Capitol 15

1. Pronto cuando la matina ia veni, la pretes xef con la veas e la scrivistes, pd. tota la sanedrin, ia asembla en consilio. Pos lia Jesus, los ia trae el a Pilato.
2. Pilato ia demanda a el: “Esce tu es la re de la iudis?” El ia responde a el: “Tu dise tal.”
3. La pretes xef ia acusa el de multe cosas.
4. Denova Pilato ia demanda a el: “Esce tu no va responde? Vide la multe cosas de cual los acusa tu.”
5. Jesus no ia responde plu, donce Pilato ia es stonada.
6. Aora, a cada festa el ia libri a la popla un prisonida per ci los ia demanda.
7. Un om nomida Barabas ia es en prison como ance la rebelores ci ia omiside en la rebela.
8. La fola ia veni e ia comensa demanda per un amnestia como abitual.
9. Pilato ia responde: “Esce vos vole ce me libri a vos la re de la iudis?”
10. Car el ia sabe ce la pretes xef ia trae el par causa de invia.
11. Ma la pretes xef ia provoca la fola par libri Barabas en loca.
12. Pilato ia responde denova a los: “Alora cua vos vole ce me fa con (la om ci vos nomi) la re de la iudis?”
13. Los ia cria denova: “Crusi el.”
14. Pilato ia dise a los: “Perce? Cua el ia fa mal?” Los ia cria sola plu alta: “Crusi el.”
15. Pilato, per sasia la fola, ia libri Barabas a los e, pos fa ce on flajeli Jesus, el ia dona el afin los ta crusi el.
16. La soldatos ia gida el a en la palasio, a la Pretorio, e los ia asembla tota la grupo.
17. Los ia vesti el en purpur, e texente un corona de spinas, los ia pone lo sur el.
18. Los ia comensa saluta el disente: “Lodas! Re de la iudis,”
19. e ia colpa sua testa con un basto e ia sputa sur el. Los ia ajena ante el onorante el.
20. E pos burla el, los ia desapone sua capa purpur, ia vesti el en sua vestes propre, e ia sorti el per crusi el.
21. Los ia obliga Simon de Cirene, padre de Alexandro e Rufoi, ci ia es veninte de la campo, a porta la crus de Jesus.
22. Los ia trae el a la loca nomida Golgota (cual on tradui como Loca de la Cranio).
23. Los ia dona a el vino miscada con mira, el no ia prende lo.
24. Alora los ia crusi el e ia divide sua vestes, lansante dados per vide cua cadun pote prende.
25. Lo ia es la ora nove de matina cuando los ia crusi el.
26. La enscrive cual ia indica la causa de sua condena ia leje: “La re de la iudis.”
27. Con el los ia crusi du rebelores, la un a sua destra e la otra a sua sinistra.
28. (E la Scrivedas Santa cual dise: “El ia es contada entre viles” ia es realida.)
29. Los ci ia pasa ia despeta el; los ia move sua testa disente: “A! Tu ci ta destrui la templo e ia reconstrui lo en tre dias,
30. salva tu mesma e desende de la crus.”
31. Ance la pretes xef, con la scrivistes, ia burla el entre se e ia dise: “El ia salva otras e no pote salva se!
32. La Maxia, la Re de Israel, ta ce el desende de la crus afin nos pote vide e crede.” Los ci ia es crusida con el ia insulta el ance.
33. A mediadia, oscuria ia veni sur la tera intera asta la ora tre de la posmedia.
34. A la ora tre, Jesus ia cria en vose alta: “Eloi, Eloi, lema sabactani?” cual sinifia: “Dio mea, Dios mea, perce tu ia abandona me?”
35. Alga de la oservores ci ia escuta lo ia dise: “Regarda, el es clamante Elija.”
36. Un de los ia core, ia empapa un sponja con vino, ia pone lo sur un basto, e ia dona a el per bevim disente: “Espera, ta ce on vide esce Elija veni per basi el.”
37. Con cria forte, Jesus ia fa sua espira final.
38. La cortina de la santeria ia rompe en du partes, de alta a basa.
39. Cuando la senturion ci ia es a fas de el ia vide el morinte, el ia dise: “Vera, esta om ia es la Fio de Dio.”
40. On ia ave femes regardante a distantia. Entre los ia es Maria Magdalena, Maria la madre de Jacobo la minor e de Jose, e Salome.
41. Acel femes ia segue el cuando el ia es en Galilea e ia cura el. On ia ave ance multe otra femes ci ia veni a Ieruxalim con el.
42. Cuando lo ia es la sera, car lo ia es la dia de prepara, la sera ante la dia santa,
43. Josef de Arimatea, un membro distinguida de la consilio, ci mesma ia es esperante la rena de Dio, ia veni e ia vade corajosa a Pilato e ia demanda per la corpo de Jesus.
44. Pilato ia es surprendeda ce el ia mori ja. El ia clama la senturion e ia demanda esce Jesus es mor.
45. Pos es informada par la senturion, el ia dona la corpo a Josef.
46. El ia compra un tela de lino, el ia basi el, ia envolve el en la tela de lino e ia pone el en un tomba escavada en la roca. Alora el ia rola un roca contra la entra de la tomba.
47. Maria Magdalena e Maria la madre de Jose ia vide do el ia es poneda.