avia tona, lingua programi, table vende… Jorj ta rasca sua testa en confonde, demandante perce on opina ce filma de color es tro longa. E nota ce on dise persones de color. La solve la plu bon pare es lo cual tu ia scrive e sutrae, pd: permete (ma no esije) la omete de la sufisa ajetival en parolas formida par ajunta multi- a un nom, como multicolor[osa] e multijuor. Multi-X es un modo corta de dise “con multe X-es”. — Simon 2024/05/12 12:08
• Me ia ajunta ja (ma, me no comprende perce lo ia desapare - cisa, me ia oblida fisa lo) ce la parola forte cual es fundal un ajetivo, an tal, ia dona la nom la forte; tal, la parola color ta pote segue esta modo. — Mixel 2024/05/12 15:25
• Un forte es un cosa forte, un cosa cual es forte. Ma un color no es un cosa *color, un cosa cual es *color – car negra no es *color (colorosa). — Simon 2024/05/12 16:05
• Lo es vera. Esce, longo tu, esta tre parolas debe es poneda su la radis color – o, separada, bicolor a la letera B, tricolor a la letera T, multicolor a la letera M?
• Probable tota la tre debe apare su la radis color. Tal los es formida. Si nos debe esplica perce los no segue esata la regulas normal, nos pote dise ce bi-, tri- e multi- es prefisas tecnical e internasional. Alga de la parolas cual usa los esiste ja estra elefen, e elefen fa no plu ca adota los. — Simon 2024/05/12 20:01

nave, naval

Me sujesta ce la sinifia de la parola nave ta es estendeda a acel de barcon. Serta, sua sinifia es “la parte sentral de un eglesa o catedral cual conteni la plu de la congrega” – esta sinifia debe es conservada, e la parola barcon debe es conservada ance –, ma me trova ce esta parola merita ce on usa lo plu frecuente, prima car sua sona es vera dulse e plasente (multe plu dulse ca acel de barcon) e, du, car on ta pote plu fasil crea la derivada naval, cual es multe comun en la Ecipon ([ca en es fr pt] naval, [it] navale) contra ce barconal es vera fea. Cual tu | vos opina? Nota ce marinal ta conserna plu la fortes militar, en cuando naval ta conserna plu la barcones sivil. (Lo pare ce Chabi ia usa ja esta parola en acel sinifia, en esta testo.) — Mixel 2024/05/22 07:48

• Me esita, car la parte sentral de un eglesa ave poca similia evidente a un barcon, an si tal es la etimolojia. Ma serta nave es un parola bela e naval es un ajetivo usosa (lo ta sinifia simple “pertinente a barcones”, cisa sivil, cisa militar). E on refere la Schiff de un eglesa ance en deutx, a la min. Donce oce, me acorda. Ta ce “barcon” deveni la sinifia prima de nave. La parte sentral de un eglesa ia orijina como un usa metafor de esta. — Simon 2024/05/22 12:02

nave -- nom veculo arciteta
defini: un barcon; la parte sentral de un eglesa o catedral cual conteni la plu de la congrega
vide: barcon
imaje: barcon, nave
ca: vaixell, nau, navili, bastiment; nau (d'una església)
da: skib
de: Schiff
en: ship, vessel; nave (church)
eo: ŝipo; navo
es: nave, buque, navío; nave (de una iglesia)
fr: navire, paquebot, bateau, vaisseau; nef (d'église)
he: ספינה, אוניה
it: nave, vascello, nave de crosciera, bastimento (nave); la navata (di una chiesa)
ne: गिर्जाघरको मध्य भाग
pt: navio, nau; nave (de uma igreja)
ru: корабль, судно
zh: 轮船、舰艇

naval -- ajetivo
defini: pertinente a barcones
ca: naval
en: naval
eo: ŝipa
es: naval
fr: naval
it: navale
pt: naval

• Bon! — Simon 2024/05/22 13:30
• E la nave vade! — Mixel 2024/05/22 17:00
• Bon naviga! — Simon 2024/05/22 17:40

Junio 2024

blancia

Bon dia, Simon. Nos ave negria, ma, strana, no blancia. La spelador ia dise. El pare no reconose la -ia final de la cualias derivada de ajetivos. — Mixel 2024/05/23 07:45

• Serta un parola ajuntable. La sufisa -ia es multe corta e conteni no consonantes. Si la spelador ta reconose lo a cualce ajetivo, me pensa ce lo ta resta silenta sur tro multe eras de tape o de recorda. — Simon 2024/05/23 09:32

blancia -- nom
ca: blancura
en: whiteness
eo: blankeco
es: blancura
fr: blancheur
it: bianchezza
pt: brancura

ombrela

Bon dia! Me xerca como tradui la parola franses ombrelle, esta spesie de parasol peti, portable, aspetante un parapluve, frecuente portada par la femes en la sentenio 19. Me ta sujesta ombrela, como venida de ombrella en catalan e italian, umbrella en engles, ombrelo en esperanto, ombrelle en franses… Parasol pare no conveni, car lo es un ojeto grande, frecuente usada per proteje de la sol a la plaia. — Mixel 2024/05/25 09:34

• Parasoleta? No, ombrela es plu bon. — Simon 2024/05/25 19:11

.ombrela -- nom
defini: un spesie de parasol peti portable, simil a un parapluve per proteje se de la sol
ca: ombrella
en: umbrella, sunshade
eo: ombrelo
fr: ombrelle
it: ombrella

• Bon. — Simon 2024/05/26 09:18

sotana

Bon dia! Asi es un sujesta per la veste longa de un prete, min pesosa ca “roba de prete” (cual on pote serta conserva) : — Mixel 2024/06/07 11:36

• Si, lo pare bon como un terma tecnical. — Simon 2024/06/08 15:20

sotana -- nom
defini: un roba de prete
ca: sotana, saia
en: soutane, cassock
eo: sutano
es: sotana, loba, hábito
fr: soutane
it: tonaca, sottana, abito talare
pt: sotaina, batina, túnica

poi

Me regrete frecuente ce nos no ave un parola corta per [en] then [fr] puis [it] poi. Me no gusta tan “a pos”, “pos alora”, “seguente”… Me no sabe esce tu/vos senti simil como me, ma un parola como poi ta pote es un bon ajunta, en mea opina. — Mixel 2024/06/13 09:02

• Me acorda. Me pensa ce la manca de un tal parola en elefen aveni car, orijinal, Jorj ia suposa ce “alora” pote servi. Ma plu tarda, el ia comprende ce esta es un resulta de influes engles. On pote fasil imajina un varia de elefen en cual la lista de averbos fundal ta inclui poi a lado de ja e ancora. E Jorj mesma ia sujesta la ajunta de an cuando on ia senti la manca de un modo consisa e nonambigua per espresa esta. Me no oposa ajunta poi si otras acorda. — Simon 2024/06/13 14:27
• “Vide Napoli, poi mori!” — Mixel 2024/06/13 14:46
• Me gusta esta idea. — Isaac 2024/06/13 21:56
• (Me ta demanda per un duple de frases su la campo usa:, pf. Lo no es perfeta clar a me cuando on emplea vera esta.) — Marc 2024/06/14 13:10
• “Vide Napoli, poi mori!”; “En la sala, esta om, poi esta fem, ia entra.” (Poi indica un segue de atas, un segue de persones, etc.) — Mixel 2024/06/14 13:16
• Lo opera en construis como if …, then … ? — Marc 2024/06/14 15:07
• No, lo sinifia “como la ata seguente”, “como la cosa seguente” o simil. La esemplo con Napoli es bon, ma no la plu clar posible. If… then es si… donce.

poi -- averbo
defini: (e) a pos; (e) pos alora; (e) seguente; como la cosa o ata seguente en la serie
usa: verje a sinistra, poi a destra, poi a destra denova; prima nos ia come, poi nos ia vade a la conserta; la om, poi la fem, ia entra a la sala; vide Napoli, poi mori!
ca: i després
en: then, and then
eo: poste, kaj poste
es: y despues, y luego
fr: puis, et puis
it: poi, e poi
pt: e depois, e então

Nos va debe ajunta poi a la lista de averbos fundal en la gramatica. — Simon 2024/06/14 16:31

• Lo es vera ce nos debe ajunta lo en tota la traduis de la gramatica. Me ia fa lo per la Ecipon (regretable, nos no ave alga tradui portuges de la gramatica…) e per polsce. Me veni de ajunta poi en la disionario. Me demanda a me esce un tradui engles posible ta pote es (and) next. — Mixel 2024/06/15 07:45
• Multe grasias! Oji me ia es viajante e no ia vide tua labora ante aora. Me acorda serta ce (and) next es un otra bon tradui engles de poi, e me veni de ajunta lo. — Simon 2024/06/15 21:24

gimn(o)- o jimn(o)- o jino- ?

Bon dia, Simon. Me nota ce la radis elinica γυμν(ο)- ia dona gimn- en gimnosperma (un terma tecnical), ma ia evolua (como en italian e portuges) a jin- en jinasta, jinastia (un terma plu comun). Longo tu, cual ta es la parola lfn per γυμνοπαιδία(ι), cual ia inspira la composor Erik Satie sur la titulo de un colie de tre obras, les Gymnopédies? — Mixel 2024/06/21 09:01

• Bon dia. Me pensa ce gimnosperma es un era: lo debe es jimnosperma, longo la model de jineseo, jinecolojia, jerontolojia, jeografia e multe otras. Longo esta model γυμνοπαιδία(ι) es jimnopedia(s). Probable cada tal festa anial ta es un jimnopedia, per claria e oportunia. — Simon 2024/06/21 10:16
• Grasias! Tal, la problem de g/j es tratada. Cual de jimno-/jino- ? Esce la segue -mn- ta debe resolve a -n-, como en jinasta/jinastia o lo no es nesesada? — Mixel 2024/06/21 19:22
• Jinopedia ta es min reconosable en mea opina. Sola italian omete la m en esta parola, e an ala on trova ance gimnopedie. Jinasta es un parola multe plu comun (donce fonetical gastada), e sua omete de la m es suportada no sola par italian ma ance par portuges. — Simon 2024/06/21 20:36
• Grasias, tota la puntos es solveda. Me ia ajunta jimnopedia. Me vide ce gimnosperma ia es usada a un ves, en Aora oji. E a un ves en Vicipedia, en la article Cretasica. Me veni de cambia los a jimnosperma en tota locas. — Mixel 2024/06/22 07:47
• Grasias, Mixel! — Simon 2024/06/22 10:47

jimnopedia -- nom istoria
defini: un festa relijial en Sparta antica
ca: gimnopèdies
en: gymnopedia|ae
eo: gimnopedio
es: gimnopedias
fr: gymnopédies
gr: γυμνοπαιδία,γυμνοπαιδίαι
it: gimnopedìe, ginnopedìe
pt: gimnopédia

Julio 2024

can e gato

Per un tradui de un noveleta, me debe nomi esta can e esta gato. — Mixel 2024/07/06 14:51

• Labrador es serta bon. Moggy en engles es un gato de tipo no spesial elevada; gato comun pare bon per esta. Stray cat, feral cat e alley cat (e probable gutter cat, ma me no conose acel espresa) es un gato sin posesor cual abita su sielo e evita umanas; per lo me sujesta gato vagante (longo la model de xico vagante). — Simon 2024/07/06 15:38

.labrador -- nom mamal
ca: labrador, labrador retriever
en: labrador, labrador retriever
eo: labradora hundo
es: labrador retriever, cobrador de Labrador, perdiguero de Labrador, labrador
fr: labrador (chien), labrador retriever
it: labrador, labrador retriever
pt: labrador, labrador retriever

gato comun -- nom
ca: gat carreró
en: moggy, non-pedigree cat, domestic short-haired cat, domestic long-haired cat, ordinary cat
eo: ordinara kato
es: gato doméstico de pelaje corto, gato callejero
fr: chat de gouttière
it: gattaccio di strada, gatto da strada
pt: gato vadio, gato de rua

gato vagante -- nom
en: stray cat, feral cat, alley cat, gutter cat
eo: migra kato, tegmentoleporo
fr: chat errant
it: gatto randagio, gatto selvatico

• Perfeta! Grasias! Me es traduinte en esta momento un noveleta titulida Matina brun, de Franck Pavloff.

aniseta, pastis, raci

Un sujesta de bevidas mediteranean. — Mixel 2024/07/09 08:41

• Tota bon. — Simon 2024/07/09 10:50

.aniseta -- nom cosini
defini: un licor de anis comun tra la paises mediteranean, cual on bevi con un ajunta de acua fresca
vide: uzo, pastis
ca: anís, aniseta, aniset, fil
en: anisette
eo: anizlikvoro
es: anís, licor de anís, anisado
fr: anisette
it: anisetta, sambuca
pt: anisete, aniseta, licor de anis

.pastis --  nom cosini
defini: un licor de anis ositan, cual on bevi con un ajunta de acua fresca
vide: uzo, aniseta
ca: pastís, fil
en: pastis
eo: pastiso
es: pastis
fr: pastis
it: pastis
pt: pastis

.raci -- nom cosini
defini: un licor turces aromida con anis
ca: raki
en: raki
eo: rako (likvoro)
es: raki
fr: raki
it: raki
pt: raki

espetosia?

Me nota ce, al min en franses, on ave un difere persepable de sinifia entre être dans l’attente e être dans l’expectative; cisa en engles on ave tal difere entre la parolas waiting e expectancy. En ambos casos, algun espeta alga cosa, ma en la caso du, on ave un senti de espera forte car la cosa espetada es importante, per esemplo la resulta de un esamina, de un vota, de la eleje de un ministro xef (en pasa, me opina ce ministre ia ta es plu ajenero ca ministro). Me demanda a me esce espetosia ta pote tradui acel senti. — Mixel 2024/07/16 07:18

• Lo es interesante ce engles distingui la verbos wait e expect, ma franses usa attendre per ambos, e espaniol espresa ance “espera” en sua verbo esperar. Me gusta multe tua idea de usa espetos(i)a. Me es espetosa per vide esta parola nova en la disionario :) Waiting with bated breath, with great anticipation. Ance sur ministre me acorda. Me no oposa si tu vole distingui ministra e ministro, presentante ambos como derivadas de un radis ajenero nova ministre. — Simon 2024/07/16 09:06

• Su .espeta:

espetosa -- ajetivo
defini: espetante con un espera forte
ca: expectant, a l'expectativa
en: expectant, waiting with great anticipation, waiting with bated breath
eo: anticipa, antaŭĝua
es: expectante, a la expectativa
fr: dans l'expectative, anxieux, expectatif
it: in aspettativa, nell'aspettativa
pt: expectante, na expectativa

espetosia -- nom
ca: expectativa
en: expectancy, anticipation
eo: anticipo, antaŭguo
es: expectativa
fr: expectative
it: aspettativa
pt: expectativa

• Su .ministre :

.ministre -- nom governa
defini: la xef (fem o om) de un departe de la governa
ca: ministre o ministra
en: minister (government, male or female)
eo: ministro
es: ministro o ministra
fr: ministre (femme ou homme)
it: ministro (donna o uomo)
pt: ministro o ministra

ministra -- nom governa
defini: la fem xef de un departe de la governa
ca: ministra
en: minister (government, female)
eo: ministrino
es: ministra
fr: ministre (femme)
it: ministro (donna)
pt: ministra

ministro -- nom governa
defini: la om xef de un departe de la governa
ca: ministre
en: minister (government, male)
eo: ministro (vira)
es: ministro
fr: ministre
it: ministro
ru: министр

• Grasias per la completi! Ajuntada. — Mixel 2024/07/16 13:29

Agosto 2024

xocolatina|xocoladina o pan de xocolada ?

Me sujesta, per esemplo per acompania la cafe con lete a la matina, esta viennoiserie multe comun en Frans e alga otra paises, e me proposa esta parola venida de ositan (vide asi): — Mixel 2024/08/05 08:00

• Deletosa! Ma per evita un radis nova, cisa pan de xocolada ta es un nom plu simple? — Simon 2024/08/05 08:42
• Me ia pensa ja a pan de xocolada, ma, car lo no es vera un pan (lo es un rolada de pasta folin) e de xocolada es un espresa pico ambigua, me ia prefere usa un parola nova per evita la confusa con un pan simple con un bara de xocalada a interna. Cisa lo pare tro futil complicada per nos, ma si on demanda a un xice de Isola Franca, lo es vera un cosa de importantia major! — Mixel 2024/08/05 11:16
• No problem. La parola xocolatina o simil pare es relativa internasional, egal internasional como pan de xocolada. Esta es un cosa spesifada en la cultur, e me no oposa identifia lo per sua propre terma. — Simon 2024/08/05 11:50
• Esce, longo tu, lo ta es preferable ce on ave la parola xocoladina con un D (par refere con xocolada) plu ca xocolatina con un T? — Mixel 2024/08/05 14:37
• Difisil, ma (a esta momento) me senti un prefere debil per xocolatina. La parola es emprestada, no derivada par metodos elefen. Lo es ance pico divertinte ce lo pare fini con latina. — Simon 2024/08/05 15:58

xocolatina -- nom cosini
defini: un paneta dulse fada de un pasta folin con un o du baras de xocolada
ca: canya de xocolata
en: pain au chocolat, chocolatine
eo: ĉokolada pano
es: napolitana de chocolate
fr: pain au chocolat, chocolatine, petit pain au chocolat, couque au chocolat
it: pain au chocolat, chocolatine

• Oce per xocolatina, plu prosima a la orijinal. — Mixel 2024/08/05 17:14

“supasa”, un verbo antonim de “suprapasa”

Me xerca un verbo cual pote sinifia “es inferior en (alga cosa) (a alga cosa o a algun) par (alga cosa), e cual ta es la verbo antonim de “suprapasa”.
Esemplo: « La frutas suprapasa en pesa la sesto vacua par des cilogrames. »
En oposa: « La sesto vacua ………….. en pesa la frutas par des cilogrames. » (« La sesto vacua es inferior en pesa a la frutas par des cilogrames. »)
Esce algun de vos ave un idea? — Mixel 2024/08/09 07:14

• Interesante. Me no conose un tal verbo comun en cualce lingua, ma on pote formi desesede en elefen. Vide ance la nota sur deceed en la Wiktionary engles: nos ta pote crea desede en elefen, ma on ta espeta per lo la sinifia “mori”. Un otra posible es supasa longo la model de suprapasa – plu elegante ca desesede. — Simon 2024/08/09 07:37
• supasa es un bon proposa! — Mixel 2024/08/09 15:56
• Me sita asi la proposa de Harri Savolainen ce on usa la verbo manca tal: « La sesto vacua manca en pesa de des cilogrames a (o: asta, relatada a) la frutas. » — Mixel 2024/08/09 16:12
  • Acel no sasia la desira, car la sujeto de manca es sempre la cosa asente. Si la sesto manca, on ave no sesto! On ta debe dise: “Des cilogrames [de pesa] manca de la sesto vacua en compara con la frutas.” — Simon 2024/08/09 17:19

Quod erat demonstrandum, QED

Quod erat demonstrandum es la formula latina clasica a fini de un demostra. En franses, on usa plu sua tradui Ce qu’il fallait démontrer e, en italian, Come volevasi dimostrare. La corti comun de esta formula es QED (o [fr] CQFD, [it] CVD). Cual ta pote es esta formula en lfn e sua corti? — Mixel 2024/08/11 09:51

Fini de demostra, Final demostrada, FD ?

• Demostrada! Plu leteral, lo cual ia es per demostra o lo cual on ia debe/vole demostra. O con como en loca de lo cual. — Simon 2024/08/11 11:08
• Ma per ave un corti plu simil a los en otra linguas, me sujesta CVD (cual on ia vole demostra). — Simon 2024/08/11 11:39

CVD -- corti
defini: cual on ia vole demostra
ca: Q.E.D., tal com volíem veure, tal com es volia demostrar
en: QED, Q.E.D., q.e.d.
eo: K.E.P., kio estis pruvota, kio estis pruvenda
es: QED, CQD, como queríamos demostrar, LQQD, lo que queríamos demostrar, demonstrado
fr: CQFD, C.Q.F.D., ce qu'il fallait démontrer
it: q.e.d., c.v.d., come volevasi dimostrare
pt: Q.E.D., C.Q.D., como se queria demonstrar

• Perfeta! — Mixel 2024/08/11 13:20

h min s

Duras de tempo. — Mixel 2024/08/11 17:57

• Bon, grasias. Ma dura no sinifia longia. Cisa lo debe, car esta es un era comun! — Simon 2024/08/11 18:06
• Me no va dise cualce oposa 😉 : per me, lo pare pico strana ce dura implica un continua de esiste en un situa difisil. Esce la causa ta es un similia con dur? Emo., survive o, cisa, tolera sinifia ja tal. En la Ecipo, si me no era, la parola durar^e no ave acel conota, ma sola la sinifia neutra de “resta en alga situa”. Dura es plu corta ce longia de tempo, longia de vive, longia de esiste, e, en acel sinifia, ta es serta usosa (al min per me 🙂 ). — Mixel 2024/08/12 09:39
• Strana, si, me acorda, e comensores tende usa “durante” como un preposada (“en la curso de”). La disionario de 2002 ave “dura – duration”, “durante – meanwhile; durable, resilient, robust, strong”, “durar – endure, last”. Probable nos ia cambia esta car acel sinifias ia es un caos sin bon coere entre se. Probable nos ia salta alora en dirije erante. Lo ta es plu bon si la verbo dura ta sinifia “resta, continua (con asentua a la tempo)” e la nom ta pote sinifia alora la longia (en tempo) de alga cosa continuante (duration). Vera nos ta pote reali esta par sutrae simple la idea de “avenis o situas difisil” de la defini. Durante ta sinifia “restante, continuante (en tempo)” e sua sinifia presente ta move a durable (capas de es durada; tal ce on pote fa ce lo dura). Ancora durante no ta deveni un preposada :) — Simon 2024/08/12 10:09

.h -- corti fisica
defini: ora (mesurante longia de tempo)
nota: Per scrive un punto en la dia longo la orolojo, la forma `3:45` o `16:45` es plu clar ca `16h45`.
vide: ora
ca: h (hora)
en: h (hour)
eo: h (horo)
es: h (hora)
fr: h (heure)
it: h (ora)
pt: h (hora)

.min -- corti fisica
defini: minuto (mesurante longia de tempo)
vide: minuto
ca: min (minut)
en: min (minute)
eo: min (minuto)
es: min (minuto)
fr: min, mn (minute)
it: min (minuto)
pt: min (minuto)

.s -- corti fisica
defini: secondo (mesurante longia de tempo)
vide: secondo
ca: s (segon)
en: s (second)
eo: s (sekundo)
es: s (segundo)
fr: s (seconde)
it: s (secondo)
pt: s (segundo)

desenian, etc.

Su desenio, me suposa. — Mixel 2024/08/12 09:07

• Si. Los es un tipo nova de prefisas numeral, longo la model de treavo e parolas simil. Ma me pensa ce estas es prima ajetivos, no? — Simon 2024/08/12 09:56
• Serta! — Mixel 2024/08/12 10:19
  • Per la traduis esperanto, esce on conserva -ul- o lo no es nesesada: kvardekjarula o kvardekjara? — Mixel 2024/08/12 10:42
  • On dise simple kvardekjara. — Simon 2024/08/12 10:45
  • A, ma kvardekjara sinifia ce la person ave esata 40 anios. Per cuatrodesenial on dise kvardekkelkjara/jarulo, ma esta no es un espresa comun en esperanto. — Simon 2024/08/12 11:08

cuatrodesenian -- ajetivo
defini: con eda de 40 a 49 anios
ca: quadragenari
en: quadragenarian, forty-something, in one's forties
eo: kvardekkelkjara (homo)
es: cuadragenario, cuarentón
fr: quadragénaire
it: quarantenne
pt: quadragenário, quarentão

cuatrodesenian -- nom
ca: quadragenari
en: quadragenarian, forty-something, person in their forties
eo: kvardekkelkjarulo
es: cuadragenario, cuarentón
fr: quadragénaire
it: quarantenne
pt: quadragenário, quarentão

desenian -- ajetivo
defini: con eda de 10 a 19 anios
ca: adolescent (de 10 a 19 anys)
en: teenaged, teenage, in one's teens
eo: dekkelkjara (homo)
es: adolescente (de 10 a 19 años)
fr: adolescent (de 10 à 19 ans)
it: adolescente (tra 10 e 19 anni)
pt: adolescente (dos 10 aos 19 anos)

desenian -- nom
ca: adolescent (de 10 a 19 anys)
en: teenager, person in their teens (aged 10-19)
eo: dekkelkjarulo
es: adolescente (de 10 a 19 años)
fr: adolescent (de 10 à 19 ans)
it: adolescente (tra 10 e 19 anni)
pt: adolescente (dos 10 aos 19 anos)

dudesenian -- ajetivo
defini: con eda de 20 a 29 anios
ca: (persona) de 20 a 29 anys
en: twenty-something, in one's twenties
eo: dudekkelkjara (homo)
es: (persona) de 20 a 29 años
fr: (personne) de 20 à 29 ans
it: (persona) tra 20 e 29 anni
pt: (pessoa) dos 20 aos 29 anos

dudesenian -- nom
ca: persona de 20 a 29 anys
en: twenty-something, person in their twenties
eo: dudekkelkjarulo
es: persona de 20 a 29 años
fr: personne de 20 à 29 ans
it: persona tra 20 e 29 anni
pt: pessoa dos 20 aos 29 anos

novedesenian -- ajetivo
defini: con eda de 90 a 99 anios
ca: nonagenari
en: nonagenarian, ninety-something, in one's nineties
eo: naŭdekkelkjara (homo)
es: nonagenario, noventón
fr: nonagénaire
it: nonagenario
pt: nonagenário, noventão

novedesenian -- nom
ca: nonagenari
en: nonagenarian, ninety-something, person in their nineties
eo: naŭdekkelkjarulo
es: nonagenario, noventón
fr: nonagénaire
it: nonagenario
pt: nonagenário, noventão

otodesenian -- ajetivo
defini: con eda de 80 a 89 anios
ca: octogenari
en: octogenarian, eighty-something, in one's eighties
eo: okdekkelkjara (homo)
es: octogenario, ochentón
fr: octogénaire
it: ottogenario, ottuagenario
pt: octogenário, oitentão

otodesenian -- nom
ca: octogenari
en: octogenarian, eighty-something, person in their eighties
eo: okdekkelkjarulo
es: octogenario, ochentón
fr: octogénaire
it: ottogenario, ottuagenario
pt: octogenário, oitentão

sesdesenian -- ajetivo
defini: con eda de 60 a 69 anios
ca: sexagenari
en: sexagenarian, sixty-something, in one's sixties
eo: sesdekkelkjara (homo)
es: sexagenario, sesentón
fr: sexagénaire
it: sessagenario
pt: sexagenário, sessentão

sesdesenian -- nom
ca: sexagenari
en: sexagenarian, sixty-something, person in their sixties
eo: sesdekkelkjarulo
es: sexagenario, sesentón
fr: sexagénaire
it: sessagenario
pt: sexagenário, sessentão

setedesenian -- ajetivo
defini: con eda de 70 a 79 anios
ca: septuagenari
en: septuagenarian, seventy-something, in one's seventies
eo: sepdekkelkjara (homo)
es: septuagenario, setentón
fr: septuagénaire
it: settuagenari
pt: septuagenário, setentão

setedesenian -- nom
ca: septuagenari
en: septuagenarian, seventy-something, person in their seventies
eo: sepdekkelkjarulo
es: septuagenario, setentón
fr: septuagénaire
it: settuagenari
pt: septuagenário, setentão

sincodesenian -- ajetivo
defini: con eda de 50 a 59 anios
ca: quinquagenari
en: quinquagenarian, fifty-something, in one's fifties
eo: kvindekkelkjara (homo)
es: quincuagenario, cincuentón, cincuenteno
fr: quinquagénaire
it: quinquagenario
pt: quinquagenário, cinquentão, cinquentenário

sincodesenian -- nom
ca: quinquagenari
en: quinquagenarian, fifty-something, person in their fifties
eo: kvindekkelkjarulo
es: quincuagenario, cincuentón, cincuenteno
fr: quinquagénaire
it: quinquagenario
pt: quinquagenário, cinquentão, cinquentenário

tredesenian -- ajetivo
defini: con eda de 30 a 39 anios
ca: (persona) de 30 a 39 anys
en: 30-something, in one's thirties
eo: tridekkelkjara (homo)
es: (persona) de 30 a 39 años
fr: trentenaire
it: trentenne
pt: (pessoa) dos 30 aos 39 anos

tredesenian -- nom
ca: persona de 30 a 39 anys
en: thirty-something, person in their thirties
eo: tridekkelkjarulo
es: persona de 30 a 39 años
fr: trentenaire
it: trentenne
pt: pessoa dos 30 aos 39 anos

ask the way - demander son chemin

Cual ta es la modo la plu bon per tradui la espresa: [en] ask the way [fr] demander son chemin? Demanda sua via ? — Mixel 2024/08/21 09:49

• Probable demanda per la/sua via. La ojeto de demanda es la parolas diseda, pd. demanda funsiona simil a verbos como dise en esta relata. — Simon 2024/08/21 11:06
• Me adota esta sujesta eselente! Me no ia pensa a usa per! Grasias! — Mixel 2024/08/22 09:53

Setembre 2024

dominante, sudominante

Un sujesta derivada de la radis domina. — Mixel 2024/09/04 09:09

• Multe bon. — Simon 2024/09/04 09:40

dominante -- nom
defini: la grado 5 en un scala musical diatonica
ca: dominant (música)
en: dominant (music)
eo: dominanto (muziko)
es: dominante (música)
fr: dominante (musique)
it: dominante (musica)
pt: dominante (música)

sudominante -- nom
defini: la grado 4 en un scala musical diatonica
ca: subdominant
en: subdominant
eo: subdominanto
es: subdominante
fr: sous-dominante
it: sottodominante
pt: subdominante

tonica (ajetivo e nom)

.tonica -- ajetivo musica
defini: pertinente a la nota prima en un scala diatonica, fundinte un tonalia
ca: tònic
en: tonic
eo: tonika
es: tónico
fr: tonique
it: tonico
pt: tónico

tonica -- nom musica
defini: la nota prima (la grado 1) en un scala diatonica
ca: tònica
de: Tonika, Tonica
en: tonic
eo: toniko
es: tónica
fr: tonique
it: tonica
pt: tónica

• Bon. — Simon 2024/09/04 11:44

regular, regularia, nonregular, nonregularia

Asi es la sujesta: — Mixel 2024/09/05 09:30

• Eselente. — Simon 2024/09/05 10:24

.regular -- ajetivo
defini: coerente con un regula; obedinte un regula; cual no cambia; de cual tota sua elementos es egal
usa: un poliedro regular; un respira regular; un verbo regular; eglesores regular
ca: regular
en: regular
eo: regula
es: regular
fr: régulier
it: regolare
pt: regular

nonregular -- ajetivo
ca: irregular
en: irregular
eo: neregula, malregula
es: irregular
fr: irrégulier
it: irregolare
pt: irregular

nonregularia -- nom
ca: irregularitat
en: irregularity
eo: nereguleco, malreguleco
es: irregularidad
fr: irrégularité
it: irregolarità
pt: irregularidade

regularia -- nom
ca: irregularitat
en: regularity
eo: reguleco
es: regularidad
fr: régularité
it: regolarità
pt: regularidade

otra grados en un scala diatonica

La segue: — Mixel 2024/09/05 10:37

• Grasias! Me ia modifia alga la defini de sensable: me espera ce me no ia era. — Simon 2024/09/05 11:24

supradominante -- nom musica
defini: la grado 6 en un scala diatonica
ca: superdominant
en: superdominant
eo: superdominanto
es: superdominante
fr: sus-dominante
it: sopradominante
pt: superdominante

.mediante -- nom musica
defini: la grado 3 en un scala diatonica, determinante esce la scala es major o minor
ca: mediant
en: mediant
eo: medianto
es: mediante
fr: médiante
it: mediante
pt: mediante

supratonica -- nom musica
defini: la grado 2 en un scala diatonica
ca: supertònica, submediant
en: supertonic
eo: toniko
es: supertónica
fr: sus-tonique
it: sopratonica
pt: supertônica, sobretônica

sutonica -- nom musica
defini: la grado 7 en un scala diatonica, a un tono su la tonica
ca: subtònica
en: subtonic
eo: subtoniko
es: subtónica
fr: sous-tonique
it: sottotonica
pt: subtónica

sensable -- nom musica
defini: un nota (usual la sutonica de un scala diatonica) cual tende resolve se a la nota a un semitono plu alta
ca: sensible
en: leading note, leading tone, subsemitone
eo: glitotono, strebotono
es: sensible (música)
fr: sensible, note sensible
it: sensibile
pt: sensível

western

En filmas de caubois, la casa xef es la saloon, un bar o taverna do on entra puxante un porte duple cual abri a estra e a interna de la salon. Como on ta pote nomi: — Mixel 2024/09/10 14:24

1. acel filmas ([fr] western) cual es situada en la ueste de la Statos Unida de America, en la sentenio 19?
   • Filma de cauboi, cisa. Ma western es internasional multe bon conoseda, donce me proposa lo. — Simon 2024/09/10 14:54

1. acel salon/bar/taverna ([fr] saloon), do on bevi multe wisce? (salun ?)
   • Esce esta nesesa sua propre parola? Si nos defini western como fundal un ajetivo, nos pote dise bar western. — Simon 2024/09/10 14:54

1. acel porte duple per entra en la salon ([en] batwing doors, swing doors, [fr] porte de saloon, porte à double battant)?
   • Me sujesta porte western (o portes western – ma lo pare plu clar si nos dise ce un tal entra ave du alas, e no du portes). Si on vole distingui tipos, on pote parla de porte western duple e unuple. — Simon 2024/09/10 14:54
   • Per ajusta: — Mixel 2024/09/10 17:42

.uestern|western -- ajetivo arte
defini: pertinente a filmas o libros cual portrae la vive de caubois e banditos en la statos ueste de la SUA, tipal en la parte du de la sentenio 19
ca: de western, del Far West (cinema)
en: western, Wild West (film)
eo: vakera, vesterna
es: de western (película)
fr: de western (cinema), de cowboys, du Far West
it: di western (cinema)
pt: (cinema) western, de faroeste, de cowboys

uestern|western --- nom arte
ca: western (pel·lícula)
en: western (film), Wild West film
eo: vakera filmo, vesterno
es: western (película)
fr: western (film)
it: western 'film)
pt: western (filme)

bar uestern|bar western -- nom istoria
ca: saloon
en: (western) saloon
eo: vakera drinkejo, vesterna drinkejo
es: saloon
fr: saloon
it: saloon
pt: saloon

porte uestern|porte western -- nom
ca: porta de saloon
en: saloon doors, batwing doors, swing doors
eo: vakera svingopordo
es: puerta de doble batiente, puerta de saloon
fr: porte à double battant, porte saloon
it: porta a doppio battente, porta saloon
pt: porta de folha dupla, porta de saloon

• Me duta: esce me lasa la du parolas final bar uestern e porte uestern su uestern o su bar e porte? Cisa bar e porte es plu importante… — Mixel 2024/09/11 08:15
• Un bon demanda, ma si – la parolas xef en acel espresas es bar e porte, donce la espresas debe trova sua loca su aceles. — Simon 2024/09/11 11:38

comedia del arte

Como on ave ja Arlecin, me sujesta alga carateres xef de la comedia del arte. — Mixel 2024/09/15 16:32

• En fato nos ave arlecin como un nom comun, car lo es usada en modo plu jeneralida. Ma esta nomes propre nova pare bon a me. Par la regulas normal de composadas on ta espeta comedia de arte, ma car la nom italian es internasional conoseda, me vide no problem en scrive del. — Simon 2024/09/15 16:39

.comedia del arte -- nom
defini: un tipo de teatro popular con mascas, orijinante de Italia, entre la sentenios 16 e 18.
imaje: #
ca: commedia dell'arte
en: commedia dell'arte
eo: delarto, komedio delarta, itala komedio
es: commedia dell'arte
fr: commedia dell'arte
it: commedia dell'arte
pt: commedia dell'arte

.Colombina -- nom arte
defini: un carater tradisional en comedia del arte
imaje: #
ca: Colombina
en: Columbina, Colombina
eo: Kolombino
es: Colombina
fr: Colombine
it: Colombina
pt: Colombina

.Pantalone -- nom arte
defini: un carater tradisional en comedia del arte
imaje: #
ca: Pantalone
en: Pantalone, Pantaloon
eo: Pantaleono
es: Pantaleón, Pantaleone, Pantalón
fr: Pantalon
it: Pantalone
pt: Pantalone

.Pedrolino -- nom arte
defini: un carater tradisional en comedia del arte
imaje: #
ca: Pedrolino, Pierrot
en: Pedrolino, Pierrot
eo: Pedrolino, Pieroto
es: Pedrolino, Pierrot
fr: Pierrot
it: Pedrolino, Pierrot
pt: Pedrolino, Pierrô, Pierrot

.Pulxinela -- nom arte
defini: un carater tradisional en comedia del arte
imaje: #
ca: Putxineŀli, Putxinel⋅li
en: Pulcinella, Punch
eo: Pulĉinelo
es: Polichinela
fr: Polichinelle
it: Pulcinella
pt: Polichinelo

.Scaramux -- nom arte
defini: un carater tradisional en comedia del arte
imaje: #
ca: Scaramouche
en: Scaramouche, Scaramouch
eo: Skaramuĉo
es: Scaramouche
fr: Scaramouche
it: Scaramuccia
pt: Scaramuccia

Don Cixote de la Manxa

Un sujesta leteratural: — Mixel 2024/09/16 16:22

.Cixote (don) de la Manxa -- nom arte
defini: la carater xef de un novela famosa de Miguel de Cervantes
imaje : #
ca: (don) Quixot de la Manxa
en: (don) Quixote de la Mancha
eo: Donkiĥoto
es: (don) Quijote de la Mancha, (don) Quixote de la Mancha
fr: (don) Quichotte de la Manche
it: (don) Chisciotte della Mancia
pt: (dom) Quixote de la  Mancha

Me esita sur la transleterida de don Quijote de la Manxa. Don Cihote, don Cijote? O don Cixote [es vea, ca pt fr it] ? — Mixel 2024/09/16 15:56

• Difisil. On pote argumenta per cada. Ma longo tua table a supra, lo debe es Cijote. — Simon 2024/09/16 16:40
• Me ia xerca tota la nomes usada en la Ecipo per esta carater. Lo apare, en espaniol antica del sentenio 16 su la forma Quixote alora pronunsiada [Kiʃote] ante ce lo deveni Quijote pronunsiada gargal con la jota; e catalan e portuges spele lo Quixot/Quixote [Kiʃot/Kiʃote], con la sona [ʃ], simil en franses, italian e ositan: on ave [fr] Quichotte [it] Chisciotte [oc] Quishòt, Quichòte, totas con la sona [ʃ]… — Mixel 2024/09/16 17:18
• Bon, Cixote pare es nosa solve. — Simon 2024/09/16 17:42
• On debe cambia esta. An tal, la CH en Mancha sona [tʃ], no [ʃ], an si en la orijinal arabil lo ia es pronunsiada como [ʃ](La Mancha). Donce, como lo va resta: Mantxa o Manxa?
  • On ave ja ranxo per rancho, anxoa (anchoa), anxo (ancho), avalanxa (avalancha), linxa (lynch)…. Lo pare min pesosa ca -ntx-, e la dental [n] ante [ʃ] permete ce on ave un [t] lejera como punto de articula. Final, longo la gramatica, la pronunsia de X pote es [tʃ] si on ta vole. — Mixel 2024/09/17 08:20
• E, ance, como on ta tradui Don? Me sujesta usa “Sir”, cual apare en la disionario. — Chabi 2024/09/16 20:34
• Sir es multe bon per esta. — Simon 2024/09/17 07:14
• Ma cual de doña Si on ave don, on pote imajina dona, ma con sir, me imajina difisil sira? — Mixel 2024/09/17 08:37
• Cisa sir pote es usada como un titulo per tota tal persones. Lo es un forma contraeda de senior, e – on pote imajina – ance de seniora. Si no, me sujesta donia. (Ma alora nos ta vole introdui don per la mas, no? E la vocabulo ta complica se par ancora un paso.) — Simon 2024/09/17 09:26
• Me es vera stulta stupida! Evidente, on pote usa dama per doña ! En la Ecipo, dom apare en franses, catalan e portuges, don en italian, espaniol e ositan. Acel es un titulo de noblia, de respeta o de relijio (dom Pérignon, per esemplo, es la monce benedictin famosa ci ia inventa la xampania). — Mixel 2024/09/17 10:04
• A, eselente! Me ia pensa rapida a dama, ma me ia iniora lo, suposante ce tu ia considera ja lo e ia trova lo como nonconveninte 🙂 — Simon 2024/09/17 10:07
• En pasa, la defini de sir, en la disionario, ta debe es estendeda: asta aora, lo pertine sola a Britan. Esce vera on usa lo per tradui don? — Mixel 2024/09/17 11:01
• Cisa nos pote usa sir ance como la corespondente mas de dama, con la sinifia “un om de un grado sosial superior, spesial nobil” – gentleman, gentilhomme etc. Lo pare en ordina ce nos tradui don per Sir. On va protesta ce Don Corleone no ia es un cavalero o un nobil, ma esta es mera un estende metafor. La alternativa es reteni Don como un elemento stranjer – ma alora lo pare strana ce on tradui Cixote e no Don. — Simon 2024/09/17 11:33
• Oce, ta ce nos tradui don (titulo de nobilia) par sir e doña par dama. — Alora, como tradui la titulo de relijio (e de respeta) dom/don como per dom Pérignon, dom Pernety o don Camilo.
• Nos ta pote simple lasa lo nontraduida, como pare aveni en multe linguas.
  • Serta, esta dom e don fa cuasi parte de la nom propre. En la disionario, me ia scrive don Cixote de la Manxa. On cambia a « sir Cixote de la Manxa » ? Me confesa ce lo sona pico strana a me… Esta don ta pote resta como un parola stranjer non traduida, como en tota la linguas do esta novela ia es traduida… — Mixel 2024/09/17 14:10
• Esce tu gusta la idea ce sir pote es usada como un nom comun, sinifiante un om nobil? A presente, la disionario mostra sir con S minor, ma la defini parla sola de titulos (par causa de cual nos ia scrive un S major a ante). — Simon 2024/09/17 12:29
  • La usa de sir como nom comun pare coreta a me, como dama. En franses, on ave un espresa simil, frecuente con la ajetivo “triste”: un triste sire. En engles me suposa ce on pote dise a lord, como a lady. — Mixel 2024/09/17 13:56
  • Si, lord e lady. Me pensa ce Sir e Dama debe comensa con leteras major cuando los es partes de nomes. Nos ia institui acel sistem a un pico de anios pasada, e tal nos ave entradas separada per la titulos Senior e Seniora en la disionario. — Simon 2024/09/17 15:18
  • Oce. On va ave donce du entradas per sir e Sir, ma ance dama e Dama per la mesma razona, alora. — Mixel 2024/09/17 15:48
  • Si, esta sona coreta. — Simon 2024/09/17 15:58
• Me sujesta tradui don (titulo de nobilia) par Sir e doña par Dama. — Chabi 2024/09/17 12:36

monodia, monodial, canta plana

Car la canta gregorian no es la sola canta de esta tipo. — Mixel 2024/09/30 09:33

• Si, bon. — Simon 2024/09/30 10:02

canta plana -- musica, relijio
defini: un tipo de canta unisona e sin strumento
en: plainsong, plainchant
eo: plejnkanto
es: canto llano
fr: plain-chant
it: canto piano
pt: cantochão

monodia -- nom musica
defini: un tipo de musica vosal o strumental cual no es polifonial
vide: unisona
ca: monodia
en: monody
eo: monodio
es: monodia
fr: monodie
it: monodia
pt: monodia, monódia

monodial -- ajetivo
defini: cual no es polifonial
ca: monòdic
en: monodic
eo: monodia
es: monódico
fr: monodique
it: monodico
pt: monódico

incunable, incunabul, incunabol, incunablo

La Ecipo pare acorda sur la parola incunable (o incunabulo?). Incunable es plu corta… — Mixel 2024/10/05 17:31

• Plu corta, ma lo aspeta como un derivada con la sufisa -able. Cisa nos ta pote segue asi la model de betul e preambul e eleje incunabul? — Simon 2024/10/05 17:37
• Bon dia! La finis latina -ulus, -ula, -ulum no ave un regula coerente de trata en [lfn] (regretable)… Cisa, per la parolas nova, on ta pote atenta un prosimi plu regular… Ance, lo es vera ce la nomes fininte con -able es rara, e es sempre monosilabal: fable, table; an la ajetivos es rara, e sempre monosilabal: stable. En fato, pos plu pensa:

1. La fini latina -abŭlum ta debe dona lojical -ablo plu ca -able — me pensa ce, per esta parola, la fini franses -able ia influe la otras linguas.
2. La asentua xef (ábŭlum) de la parola latina es conservada en tota la Ecipo.

Par esta razonas, me ta sujesta incunablo. Tal, acel no es confusable con un derivada con -able, e lo conserva sua asentua comun, cual permete es reconoseda plu fasil cuando lo es pronunsiada… ? – Mixel 2024/10/06 08:21

• Multe gustante esta razonas, me suporta incunablo. — Simon 2024/10/06 09:06

incunablo -- nom
defini: un libro primida en la sentenio 15 en Europa
ca: incunable
en: incunable, incunabulum
eo: inkunablo
es: incunable
fr: incunable
it: incunabolo, incunabulo
pt: incunábulo

vinerial, viterial

La ajetivos pare manca. — Mixel 2024/10/08 11:59

• Bon. — Simon 2024/10/08 14:06

vinerial -- ajetivo
ca: vinícola
en: vinicultural, winery-related
eo: vineja, vinfareja
es: vinícola
fr: vinicole
it: vinicolo
pt: vinícola

viterial -- ajetivo
ca: vitícola
en: vinicultural, vineyard-related
eo: viteja, vinbereja
es: vitícola
fr: viticole
it: viticolo
pt: vitícola

Esodo

Me vide ce un libro de la biblia es nomida Esodo par Chabi, e ance me pensa ce esta parola ta debe esiste en lfn, car lo es internasional comun. La demanda ia es fada ance sur Discord. — Mixel 2024/10/16 09:54

• Bon. Jorj ia usa la parola (en refere a la libro de la biblia) en esta capitol de sua istoria de psicolojia. — Simon 2024/10/16 10:55

.esodo -- nom
defini: un migra de multe persones partinte
ca: èxode
en: exodus
eo: eliro
es: éxodo
fr: exode
it: esodo
pt: êxodo

Lista de la libros biblial

Esce la titulos (cuantiosa) de la libros biblial no ta debe apare en nosa disionario, afin on rejistra e formali aceles? La paje “naviga” de la tradui de acel libros par Chabi mostra esta lista. Lo ta es un labora grande tradui tota esta titulos en tota la linguas de la Ecipon, ma esce, al min, on ta pote mostra acel lista de titulos lfn, con sua cortis, en alga parte de la disionario, an sin lor traduis en la linguas de la Ecipon (Ecipo + [en], [eo])? — Mixel 2024/10/17 07:56

• Articles en la disionario debe ave a la min un tradui en un lingua. Me pensa ce la compilador insiste sur engles. Esta lista pare plu ensiclopedial, e la libros de la Atesta nova es titulida con espresas, no parolas simple. Perce nos no ta publici la lista en la Vicipedia, pe. en la paje sur la Biblia? — Simon 2024/10/17 10:24
• En fato, acel titulos es ja en esta paje de la Vicipedia. Me veni de coreti sola *Apocalipse a “Apocalise”. Me no sabe esce cualce usor de la disionario ta pensa vade a Vicipedia per verifia esta titulos…
  • Contrastada, me no sabe esce me ta pensa a xerca los en la disionario! — Simon 2024/10/17 11:22
• Esce en la article “Biblia” de la disionario, lo ta es posible ave un lia esterna con un paje Vicipedia, per esemplo vide: [[https://lfn.wikipedia.org/wiki/Biblia]]?
  • Acel es serta posible, e no un mal idea. Ma un otra bon idea (cual veni sola aora a me) es ce nos ta pote lista la libros en un campo nova de la article “Biblia” (o cisa de “Atesta Nova” e “Atesta Vea”). — Simon 2024/10/17 11:22
• O, sur la paje de la disionario, on ta pote ave un averti de xerca sur Vicipedia la nomes propre cual no trova se en la disionario, con un lia a lfn.wikipedia.org? — Mixel 2024/10/17 11:01
  • Esta ta debe apare en la panel de aida, e me suposa ce poca persones regarda acel. Introdui un campo nova pare la solve coreta. Me bonveni sujestas per un nom jeneral per la campo, reusable per otra cosas simil en futur. — Simon 2024/10/17 11:22
    • bibliografia? detalia? plu? — Mixel 2024/10/17 11:33
    • “Bibliografia” no es sufisinte jeneral: esta campo es vera un tipo de nota, conteninte (longo tua otra sujestas) plu detalias. En fato, an tal, nos ta pote simple usa la campo “nota”, no? Su “Atesta Vea”: nota: La libros de la Atesta Vea es: Jenese, Esodo, ... — Simon 2024/10/17 11:58
    • Nota pare multe bon per me. — Mixel 2024/10/17 16:13

Atesta vea:

nota: La libros de la Atesta Vea es: Jenese , Esodo , Levitico , Numeros , Deuteronomio , Joxua, Judores , Rut , Samuel , Res , Cronicas , Ezra , Nehemia , Ester , Tobi , Judita , Macabeos , Job , Salmos , Proverbos , Eclesiaste , Canta de Cantas , Sajia , Sirac , Isaia , Jeremia , Lamentas , Baruc , Ezeciel , Daniel , Hoxea , Joel , Amos , Obadia , Jona , Mica , Nahum , Habacuc , Sefania , Hagai , Zecaria , Malaci

Atesta nova:

nota: La libros de la Atesta Nova es: (Evanjelio de San) Mateo , (Evanjelio de San) Marco , (Evanjelio de San) Lucas , (Evanjelio de San) Joan , Atas (de la Apostoles) , (Epistola a la) Romanes , (Epistola) 1 (a la) Corintianes , (Epistola) 2 (a la) Corintianes , (Epistola a la) Galatianes , (Epistola a la) Efesianes , (Epistola a la) Filipianes , (Epistola a la) Colosianes , (Epistola) 1 (a la) Tesalonianes , (Epistola) 2 (a la) Tesalonianes , (Epistola) 1 (a) Timoteo , (Epistola) 2 (a) Timoteo , (Epistola a) Tito , (Epistola a) Filemon , (Epistola a) la Ivris , (Epistola de San) Jacobo , (Epistola) 1 (de San) Petro , (Epistola) 2 (de San) Petro , (Epistola) 1 (de San) Joan , (Epistola) 2 (de San) Joan , (Epistola) 3 (de San) Joan , (Epistola) de San Juda , Apocalise (de Joan)

• Cisa esta pote aida… — Chabi 2024/10/17 13:35

filma, fotografi

Respondente a Harri consernante un ilude de vide, me ia scrive “si on ia ta fotografia alga platos eversada e alga otra platos reversada” , usante esta parola fotografia como un verbo. Ma a pos, lo ia apare ce me ia ta debe scrive “fotografi”. Me vide un noncoere, car si me ia ta usa la verbo filma, me no ia ta era. Si un filma es fada cuando on filma, perce un fotagrafia es fada cuando on fotografi? Me ta sujesta ce fotografia ta es e nom e verbo, como on ave ja filma e verbo e nom. La Ecipo dise : [ca es] fotografiar, [fr] fotographier, [it] fotografare e [pt] fotografar. — Mixel 2024/10/20 09:14

• Fotografia es la nom de la arte, la prosede. Cuando on fotografi un cosa, on aplica esta arte a lo. Filma es fundal un verbo, e como nom lo representa la ata e la cosa resultante. Tua sujesta es interesante e ta pote vade bon: serta lo es plu sistemosa si on usa la nom verbal per nomi la arte… La organiza presente veni de esta discute arcivida. Nota ce on crea un fotograf, no un fotografia; cisa esta influe la eleje? Nota ance ce nos ave multe nomes cual fini con -grafia. — Simon 2024/10/20 10:37
• Si. E me vide, vergoniante, multe verbos fininte con -grafi. Per esemplo caligrafia (nom) e caligrafi (verbo). Me ia ta espeta un verbo caligrafia, con sua nom relatada caligrafia… — Mixel 2024/10/22 08:43
• Era es umana, regretable. Me no oposa revisa tota tal parolas, ma me no desira mesma fa la editas :) — Simon 2024/10/22 10:05

eversa, reversa

Como on ta pote tradui [fr] à l’endroit et à l’envers? Me sabe ce reversada es à l’envers, ma cua de à l’endroit? Esce on ta pote usa eversada per dise lo? La defini de eversa no pare sinifia lo.

• Eversa es “esterni la interna”. Reversa es multe plu jeneral, con la ideas de move a retro, de desfa un ata, o de intercambia un situa. Me sujesta ce eversa pote es usada ance per “pone la retro a la fronte”, cual es multe simil a “esterni la interna” (en engles: inside out, back to front). A l’endroit es the right way round = noneversada, sin eversa. — Simon 2024/10/20 10:45
• Lo es strana ce, per sinifia à l’endroit, on debe dise nonreversada, con un forma negativa. On ta espeta la oposada: un forma afirmativa per l’endroit e negativa per l’envers… Considerante le recto et le verso d’un livre, esce (lado) de fronte e (lado) de retro ta pote sinifia l’endroit e l’envers? Per à l’endroit / à l’envers, me ia pensa ance a (en modo) coreta / reversada… Cual ta es la titulo la plu bon per la obra prima de Albert Camus, L’Envers et l’Endroit (1937)? — Mixel 2024/10/22 08:22
  • Fronte e retro es fundal ajetivos: lado fronte, lado retro en un libro. Coreta es un bon tradui de à l’endroit, serta. O coreta orientada, en dirije coreta etc. — Simon 2024/10/22 10:07
• Cisa nonrelatada, ma la obra prima de Camus es un presenta teatral, Révolte dans les Asturies, no? 😉 Per sua libro prima, me pensa ce la foca es la contrasta de sinifia con la similia de forma (de parolas). Ambos de envers e endroit comensa con en-, ma sua sinifias es oposante, donce la titulo engles es Betwixt and Between (an si ambos sinifia “entre”; la similia de forma es plu importante?). La eversada e la reversada ta es bon en mea opina. O La “a en” e la “de en”? (no!) — vxeov 2024/10/22 09:29
  • Me acorda ce La eversada e la reversada es bon, o simple Eversa e reversa. Ma me no ia leje la obra, donce me no comprende clar a cua la titulo refere. — Simon 2024/10/22 10:07
• Grasias, amis, per vosa reatas e sujestas! Per Vxeov: En fato, Révolte dans les Asturies (1935), serta pico plu antica ca Eversa e reversa, es un obra coletiva en cual Albert Camus ia partisipa. — Mixel 2024/10/22 17:42

anios ‘70 ?

Bon dia! Me crede ce on no ia deside ancora como tradui [en] in the ’70s [fr] dans les années 70. Nos ia discute de la persones en lor desenio sete, ma no de la colie de la anios mesma de un desenio. Me vole tradui: Being 20 in the 70s was more fun than being 70 in the 20s. Esce: Ave 20 anios en la anios -70 ia es plu plasente ca ave 70 anios en la anios -20 ta es bon tal o esce un otra modo ta es preferable? — Mixel 2024/10/25 11:10

• La forma tradisional es la desenio de 1970, cual es en la disionario e apare frecuente en la corpo. Me sujesta ce -70 es confusante, car lo aspeta tro simil a −70 (min setedes, un temperatur multe fria…) Un apostrofe ta conveni plu: ’70. Per un frase corta, me ta dise: “Ave 20 anios en la desenio de ’70 ia plase plu ca ave 70 anios en la desenio de ’20”. Cisa on pote corti an plu e refere a la desenio ’70, pd. la desenio de cual sua “nom” es ’70. La apostrofe permete (en scrive, a la min) distingui esta de la desenio 70 (cual ta es la desenio de 1700 si on ta parla de la serie de desenios en la milenio pasada – no un modo de parla comun, me debe confesa…) Ma ultima, me ia oblida perce nos no permete dise simple la 70es (“la setedeses”). — Simon 2024/10/25 14:53
• Me no sabe perce me no ia trova la desenio de 1970 a ante! – Lo ta debe es, en efeto, un espresa multe corta afin on ave un frase multe saisinte. Esce la spele ’70s, con un S simple pos un numero, plu ca ’70es (cual ta conveni per la scrive longa setedeses) ta pote es asetable? — Mixel 2024/10/25 17:13 Vide, per esemplo:

• Si! La mesma pensa ia xuta tra mea mente cuando me ia responde a ante, ma me ia oblida ajunta lo. — Simon 2024/10/25 18:15

poca, noncuantiosa

Me sujesta ce on ajunta poca como ajetivo (car lo es sola determinante asta aora), e, ance la ajetivo noncuantiosa su cuantiosa, con la mesma sinifia (= [eo] malmultaj), pd. la oposada de cuantiosa. — Mixel 2024/10/29 17:20

• Noncuantiosa es serta bon. Como tu intende ce poca va opera como ajetivo? Me suposa ce tu no vole permete “Nos ave problemes poca”. Cua sur “La problemes restante es poca”? Me ta dise ce poca en acel frase es un pronom. E si poca va es un ajetivo, ance multe e mea va es tal, no? — Simon 2024/10/29 18:42
• Me ia pensa ce multe es simil a [eo] multaj e poca a [eo] malmultaj. Multaj e malmultaj es ajetivos en esperanto… Ma cuantiosa e noncuantiosa sufisi per esta gol. — Mixel 2024/10/30 09:36
• Me no comprende bon. Multe e poca es ja simil a (mal)multaj, ma nos clasi los como determinantes car los presede la nom. En esperanto la regulas sur la ordina de parolas e la conseta de determinante es alga diferente. Per favore, tu ta dona un esemplo de un frase en cual tu desira usa multe o poca como ajetivo? — Simon 2024/10/30 10:24
• Me ia pensa ce un tal frase ta es posible: “mea argumentas es poca” per dise [fr] mes arguments sont peu nombreux. Me ia considera ce, en esta caso, poca es ajetivo. Ma, poca ta pote es pronom, ala. Perce no? En fato, me no pensa ce lo es coreta dise : “mea argumentas es multe”, donce lo no debe es posible dise “mea argumentas es poca”. Como me ia dise, noncuantiosa cabe perfeta en esta loca, on no nesesa ave poca ala. — Mixel 2024/10/30 10:57
• Esta es un rejion alga nonclar. Probable on pote dise “mea argumentas es multe” (o an “multes”) seguente la model de “mea argumentas es estas” o “mea argumentas es cuatro” o “tua argumentas es meas”. Ma me persepi no difere semantical entre regarda multe en “mea argumentas” como ajetivo e como pronom; la sola difere es morfolojial, pd. on pote ajunta -s si on opina ce nos ave asi un pronom. On pote razona ce an la jalas (la flores jala, cisa) es un tipo de pronom en “me prefere la jalas ca la azules”. — Simon 2024/10/30 11:17
• En efeto, on pote omete la nom pos cuasi cualce determinante. Alora nos dise de la parola resultante es un pronom, partal car on pote plurali lo. La sola eseta es la, cual deveni el, lo o los. Par esta lojica “mea argumentas es multe” es serta bon. — Simon 2024/10/30 11:29
• Mea argumentas es pocas, tua argumentas es multes, con un -S, sona plu bon ca sin la -S, longo me. On persepi plu bon la plural. — Mixel 2024/10/30 18:14
• La -s es elejable con pronomes plural de determinante. Entrante a un sala plen de persones, on pote esclama egal “Multe es asi!” o “Multes es asi!” Interesante es compara ance la frases “tua argumentas es bon” e “tua argumentas es bones”. La frase du sinifia ce tua argumentas es bon argumentas; la prima mera ce los es bon. Evidente la du sinifias es esensal la mesma, ma la gramatica es diferente: bon es un ajetivo, ma bones es un nom (o cisa un pronom, ma un pronom es no plu ca un sutipo de nom). — Simon 2024/10/30 18:39

noncuantiosa -- ajetivo
ca: pocs (en nombre)
en: few, few in number
eo: malmultaj
es: pocos, pocas
fr: peu nombreux
it: pochi, poche (di numero)
pt: poucos (em número), poucas

Novembre 2024

superflu(a), superfluia

Me sujesta esta parola vasta comun en tota la Ecipon, e cual pare (a me!) vera nesesada, per evita ce on comprende plu ca nesesada como “de un nesesa superior”. — Mixel 2024/11/02 10:00

• La asentua en supérflu sona pico strana a me, e la forma superfluia es nonregular: la -u debe cade. Plu elefenin ta es supérflua, ma supérfluia es tro difisil per pronunsia. Nos ave ja suprafluente, ma lo pote refere ance leteral a un contenador tro plenida, per esemplo. Ma cisa nos pote ajunta suprafluosa (e suprafluosia) per la idea spesial de superflu. — Simon 2024/11/02 10:42
• Me ia prefere sujesta superflu plu ca superflua, car la asentua /superflu/ coresponde a la asentua de la Ecip (catalan, italian, portuges…). Ance engles asentua la silaba per, no? Sola franses asentua superflu sur la U final (ma franses asentua tota la parolas sur la silaba final!). Ma me no oposa a superflua, si lo permete conserva la U de superfluia. (Vivente sur la isoletas, me es abituada ce on conserva la I e la U, en fini de radis, cuando un sufisa es ajuntada!) Personal, me no sensa difisil la pronunsia de superfluia, car un segue de vocales flue bon, fresca como un acua fluente en un rio vivin (u la imaje plasente! 🙂 ), contra ce un segue de consonantes es como un para-rio, como blocos de petras cumulada, ostaculinte. Me no es convinseda ce on debe fusa superflua en la tronco supraflue cual sinifia plu un suprabunda de acua, no vera un futilia… — Mixel 2024/11/02 11:02
• Si, engles dise supérfluous. Donce mea oposa a supérflu pertine plu a la nonregularia de superfluia ca a la asentua. E me vide aora ce mea oposa a supérfluia ia es malfundida: la pronunsia ta es vera superflúia (como asidúia e vidúia, ma no como ambíguia e vácuia, cual es casos spesial par causa de gu- e cu-). Me ia trova ce -érflw es difisil. Ma -erflú es multe plu oportun. Donce ta ce nos aseta superflua, me dise aora! — Simon 2024/11/02 11:39

superflua -- ajetivo
defini: (un cosa) cual on no nesesa ajunta o conserva, e cual on pote desprende
ca: superflu, redundant
en: superfluous, redundant
eo: superflua
es: superfluo, redundante
fr: superflu, superfétatoire, en trop, de trop, inutile, dispensable, redondant
it: superfluo, ridondante
pt: supérfluo, redundante

superflui -- verbo
ca: esdevenir superflu, esdevenir redundant
en: become superfluous, become redundant
eo: superfluiĝi
es: volverse superfluo, volverse redundante
fr: devenir superflu, devenir superfétatoire, devenir inutile
it: diventare superfluo, diventare ridondante
pt: tornar-se supérfluo, tornar-se redundante

superfluia -- nom
ca: superfluïtat
en: superfluity
eo: superflueco
es: superfluidad
fr: superfluité, superfétation, inutilité, non-nécessité
it: superfluità, superfetazione, inutilità,
pt: supérfluidade

de porto – ajetivo

• Temente ce la parola ajetival portal ta es confusante par causa de cuasiomonimes cuantiosa (porta/porte/porto) e parolas de la Ecipon [ca] portal [en] portal [eo] portalo [es] portada [fr] portail [it] portale [pt] portal, me ta sujesta ce porto mesma ta es fundal ajetivo ([fr] portuaire), per esemplo en: un zona porto, un area porto (como engles port facilities). Un otra posible es ce on ajunta porteria (area de la ativias naval de un porto) e ce on crea porterial per la ajetivo. Ma ance esta parola pote es causa de confusa, par la sutrae de la -O) e me crede donce ce la parola plu simple porto es plu reconosable. — Mixel 2024/11/03 09:43
  • Me no es convinseda. Un zona de porto ta es un solve plu simple, e plu usual en elefen. En port facilities, port no es un ajetivo ma un nom usada per modifia un otra nom (en efeto un nom composada, ma scriveda con un spasio entre la partes). Si nos ta aseta ce porto es fundal ajetivo, lojical nos ta debe aseta la mesma per un monton de otra parolas: un computador table? paper mur? un cason campania? — Simon 2024/11/03 11:20
  • Oce. Me ta sujesta alora ce on ajunta la entrada de porto (su porto) afin un xerca de [fr] portuaire o [it] portuale o [es ca pt] portuari(o) ta dona un resulta. — Mixel 2024/11/03 11:56
  • Si – un idea eselente. — Simon 2024/11/03 12:36

de porto -- ajetivo
ca: portuari
en: port
eo: havena, haven-
es: portuario
fr: portuaire
it: portuale, portuario
pt: portuário

Marselia, Nisa

• Me sujesta ajunta ance la nom de du vilas de porto xef bon conoseda per causas diversa. — Mixel 2024/11/03 09:43
  • Estas es serta bon. — Simon 2024/11/03 11:20

Marselia -- nom jeografial
defini: un vila e porto importante de Provensa, en Frans sude
ca: Marsella
en: Marseille, Marseilles
eo: Marsejlo
es: Marsella
fr: Marseille; Marselha (occitan)
it: Marsiglia
pt: Marselha

Nisa -- nom jeografial
defini: un vila importante en Frans sude-este, a borda de la mar Mediteraneo, a lado de Italia
ca: Niça
en: Nice
eo: Nico
es: Niza
fr: Nissa (nissart), Niça (occitan), Nice
it: Nizza
pt: Nice

Me avocati per Nisa plu ca per Nice: vide la imno de esta vila e sua rejion, oiable asi: Nissa la bella, e vide ance la parolas catalan, espaniol, italian, ositan e “nisarda” (un ajetivo relatada a la lingua de Nisa, e de sua rejion la nissart). — Mixel 2024/11/03 09:43

Sur la dialeto – o lingua – usada en la “pais” de Nisa: — Mixel 2024/11/03 14:42

• Probable lo debe es fundal un ajetivo como campidanes, fiorentin e otras. — Simon 2024/11/05 20:49

.nisarda -- ajetivo lingua
defini: pertinente a la dialeto ositan parlada a Nisa e en sua rejion
ca: niçard
en: Niçard, nissart, nizzardo, niçois (dialect)
eo: nica (dialekto)
es: nizardo
fr: nissart, niçard, niçois (langue)
it: nizzardo
pt: niçardo

nisarda -- nom lingua
defini: la dialeto ositan parlada a Nisa e en sua rejion
ca: niçard, occità niçard
en: Niçard, nissart, nizzardo, niçois (dialect)
eo: la nica (dialekto)
es: nizardo, dialecto nizardo
fr: nissart, niçard, niçois (langue niçoise)
it: nizzardo, dialetto nizzardo
pt: niçardo, occitano niçardo

• La ajetivos demonim franses corespondente a la vilas Marseille e Nice es marseillais e niçois; serta los ta pote es marselies e nises, ma esce lo es nesesada? Cisa, on ta pote usa la formas regular marselian e nisan, an si la titulo de la imno nasional franses es La Marseillaise? — Mixel 2024/11/06 08:28
• Me acorda. La solve plu simple e regular es jeneral preferable. — Simon 2024/11/06 08:58

de otel

Como per de porto, me sujesta ajunta de otel, per esemplo en un compleso de otel. La Ecipo ave un ajetivo [es] un complejo hotelero, [fr] complexe hôtelier, [it] un complesso alberghiero, etc. — Mixel 2024/11/04 08:11

• Si. Otelal ta es tro strana. — Simon 2024/11/04 11:00
• Lo es frecuente la caso, cuando un radis fini con un -L. En la Ecipo, ance, lo pare: per esemplo, templo ta debe dona templal^e, ma en la Ecipo, on trova plu templar^e, con un -R^E final. Simil per insula → insular^e e la parolas en -ul^o/a (tabula, tabular^e), etc. — Mixel 2024/11/04 12:29
• Vera – esta fenomeno es nomida desimili dissimilation, un parola ancora mancante. — Simon 2024/11/04 13:35

de otel -- ajetivo
ca: hoteler
en: hotel
eo: hotela, hotel-
es: hotelero
fr: hôtelier
it: alberghiero
pt: hoteleiro

bomba de semes

Un sujesta per esta bombas de semes (o seed bombs). — Mixel 2024/11/05 18:19

bomba de semes -- nom
defini: un bal de arjila plenida con semes, lansada sur un tereno per aida plantas a jerme ala
ca: bola de llavors, bola de sements, bola de semenças
de: Samenbombe
en: seed balls, earth balls, nendo dango
eo: sembomba
es: bola de semillas
fr: bombes à graines, bombes de graines, boulettes de graines
it: palla di semi
pt: bola de sementes

• Bon! — Simon 2024/11/05 18:38

(Me no es serta de la verbo vejetali per sinifia [en] revegetate, revegetation [fr] végétaliser, végétalisation.) — Mixel 2024/11/05 18:19

• Vejetali sinifia “deveni vejetal”, no un parola estrema usosa. En engles on usa vegetate en parla nonformal per descrive un person ci es multe nonativa. Probable vejetali pote aseta esta sinifia en elefen. — Simon 2024/11/05 18:38
• 1. Si, ance en franses, la verbo végéter ave la mesma sinifia nonformal ca [en] vegetate. Lo pote es retenida per la modo nontransitiva. 2. Car vejetali sinifia “deveni vejetal” (en modo nontransitiva), donce, en un modo transitiva, lo ta pote sinifia “fa ce (alga loca) deveni vejetal”; me pensa ce [en] revegetate [fr] végétaliser ta conveni per esta modo. — Mixel 2024/11/05 19:38
  • Bon. Tecnical la loca mesma no es vejetal, ma sola la plantas cual crese en la loca. Ma la estende es natural. — Simon 2024/11/05 20:26
• O! Cuando me ia leje “un person multe nonativa”, a prima, me ia comprende strana “un person “non-nativa”! 🙂 — Mixel 2024/11/05 20:05
  • Ha! Ambos es listada en la disionario, en fato. — Simon 2024/11/05 20:26

pastetas

Me reteni la sujesta clar ce pastetas es la elementos de un plato de pasta. Asi es la proposa per la disionario. — Mixel 2024/11/05 19:38

• Bela. — Simon 2024/11/05 20:24

pastetas -- nom plural cosini
defini: pesos de pasta comable cual composa un plato de pasta
imaje: #
vide: pasta
ca: pasta, pastes
en: pasta, pieces of pasta
eo: pastaĵoj
es: pasta, pastas
fr: pâtes, pâtes alimentaires
it: pasta, paste alimentari, piatto di pasta
pt: massa, massas alimentícias

liricia

Me sujesta usa lirica (ajetivo) como nom per tradui [fr] lyrisme. — Mixel 2024/11/13 14:32

• La sinifias asi pare plu simil a liricia. — Simon 2024/11/13 14:53
• Lo es vera. — Mixel 2024/11/13 16:58

liricia -- nom arte
ca: lirisme
en: lyricism
eo: lirikismo, lirikeco
es: lirismo
fr: lyrisme
it: lirismo
pt: lirismo

endemia, epidemia, pandemia

• Me nota entre esta parolas “con -ICA” la parola epidemica cual es e fundal ajetivo e nom derivada. Esce epidemia → epidemial no ta es plu bon? ([ca]: epidèmia, epidèmic; [es] epidemia, epidémico; [fr] épidémie, épidémique; [it] epidemia, epidemico; [pt] epidemia, epidémico) — Mixel 2024/11/13 14:59
• Epidemia pare plu bon. Ance pandemia. E endemia, en loca de cual nos ave presente sola la ajetivo endemica. — Simon 2024/11/13 15:16
• Me ia trova 28 epidemicas en la corpo, 5 endemicas, e 162 pandemicas! — Mixel 2024/11/13 16:51
• Un cuantia stonante de pandemicas! Cuasi tota es en “Aora oji” (mea culpa). Ance la Vicipedia conteni alga, pe. asi – un paje cual dise ce la pandemica de covid es ancora “corente”, e cual conteni un paragraf scriveda en esperanto! Cisa nos nesesa un metodo per declara ce un forma es desusada, afin la disionario pote redirije automata a la forma aora prefereda. — Simon 2024/11/13 17:17
• En la disionarios franses, on usa frecuente la corti (vx) pos un parola desusada. Cisa un nota (en la defini): (vea) = + la parola nova. — Mixel 2024/11/13 17:55

La plu simple:

epidemica -- nom
defini: (vea) = epidemia
vide: epidemia

o, con un campo nova, ma lo nesesa un codigo de redirije… — Mixel 2024/11/13 17:58

epidemica -- nom
vea: epidemia

Me ta prefere ave un campo nova. Tal Xercan ta pote presenta multe clar ce la parola es desusada. Ajunta la codigo no va es un problem grande. Ma vea pare dise la reversa de la intende: “la forma vea es epidemia”? Me sujesta aora: epidemia en loca. — Simon 2024/11/13 18:18

• En efeto! la campo aora es multe plu clar. La parola epidemica es e ajetivo e nom, donce me pensa ce la presenta ta pote es tal: — Mixel 2024/11/13 19:05

epidemica
aora: epidemia, epidemial

• Acel va es plu difisil per programi, me pensa. En loca, me sujesta presenta tal parolas vea como derivadas de la parola nova (de epidemia en esta caso). Probable la parola vea va reseta la loca final de la article completa:

.epidemia -- nom medica biolojia
defini: ...
...

epidemial -- ajetivo
...

epidemica -- vea
aora: epidemia, epidemial

(On no nesesa ajunta “medica biolojia” a tota derivadas. Los sufisi a la radis. Los esiste per (en teoria) aida nos ci desinia la lingua a analise la vocabulo. Los no es mostrada en Xercan, e vera me no recorda cualce ves cuando me ia trova un usa pratical per los.) — Simon 2024/11/13 19:24

• Me comensa programi la campo aora … aora … — Simon 2024/11/14 08:47
• Fada. Me ia eleje reusa la campo vide per reusa fasil sua codigo de lias (alga complicada). Probable esta categoria nova va funsiona ance per radises (pd. nos pote indica ce un radis intera es desusada), ma me no ia proba esta. — Simon 2024/11/14 09:43
• Un labora rapida e bon, e multe usosa: lo va permete ce on no ta es obligada a coreti tota la parolas desusada en la testos de la corpo. Cuanto fatiga evitada! — Mixel 2024/11/14 09:52
• Me ia oblida dise ce me ia eleje desusada en loca de vea, car lo ia aspeta plu clar e persepable en la resultas de Xercan. — Simon 2024/11/14 10:43
• Si nos ave tal funsiona cuando nos ia revisa la nomes jeografial … 😮 — vxeov 2024/11/14 14:58
• Aora nos ave lo! 🙂 On ia sonia lo, Simon ia fa lo. Lo resta un ajusta pico peti per completi la codigo: cuando nos tecli z;, la parolas desusada apare, car on no ave plu alga tradui direta. Cisa, cuando la categoria desusada es usada, la parola desusada no ta debe apare como nontraduida. — Mixel 2024/11/14 15:53
• Bon punto. Coretida 🙂 — Simon 2024/11/14 16:36
• Lo funsiona perfeta, gloria a Xercan en la sielos alta! — Mixel 2024/11/14 17:55

La coretis posible, pos nosa discute. — Mixel 2024/11/13 17:38

• Tota bon. — Simon 2024/11/13 18:14

.endemia -- nom medica biolojia
defini: un maladia o state frecuente trovada en un popla o rejion spesifada
ca: endèmia
en: endemic
eo: endemio
es: endemia
fr: endémie, maladie endémique
he: אנדמי
it: endemia, malattia endemica
pt: endemia

endemial -- ajetivo
ca: endèmic
en: endemic
eo: endemia
es: endémico
fr: endémique
he: אנדמי
it: endemico, dilagante
pt: endémico

endemica -- desusada
aora: endemia, endemial

----

.epidemia -- nom medica biolojia
defini: un maladia comunicable cual vasti en un comunia a un ves spesifada; cualce fenomeno nondesirada aveninte subita e vasta
ca: epidèmia
en: epidemic
eo: epidemio
es: epidemia
fr: epidémie
he: מגפה, אפידמיה
it: epidemia
pt: epidemia

epidemial -- ajetivo
ca: epidèmic
en: epidemic
eo: epidemia
es: epidémico
fr: epidémique
he: מגפתי, אפידמי
it: epidemico
pt: epidémico

epidemica -- desusada
aora: epidemia, epidemial

----

.pandemia -- nom medica biolojia
defini: un maladia estendente tra un pais intera o tra la mundo
ca: pandemia
en: pandemic
eo: pandemio
es: pandemia
fr: pandémie
it: pandemia
pt: pandemia
ru: пандемия

pandemial -- ajetivo
ca: pandèmic
en: pandemic
eo: pandemia
es: pandémico
fr: pandémique
it: pandemico
pt: pandémico
ru: пандемия

pandemica -- desusada
aora: pandemia, pandemial

Desembre 2024

clemente, clementia

Un sujesta: — Mixel 2024/12/08 20:30

• Bon. Me ajunta ance nonclemente. — Simon 2024/12/08 20:49

clemente -- ajetivo
defini: dulse o nonsever; (clima) dulse o moderada; (fortuna) favorente
ca: clement
en: clement, mild, moderate
eo: milda, malsevera, modera, favora, favorkora, pardonema
es: clemente
fr: clément
it: clemente
pt: clemente

clementia -- nom
ca: clemència
en: clemency, mildness, moderateness
eo: mildeco, malsevereco, favoreco, favorkoreco, pardonemeco
es: clemencia
fr: clémence
it: clemenza
pt: clemência

nonclemente -- ajetivo
ca: inclement; rigorós
en: inclement, harsh
eo: malmilda, severa, malmodera
es: inclemente; (tiempo) riguroso
fr: inclément; (temps) rigoureux, non favorable, mauvais
it: inclemente; avverso (tempo, condizione atmosferica)
pt: inclemente

nonclementia -- nom
ca: inclemència, rigor (clima)
en: inclemency, inclementness, harshness
eo: malmildeco, severeco, malmodereco
es: inclemencia, rigor (clima)
fr: inclémence; rigueur (climat)
it: inclemenza, rigore (clima)
pt: inclemência, rigor (clima)

boliste, bal de bolo, gol de bolo

Un sujesta nova, su bolo, per prepara la estate: — Mixel 2024/12/13 10:43

• Multe bon. La estate pare vera distante! — Simon 2024/12/13 12:11

boliste -- nom
defini: un juor de bolo
ca: jugador de petanca
en: bowls player, boules player, pétanque player
eo: globludisto, petankisto
es: jugador de petanca
fr: bouliste, joueur de boules
it: boccista, giocatore di bocce
pt: jogador de petanca

bal de bolo -- nom
ca: bola de petanca
en: bowling ball, bowl
eo: rulglobo, petanka globo
es: bola de petanca
fr: boule de pétanque
it: boccia
pt: bola de petanca

baleta de bolo -- nom
ca: bolig, mingo (petanca)
en: jack, kitty, object ball (bowls, pétanque)
eo: celglobo
es: boliche (petanca)
fr: (pétanque) cochonnet, bouchon, petit
it: boccino, pallino, grillo, lecco

Esce la du sujestas ultima pote veni su bolo o su bal? — Mixel 2024/12/13 14:54

• Su bal, cual es lor nucleo. — Simon 2024/12/13 15:20
• Me ia ajunta boliste. Bal de bolo ia es ja en la disionario! Ma me ia ajunta la otra traduis. Sur baleta de bolo me es aora no tan serta, car un baleta es usual un misil xutada de un fusil. Cisa lo debe es bal peti de bolo. En contesto, natural, on ta dise simple “la bal peti” o “la peti”. — Simon 2024/12/13 20:33
• Si, me ia dise a me la mesma cosa: baleta no cabe, car lo ave ja un sinifia “matosa”. Lo es la razona per cual me sujesta ance la parola gol de bolo o bal de golo (a target ball, como Collins dise). Plu, car esta bal peti es de natura diferente de la otra bales de bolo: lo es en lenio, no en metal, e car esta bal peti ave un nom spesial (cochonnet, en franses), me pensa ce on nesesa un parola; per esemplo, si on xerca cochonnet, on nesesa trova ance un parola otra ca porceta. — Mixel 2024/12/14 16:52

“gol” fundal ajetivo?

• En pasa, esce gol ta pote es fundal ajetivo? Tal, on ta pote dise simple un bal gol (vide [en] target ball; e, en franses, cuando, en matematica, on atenta ariva a un valua par alga calculas, on dise ce esta valua es une valeur cible; e cible es usada asi como ajetivo. — Mixel 2024/12/14 16:18
• Bal gol es un solve elegante. La ajetivo gol ta es usable en multe contestos, me pensa. An tal, la parola gol ia es introduida en elefen como un terma tecnical per sportes. Si me no era, lo no esiste en la Ecipo. Un otra posible es la bal ojetal, o simple la ojetal, cual pare ance elegante. — Simon 2024/12/14 18:28

blanco

• Si on compara esta jua a la pratica de la arcores, on ta pote compara la bal ojetal a la blanco, e on ta pote ance nomi lo bal blanco, o, simple, la blanco. — Mixel 2024/12/14 19:49
• Aha, si, blanco es perfeta. Me ia oblida ce acel parola esiste! — Simon 2024/12/15 09:21
• Bela. Nota ce prosimi, cuando transitiva, sinifia “fa ce … deveni prosima”, e no “deveni prosima a …” (= prosimi a …). — Simon 2024/12/15 13:09

blanco -- nom
defini: un marca o ojeto a cual on xuta, per esemplo un carton con sirculos consentral, usada per eserse o concurso con fusiles o arcos; (en bolo) un bal peti a cual on lansa bales de bolo, atentante prosimi los a lo
ca: blanc, fitó, diana, objectiu; bolig, mingo (petanca)
en: target (shooting); butt (of joke); jack, kitty, object ball (bowls, pétanque)
eo: celo, celtabulo; celglobo
es: blanco, hito, diana, objetivo, meta; boliche (petanca)
fr: cible, centre de la cible, cœur de la cible, (le) mille, objectif, but; (pétanque) cochonnet, bouchon, petit
it: bersaglio, centro del bersaglio, mezzo del bersaglio, cuore del bersaglio, scopo, obiettivo; boccino, pallino, grillo, lecco
pt: alvo de tiro, objetivo, escopo, fito

duple ≠ duple : un fonte de confusas

Bon dia! Me espera ce la festas de natal e de fini de anio es felis per tota de vos!

Me encontra un problem con la parola duple, cual pote sinifia du cosas diferente:

1. un colie de du cosas, e, en matematica, un colie de du valuas. (a, b) es un duple.
2. un valua cual es, a du veses, plu grande ca un otra: si c = 2a, c es la duple de a.

La mesma problem conserna la otra parolas con -uple (“truple”, “cuadruple”, “sincuple”, etc.). En la parla veninte de Manouna Orti sur la “dupli de la cubo”, me va parla e de un duple (a, b) e de la duple de a.
Asi, la “dupli de la cubo” no sinifia ce un cubo deveni du cubos, ma ce esta cubo crese asta ce sua volum deveni a du veses plu grande ca inisial.

En la construi de esta nova cubo, nos ave un duple (a, b) e un duple (b, 2a) de cual la valua ultima (2a) es… la “duple” de la valua prima de la duple prima (a)…

Esta omonimia, regretable, es un fonte posible de confusas. Lo ta es plu bon si on ta ave un sufisa per la colies et un otra per la multiples. Per esemplo, -uple (per la colies) e -iple (per la multiples). — Mixel 2024/12/26 11:42

• Bon dia, Mixel! En multe situas, la contesto sufisi per distingui esta du casos. Ma cuando on parla en modo plu tecnical o siensal, la confusa es posible, e me sujesta ce nos usa alora duplida, truplida (e tal plu) per la multiples. Esta ta coere bon con la definis esistente en la disionario per -uple, cual formi ajetivos referente a multiples ma nomes referente a colies. Lo ta coere bon ance con la usa esistente. “En la construi de esta nova cubo, nos ave un duple (a, b) e un duple (b, 2a) de cual la valua ultima (2a) es… la “duplida” de la valua prima de la duple prima (a)…” Lo vade? — Simon 2024/12/26 15:08
• Lo vade bon. Tal, me va usa du parolas diferente per du cosas diferente. Lo va es plu clar. E la nom dupli va es usada como la nom relatada con la verbo cual dona duplida. Multe grasias! — Mixel 2024/12/26 16:55
• Me ajunta un idea nova a la problem inisial: duple ≠ duple. Nos ave un parola derivada de “du” cual ave la sinifia “composada par du cosas (diferente)”; esta parola es “dual”. Esce la sufisa -al ta pote es usada per sinifia un colie de n cosas, contra ce -uple ta pote es usada per sinifia un valua a n veses plu grande ca un otra? Un cuatral ≠ un cuatruple? Me vide un ostaculo: un sesal ta pote es malinterpreteda… E esce on ta ave la parola treal o la parola tral? Per esemplo per tradui la numero conta gramatical trial? En pasa, como on dise [en] the grammatical gender and the grammatical number [fr] le genre et le nombre (gramatical)?🫤 — Mixel 2025/01/04 13:16
• Ideas interesante! Ma duple es comun usada per sinifia “un grupo de du” (p.e. persones) e tal usas ta deveni noncomprendable pos esta cambia. Esce on ta vole refere a “un dual sposida”? La du sinifias de -uple es sola problemosa en contestos tecnical. En tal testos, me ta prefere reserva -uple per la colie e usa -uplida per refere clar a la multiples. Nos ave ja longa la terma uple per un colie de campos en informatica. Tre + -al = treal, longo la regula normal. (La sola esetas de acel regula es tri e truple.) E la responde a tua demanda final es “la jenero e cuantia gramatical”. Numero no vade bon, car lo refere a un loca en un serie. Cisa la nom conta es ance usable con la sinifia de cuantia, como en la espresas “nomes contable” e “nomes noncontable” – donce cisa “conta gramatical” ta es preferable. Me no sabe. — Simon 2025/01/04 14:06
• En ajunta, numero sinifia un categoria sintatical o un simbol cual representa un cuantia, pd. [en] numeral. Lo es tro cargosa. Cuantia no vade bon ance, car un nom noncontable pote ave cuantia, per esemplo un pico de sal. Conta es la plu bon en mea opina. — vxeov 2025/01/04 14:48
• Bon razonada. E numero en gramatica es ance ja la terma per un parola como cuatro. — Simon 2025/01/04 15:42

ratio

La espresa numero razonal esiste ja: lo es un numero cual pote es espresada como un proportio entre du interos, en la modo de m/n; sua colie es ℚ. Me demanda a me esce on ta pote estende la sinifia de razona a esta conseta numeral [en] ratio [fr] ratio, raison, rapport…
On ta pote dise dise “esta segue/serie de numeros crese con/par un razona 1.618”.
O, ance, on ta pote ajunta la parola ratio, cual es corta e fasil usable. Proportio pare es alga pesosa, plu statical, min dinamical. — Mixel 2024/12/27 08:13

• Nos ta pote ajunta rasio (con S, simil a la verbo rasiona). Alora numero razonal ta debe deveni numero rasial. Ma me no es intera convinseda ce la parola proportio no sufisi. Rasio e proportio pare sinonimes, e car on ave ja alga otra parolas e sinifias en la rejion de razon/rasion, rasio ta es min clar. (O cisa tu ia proposa ratio con T per sircoveni esta nonclaria?) — Simon 2024/12/27 09:30
• Si, ratio con un T, car la ajetivo rasial pote es confusante. — Mixel 2024/12/27 14:19
• Un otra posible es raporta. Ma ancora me resta nonconvinseda ce la parola esistente proportio no sufisi. Perce tu opina ce lo es “plu statical, min dinamical”? Esce tu persepi un tal difere entre la sinifias mesma de la du parolas, o esce tua opina pertine plu a la sabores poesial de los? — Simon 2024/12/27 16:23
• Bon dia! Consernante la aspeta statical/dinamical, me (atenta) esplica me: on pote parla de la proportio entre du cuantias, per esemplo (esta es statical, car la du cuantias es stable). Ma me pensa ce on no pote bon parla de la proportio de un crese (esta es dinamical, car la cuantia crese); cisa on ta pote parla de la “ratio de la crese” de un variable. En franses, on ta dise raison o coefficient: 1, 2, 4, 8, 16, 32, 64… esta segue/serie ave un crese de ratio 2. Ma, como tu dise bela, me gusta ance la sabor poesial de la parola ratio 🙂, cual on usa frecuente en musica microtonal, cuando on dise ce la ratio de la cuinta es 3/2, ce la ratio de la cuarta es 4/3, ce la ratio de la tersa major es 5/4, etc. — Mixel 2024/12/28 09:16
• Cisa un ratio es la relata entre du cuantias, e un proportio es la relata entre du ratios? Longo esta paje acaso: “Cuando du cuantias crese o descrese en la mesma ratio, on dise ce los es direta proportial a lunlotra.” — Simon 2024/12/28 12:40
• Multe interesante! Me acorda plen! La esemplo de la 80 studiantes (50 xicas e 30 xicos) es multe clar!

        – Ratio de la xicos a la xicas = xicos:xicas = 30:50, o 3:5
        – Ratio de la xicas a la xicos = xicas:xicos = 50:30, o 5:3
        – Proportio de xicos = 30/80, o 3/8
        – Proportio de xicas = 50/80, o 5/8
— Mixel 2024/12/28 16:31

• Bon! Ajuntada. — Simon 2024/12/28 18:14

.ratio -- nom matematica
defini: un relata entre du cuantias de la mesma tipo
usa: la ratio de xicas a xicos en la clase es 5:3
vide: proportio
ca: ràtio
en: ratio
eo: ratio, rilatumo
es: razón (matemática)
fr: ratio, rapport, fraction; raison
it: rapporto
pt: razão (matemática)

La teorem de Tale

On nesesa un espresa per esta teorem. Esce on usa la nom de Tales, o un espresa plu descrivente? — Mixel 2024/12/27 08:46

• La nom de Θαλῆς pare es vasta usada en la mundo per esta. En elefen, esce lo no deveni Tale (como Pitagora)? — Simon 2024/12/27 09:38
• Serta, Tale, como Euclide. — Mixel 2024/12/27 14:20
• Per la defini, me pensa plu a esta teorem de Tale: un teorem jeometrial, cual afirma ce un linia paralel a un lado de un triangulo formi, con la linias de la otra lados, un triangulo nova con lados proportial a aceles de la triangulo prima. — Mixel 2024/12/27 15:38
• Interesante, car en engles Thales’s theorem pertine a triangulos sur diametres de sirculos. Longo la vicipedia esperanto la nom ave ambos sinifias. Ma lo pare ce, estra engles, la nom no es usada en relata con sirculos. Donce tua defini a supra es bon. — Simon 2024/12/27 16:28

teorem de Tale -- nom
defini: un teorem jeometrial cual afirma ce un linia paralel a un lado de un triangulo formi, con la linias de la otra lados, un triangulo nova con lados proportial a los de la triangulo prima
ca: teorema de Tales
en: intercept theorem, Thales's theorem, basic proportionality theorem, side splitter theorem
eo: teoremo de Taleso
es: teorema de Tales
fr: théorème de Thalès
it: teorema di Talete
pt: teorema de Tales