PESETAS DE PROSA POESIAL
1. La stranjer · 2. La despera de la fem vea · 7. La fol e la Venus · 8. La can e la botela · 23. Enebria! · 35 La fenetras · 41. La porto · 43. La xutor cavalerin · 44. La sopa e la nubes

La porto

La porto (Le Port), par Charles Baudelaire
Traduida par Andrew Burns

Un porto es un refuja encantante per un alma fatigada par la lutas de la vive. La vastia de la sielo, la arciteta movente de la nubes, la colores cambiante de la mar, la sintili de la faros, es un prisma merveliosa conveninte per diverti la oios sin fatiga los. La formas grasil de la barcones, con sua aparatos de vela complicada, a cual la onda impresa osilas armoniosa, servi per manteni en la alma la gusta de ritmo e de belia. E pos, supra tota, on ave un tipo de plaser misteriosa e aristocrata per el ci no ave plu curiosia o aspira, en contempla, reposante en la belvedere o apoiada sur la molo, tota esta moves de los ci parti e los ci reveni, de los ci ave ancora la fortia de vole, la desira de viaja o de rici se.

Un port est un séjour charmant pour une âme fatiguée des luttes de la vie. L’ampleur du ciel, l’architecture mobile des nuages, les colorations changeantes de la mer, le scintillement des phares, sont un prisme merveilleusement propre à amuser les yeux sans jamais les lasser. Les formes élancées des navires, au gréement compliqué, auxquels la houle imprime des oscillations harmonieuses, servent à entretenir dans l’âme le goût du rhythme et de la beauté. Et puis, surtout, il y a une sorte de plaisir mystérieux et aristocratique pour celui qui n’a plus ni curiosité ni ambition, à contempler, couché dans le belvédère ou accoudé sur le môle, tous ces mouvements de ceux qui partent et de ceux qui reviennent, de ceux qui ont encore la force de vouloir, le désir de voyager ou de s’enrichir.