Capitol 15: Averbos
Averbos es un categoria eterojen de parolas nonmutable cual descrive un verbo, un determinante, un otra averbo, un junta, un proposa o frase completa, a veses an un nom.
Multe averbos, spesial averbos-sujuntas e multe averbos orijinal, ave un funsiona de junta, pd. los pote introdui un suproposa como un sujunta normal.
On ave plur metodos per categori averbos. La metodo la plu usosa divide los a sinco categorias: averbos de foca, averbos fundal de frase, otra averbos fundal (o “orijinal”, pd. nonderivada), averbos de modo cual es derivada de determinantes, e a fini averbos-sujuntas cual parteni a la series averbal.
Un averbo de frase debe apare a la comensa de un frase o proposa. Otra averbos, par la regula, es direta poneda pos la elemento modifiada.
A: Averbos de foca, nonderivada
Esta es un categoria limitada con sola ses averbos. Sua funsiona es fa ce alga elemento de un frase deveni consentrada: un nom de sujeto, un pronom, un forma de verbo, o un otra averbo. Los es:
- ant (sola, solitar)
- dace (mesma)
- dere (ance)
- to (lo es)
Continua: vide Ajuntadas (ajuntada F.1) per un lista completa de averbos de foca
B: Averbos fundal de frase, nonderivada
Sua funsiona es dona a un frase modalia, per dise, los introdui comun un frase o proposa sin afisa se a la predica o alga otra elemento. On ave poca averbos fundal de frase, ma los es usada frecuente. Los es:
- acum (donce, par esta razona)
- adim (per resoma, per dise corta)
- berde (lo es un bon tempo per)
- dile (lo aveni ce, a veses)
Continua: vide Ajuntadas (ajuntada F.2) per un lista completa de averbos fundal de frase
C: Otra averbos fundal, nonderivada
Los es otra averbos fundal cual fa la rol de completi la predica o un otra elemento gramatical en la frase. On ave poca esta averbos ance, ma los es usada frecuente. Los es:
- adre (pico e pico, gradal, par grado)
- ale (lo pertine a, la problem es ce)
- aun (secreta, nonsabeda par)
- biwe (apena, un pico, par un capel)
Continua: vide Ajuntadas (ajuntada F.3) per un lista completa de averbos orijinal
D: Series averbal
Como series pronomal, Kotava ave 18 series de averbos relativa (o averbos-sujuntas) de la mesma composantes (kot, me, bat, ban, mil, lan, man, kon, bet, ar, tok, kas, yon, jontik, konak, abic, slik, dik, um, vug, cug, le, li, lo).
La 18 composadas fundal de esta series es averbos relativa (o averbos-sujuntas). Los es:
| data, momento | viele | cuando, a cuando, a la momento cuando |
| data presedente | vielu | de cuando, de pos, de la momento cuando |
| data seguente | vieli | asta cuando |
| epoca | ugale | a la tempo cuando |
| longia | edje | per cuanto tempo, tra cuanto tempo, en cuando |
| causa | dume | perce, per cual razona, per la razona ce |
| intende | enide | per, per cual intende, con intende de |
| media | kane | como, par cual media, par la media ce |
| cualia, modo | inde | cual jenero, como, en cual modo |
| situa | tode | en cual caso, en cual situa, en caso de |
| posibilia | kase | cual acaso, cual posibilia ce, si |
| numero, cuantia | ote | cuanto, en cual cuantia |
| grado, nivel | eke | a cual grado, a punto de |
| custa, valua | droe | a custa de, con cual valua |
| loca a cual on vade | liz | a do |
| loca en cual on es | lize | do |
| loca de cual on veni | lizu | de do |
| loca cual on traversa | lizo | tra do |
Esemplos de averbos composada (entra 432 posibles):
- tokviele ? – cuando?
- tokkane ? – como?
- batenide – per esta intende
- laneke – a un grado
- kondume – per alga razona
- tokliz ? – a do? (con move)
- manlizo – par un tal loca
- metode – en no caso
- tokedje ? – per cuanto tempo?
- cugeke – a la grado la plu alta
- ardume – per un otra razona
- kotugale – de tota tempos
- medroe – sin custa
- jontikote – en cuantia multe grande
- betviel – a cualce ves
- banlize – ala (sin move)
- arlizu – de otra loca
- yoneke – a alga grado
- konakinde – en multe modos
- vugote – en cuantia minima
On pote usa la averbos relativa como juntas, per dise los pote introdui suproposas direta. Los es frecuente usada en esta modo, en fato.
Pe:
- Widava wan divlizewer kotliz lae tir azefe ok ticumansase (la site continua estende sempre do la tera es plana o pico inclinada)
- Laridagaben bulol ieyer cugeke jontiktan me rotcizayad (la porco de cual on ia talia sua garga ia xilia a tal grado ce multes no ia pote tolera lo)
- In koe bata mawa kenibeyer meviele kapamiel tiyir (el dormi an nunca en esta sala en notes de selebra)
E: Averbos de modo, derivada de determinantes
Tota de esta averbos es derivada de ajetivos o cualce determinante. Los construi obedi un regula simple e unica:
- de determinantes cual fini con “-af” o “-f”:
Prende la radis de la determinante (pd. la forma con zero coda tipal), e ajunta la sufisa averbal “-on”.
Pe:
- kaliaf (rapida) → kalion
- favlaf (usosa) → favlon
- laof (nontemosa) → laoon
- xuf (vertical) → xuon
- de determinantes sin coda:
Per determinantes sin coda tipal, on ajunta la sufisa averbal “-on” ance.
Pe:
- bat (esta) → baton (donce)
- slik (tro multe) → slikon
- de numeros cardinal:
Sua radis, cual es sin la coda “-oy” tipal, es usada per la sufisa “-on” ance.
Pe:
- baroy (tre) → baron (a tre veses)
- san-aluboy (des-sinco) → san-alubon (a des-sinco veses)
- de ajetivos verbal (partisipios):
Contradisente a la regula jeneral, on no nesesa prende la radis de la ajetivo (cual composa la tronco de verbo solitar), ma ajunta la sufisa averbal “-on” direta a la parola con coda partisipial.
Pe:
- meruptes (nondependente) → merupteson
- metentun (nondefinida) → metentunon
- pokolemb (ci on espera) → pokolembon (en la situa ce on es esperada)
Tota averbos derivada pote deveni comparativas (progresiste) e superlativas como ajetivos:
Pe:
- lokaliaf (plu rapida) → lokalion
- lelefavlaf (min e min usosa) → lelefavlon
- tel lokaliaf (la plu rapida) → tel lokalion