Capitol 23: Prinsipes de espresa

Per dise esata, la gramatica de kotava es intera composada de la regulas ja notada. Ma ancora, en espresa parlada e scriveda, on debe ance recorda e obedi alga prinsipes jeneral. En un lojica ierarcial, los es:

1) Contestal

Esta es la prima de la prinsipes xef. Lo sinifia ce on debe comprende un frase en modo contestal, pd. comprende la frase en relata con la persones envolveda. On no nesesa clari o repete un cosa si lo es evidente de sua punto de vista. Esta prinsipe es spesial aplicada a la conseta de la defini/nondefini de sintagmas, donce nos usa articles cuasi nunca en kotava. En ajunta, la usa de completintes implicada, frases nomal e formas verbal simple segue la prinsipe ance.

2) Minima

Esta prinsipe comparti alga ideas de la prinsipe presedente. Entre la posibles cuantiosa de gramatica e vocabulo, la forma la plu fasil e corta es sempre prefereda estra cuando on ave un desira spesifiada per parla en otra modo. Esta afeta la usa de afisas e modalias. Per obedi esta prinsipe, on debe dejeta tota cosas plu ca nesesada; pronomes de person es un bon esemplo car la conseta de person es ja implicada par infletas verbal.

3) Uniformia (en morfolojia)

Esta es un prinsipe forte. Kotava no aseta la suprapone morfolojial. Un parola no pote parteni a plu ca un categoria a la mesma tempo. Derivas como “verbo a sustantivo” o “sustantivo a ajetivo” etc debe es formida par afisas spesifiada.

4) Persiste

Esta prinsipe es spesial valida cuando on espresa la sujeto de person tre. En la intera de un paragraf, pd. un colie de alga frases, la sujeto es sempre la mesma como la sujeto a la comensa estra si on declara direta ce un sujeto nova apare. La prinsipe pote esplica ance la usa estendosa de formas distribuinte de conjuntas liante en kotava.

5) Nonambiguia

Esta es un cualia esensal de kotava. Considerante la prinsipes ja notada, la espresas en kotava es jeneral esata. Lo pare ce la parla o scrive en modo neblosa es sola un metodo per ateni efetos spesial. Nonambiguia es un cualia implicada, donce on ta usa frecuente formas, averbos o afisas cual pote elimina cualce risca de ambiguia.

6) Posto de parlor (sentro sur parlor, parla direta)

Kotava favore espresas direta e personal, la vose ativa, e la envolve de parlor a tota veses. Formas nonpersonal, con eseta de verbos cual es inerente nonpersonal como “pluve” o “noti”, es rara usada e trucosa.

7) Libria sintatical

Estra la constrinjes obligante (per esemplo, preposada presede sustantivo, (completinte de) ojeto presede verbo), kotava ave un bon libria de sintatica, notable en la ordina de parolas.