LA ARTE DE LA GERA
Projeta ⋅ Batalia ⋅ Ataca stratejial ⋅ Posa ⋅ Enerjia ⋅ Debil e forte ⋅ Manobra ⋅ Variables ⋅ En marxa ⋅ Tereno ⋅ La nove situas ⋅ Atacas ensendente ⋅ Spia

Posa

Mestre Sun dise:

孫子曰：

En eda antica, la bon geror serti prima sua nonatacablia, poi espeta la atacablia de la enemi. Nonatacablia es en se, atacablia con la enemi.

昔之善戰者，先為不可勝，以待敵之可勝，不可勝在己，可勝在敵。

La bon geror pote ateni nonatacablia, ma no pote reali la atacablia de la enemi.

故善戰者，能為不可勝，不能使敵必可勝。

Donce on dise: “On pote reconose vinse sin ateni lo.”

故曰：勝可知，而不可為。

Nonatacablia es defende; atacablia es ataca.

不可勝者，守也；可勝者，攻也。

Defende implica manca; ataca implica abunda.

守則不足，攻則有餘。

Un bon defendor asconde su tera nove. Un bon atacor move supra sielo nove. Donce el proteje se e vinse intera.

善守者，藏于九地之下；善攻者，動于九天之上，故能自保而全勝也。

Predise un vinse evidente a persones comun no es la plu bon.

見勝，不過眾人之所知，非善之善者也。

Batalia e vinse e ce cadun su sielo dise: lodas no es la plu bon.

勝，而天下曰善，非善之善者也。

Leva pelo autonal no mostra fortia grande. Vide la sol e luna no mostra oios agu. Oia tona no mostra oreas rapida.

故舉秋毫，不為多力；見日月，不為明目；聞雷霆，不為聰耳。

En eda antica, on ia nomi un bon geror el ci ia vinse vinses fasil. Donce vinses de un bon geror no trae fama per astutia o coraje.

古之善戰者，勝于易勝者；故善戰者之勝也，無智名，無勇功。

El vinse par no era. Sin era vinse es serta car la enemi ia perde ja.

故其戰勝不忒，不忒者，其措必勝，勝已敗者也。

Donce un bon geror sta do el no pote perde e no fali vinse la enemi.

故善戰者，立于不敗之地，而不失敵之敗也。

Donce un armada vinsente vinse prima, poi xerca batalia. Un armada vinseda batalia prima, poi xerca vinse.

是故勝兵先勝，而後求戰；敗兵先戰，而後求勝。

El ci gera bon cultiva la dau e oserva la regulas e donce pote maneja vinse e defeta.

善用兵者，修道而保法，故能為勝敗之政。

Regula jeneral de gera:

Tereno pari mesura, mesura pari estima, estima pari calcula, calcula pari compara, compara pari vinse.

兵法：「一曰度，二曰量，三曰數，四曰稱，五曰勝；地生度，度生量，量生數，數生稱，稱生勝。」

Donce un armada vinsente es como un cilogram contra un gram. Un armada vinseda es como un gram contra un cilogram.

故勝兵若以鎰稱銖，敗兵若以銖稱鎰。

Cuando un popla vinsente pare como acua cumulada crevente en un canion de du mil metres de profondia—esta es posa.

勝者之戰民也，若決積水于千仞之谿，形也。