LA ARTE DE LA GERA
Projeta ⋅ Batalia ⋅ Ataca stratejial ⋅ Posa ⋅ Enerjia ⋅ Debil e forte ⋅ Manobra ⋅ Variables ⋅ En marxa ⋅ Tereno ⋅ La nove situas ⋅ Atacas ensendente ⋅ Spia

Enerjia

Mostra ance la testo orijinal

Mestre Sun dise:

孫子曰：

Maneja multe es como maneja poca: divide de cuantias.

凡治眾如治寡，分數是也。

Combate multe es como combate poca: formis e sinias.

鬥眾如鬥寡，形名是也。

Un armada pote serta resiste la enemi sin defeta: direta e indireta.

三軍之眾，可使必受敵而無敗者，奇正是也。

Un armada debe colpa como un petra contra un ovo: debil e forte.

兵之所加，如以碬投卵者，虛實是也。

En batalia, engrana direta, vinse nondireta.

凡戰者，以正合，以奇勝。

Donce la bon aplica de modos indireta es nonlimitada como sielo e tera, nonconsumable como rio e mar; lo fini e comensa denova, como sol e luna, mori e nase denova, como cuatro saisones.

故善出奇者，無窮如天地，不竭如江河，終而復始，日月是也；死而復生，四時是也。

On ave sola sinco notas, ma sua permuta produi plu ca on pote escuta.

聲不過五，五聲之變，不可勝聽也。

On ave sola sinco colores, ma sua permuta produi plu ca on pote vide.

色不過五，五色之變，不可勝觀也。

On ave sola sinco sabores, ma sua permuta produi plu ca on pote proba.

味不過五，五味之變，不可勝嘗也。

On ave sola du tipos de ataca en batalia, modos indireta e direta, ma permutas de modos direta e indireta es nonlimitada.

戰勢不過奇正，奇正之變，不可勝窮也。

Modos indireta e direta pari lunlotra, como move sirculo—no fini. Ci pote consuma los?

奇正相生，如循環之無端，孰能窮之哉！

Cuando la rapidia de acua sufisi per flota rocones—esta es enerjia.

激水之疾，至于漂石者，勢也。

Cuando la rapidia de un falcon sufisi per colpa e mata—esta es esatia.

鷙鳥之擊，至于毀折者，節也。

Tal per un bon geror—enerjia bruta, esatia rapida. Enerjia como un balesta tirada, esatia como un gatilo relasada.

是故善戰者，其勢險，其節短，勢如張弩，節如機發。

En turba e tumulta, combate pare caososa, ma on no ave desordina. En confusa e confonde formis pare sirculo, ma on no ave defeta.

紛紛紜紜，鬥亂，而不可亂也。渾渾沌沌，形圓，而不可敗也。

Desordina veni de ordina, teme de coraje, debilia de fortia

亂生于治，怯生于勇，弱生于強。

Desordina ordinada—divide, teme corajosa—enerjia, debilia forte—posa.

治亂，數也。勇怯，勢也。強弱，形也。

Donce el ci move bon la enemi crea formis cual la enemi segue serta. El dona e la enemi prende serta. El move los con tentas poi soldatos embosce los.

故善動敵者，形之，敵必從之；予之，敵必取之；以利動之，以實待之。

La bon geror esplota enerjia per evita depende de individuas. Donce el pote eleje persones e usa enerjia. Cuando usa enerjia, combatores deveni troncos o rocones rolante. La natur de troncos e rocones es resta calma sur tera plana e move sur inclinas. Si cuadro, los para, ronda, los rola.

故善戰者，求之于勢，不責于人，故能擇人任勢；任勢者，其戰人也，如轉木石，木石之性，安則靜，危則動，方則止，圓則行。

Donce bon combatores es como rocones ronda rolante a su un monte de du mil metres — esta es enerjia.

故善戰人之勢，如轉圓石于千仞之山者，勢也。