BIBLIA
Atesta Vea —
Jenese ·
Esodo ·
Levitico ·
Numeros ·
Deuteronomio ·
Joxua ·
Judores ·
Rut ·
Samuel ·
Res ·
Cronicas ·
Ezra ·
Nehemia ·
Ester ·
Tobi ·
Judita ·
Macabeos ·
Job ·
Salmos ·
Proverbos ·
Eclesiaste ·
Canta de Cantas ·
Sajia ·
Sirac ·
Isaia ·
Jeremia ·
Lamentas ·
Baruc ·
Ezeciel ·
Daniel ·
Hoxea ·
Joel ·
Amos ·
Obadia ·
Jona ·
Mica ·
Nahum ·
Habacuc ·
Sefania ·
Hagai ·
Zecaria ·
Malaci
Atesta Nova —
Mateo ·
Marco ·
Lucas ·
Joan ·
Atas ·
Romanes ·
1 Corintianes ·
2 ·
Galatianes ·
Efesianes ·
Filipianes ·
Colosianes ·
1 Tesalonianes ·
2 ·
1 Timoteo ·
2 ·
Tito ·
Filemon ·
Ivris ·
Jacobo ·
1 Petro ·
2 ·
1 Joan ·
2 ·
3 ·
Juda ·
Apocalise
Capitol 12
- A ses dias ante Pascua, Jesus ia reveni a Betania, do Lazaro ia es, ci el ia revive ja.
- Ala los ia prepara un come de sera per el: Marta ia servi e Lazaro ia es un de la comores.
- Maria, prendente un olio parfumida custosa de nardo pur, ia unje la pedes de Jesus e ia seci los con sua capeles; la casa ia es plenida con la aroma de la olio.
- Judas Iscariote, acel de la disiplos ci va tradi el, ia dise:
- “Perce el no ia vende la parfum per la salario de tresento dias per dona lo a la povres?”
- El ia dise esta, no car el ia cura la povres ma car el ia es un furor e ia es encargada con la saco de mone, e ia abitua fura lo cual el ia pote de lo.
- Jesus ia responde: “Lasa el. El ia ave esta parfum reservada per la dia de mea entera.
- Vos ave sempre la povres con vos, ma vos no va ave me per sempre.”
- Entretempo, un fola grande de iudis ia descovre ce Jesus es ala, e los ia vade, no sola par causa de Jesus, ma ance per vide Lazaro, ci el ia revive.
- Alora la pretes alta ia deside mata ance Lazaro,
- car multe iudis ia separa de los e ia comensa crede a Jesus par causa de el.
- A la dia seguente, la folia grande ci ia veni per la festa ia descovre ce Jesus vade a Ieruxalim.
- E, prendente folias de palma, los ia sorti per encontra el, e los ia clama disente: “Hosana! Bondiseda es el ci veni par autoria de la Senior, la re de Israel!”
- Pos trova un asino, Jesus ia monta el, como lo ia es scriveda:
- “No teme, fia de Sion; tua re veni, sentante sur un asino joven.”
- En la comensa, sua disiplos no ia comprende esta. Ma cuando Jesus ia es glorida, los ia recorda ce tota cual ia aveni a el es lo cual ia es ja scriveda sur el.
- La fola ci ia es con Jesus cuando el ia comanda Lazaro a sorti de la tomba e ia revive el, ia atesta sur el.
- Per esta razona la popla ia sorti per encontra el, car los ia oia sur la sinias cual el ia fa.
- La fariseos ia dise a lunlotra: “Esce vos vide ce nos gania no cosa? Tota la popla segue el.”
- Entre los ci ia vade ja per adora en la festa, on ia ave elinicas
- ci ia prosimi a Felipe, ci ia es de Betsaida, en Galilea, e ia dise a el: “Senior, nos vole vide Jesus.”
- Felipe ia vade per dise esta a Andres, e ambos ia dise lo a Jesus.
- El ia responde a los: “La ora ia ariva en cual la Fio de la Om va es glorida.
- Me serti vos ce si la gran de trigo cual cade a tera no mori, lo resta solitar; ma si lo mori, lo dona multe semes.
- Cualcun ci ama sua vive va perde lo; e cualcun ci no ama sua vive en esta mundo, va conserva lo per la Vive eterna.
- Cualcun ci vole servi me debe segue me, e do me es, ance mea servor va es. Cualcun ci vole servi me, va es onorada par mea Padre.
- Mea alma es turbada aora, e cua me va dise? ‘Padre, libri me de esta ora’? Ma lo es per esta razona ce me ia veni a esta ora!
- Padre, glori tua Nom!” Alora, un vose veninte de la sielo ia es oiada: “Me ia glori lo e me va glori lo denova.”
- La fola cual ia es presente e ia oia esta parolas, ia descrive lo como un tona. Otras ia dise: “Un anjel ia parla a el.”
- Jesus ia responde: “Esta vose no ia veni per me, ma per vos.
- Aora la judi de esta mundo ia veni, aora la Prinse de esta mundo va es lansada a estra;
- e cuando me es altida sur la tera, me va atrae totas a me.”
- Jesus ia dise esta per indica como el va mori.
- La fola ia responde: “Nos sabe par la Lege ce la Maxia va resta per sempre. Como tu pote dise: ‘Lo es nesesada ce la Fio de la Om es altida’? Ci es esta Fio de la Om?”
- Jesus ia responde a los: “La lus es ancora entre vos, ma per poca tempo. Pasea en cuando vos ave lus, afin oscuria no vinse vos: car el ci pasea en oscuria no sabe a do el vade.
- En cuando vos ave lus, crede a la lus e vos va es fios de la lus.” Pos parla tal a los, Jesus ia parti e ia asconde de los.
- An pos tan multe sinias cual el ia fa en sua presentia, los no ia crede a el.
- Esta ia reali lo cual la profeta Isaia ia dise: “Senior, ci ia crede a nosa mesaje? A ci la potia de la Senior ia es revelada?”
- Los no ia pote crede, car como Isaia ia dise ance:
- “El ia sieci sua oios e ia duri sua cores, afin sua oios no vide e sua cor no comprende, afin los no converti; e me ta cura los.”
- Isaia ia dise esta, car el ia vide la gloria de Jesus e ia parla sur el.
- An tal, multes ia crede a el, an entre la autoriosas, ma par causa de la fariseos los no ia reconose publica esta, per no deveni espulsada de la sinagoga.
- Los ia prefere la gloria de la omes a la gloria de Dio.
- Jesus ia esclama: “Cualcun ci crede a me, en realia no crede a me, ma a el ci ia envia me.
- E cualcun ci vide me, vide el ci ia envia me.
- Me es la lus, e me ia veni a la mundo afin tota ci crede a me no resta en oscuria.
- Cualcun ci escuta mea parolas e no oserva los, me no judi el, car me no ia veni per judi la mundo, ma per salva lo.
- Cualcun ci rejeta me e no aseta mea parolas, ave ja alga cosa per judi el: la mesaje cual me ia anunsia es lo cual va judi el en la dia ultima.
- Car me no ia parla par me mesma: la Padre ci ia envia me ia comanda me a dise tota cual me ia debe dise e anunsia;
- e me sabe ce sua comanda es la Vive eterna. La parolas cual me dise, me dise los como la Padre ia dise a me.”
