LA ARTE DE LA GERA
Projeta ⋅ Batalia ⋅ Ataca stratejial ⋅ Posa ⋅ Enerjia ⋅ Debil e forte ⋅ Manobra ⋅ Variables ⋅ En marxa ⋅ Tereno ⋅ La nove situas ⋅ Atacas ensendente ⋅ Spia

Manobra

Mostra ance la testo orijinal

Mestre Sun dise:

孫子曰：

Regula jeneral de gera: La jeneral reseta comandas de la renor, enscrive sua soldatos, asembla sua armada, armoni los, campa, poi la cosa la plu difisil: manobra.

凡用兵之法，將受命於君，合軍聚眾，交和而舍，莫難於軍爭。

Manobra es difisil car lo esije fa curvidas a reta e mal fortunas a vantajes.

軍爭之難者，以迂為直，以患為利。

Donce prende la via curvida e tenta la enemi con alga vantaje. Parti a pos, ma ariva a ante. Esta es mestri la stratejia curvida reta.

故迂其途，而誘之以利，後人發，先人至，此知迂直之計者也。

Manobra trae vantajes; manobra trae peril.

故軍爭為利，軍爭為危。

Un armada intera enviada per compete per alga vantaje va ariva tarda; envia un armada lejera per la mesma va sacrifia aparatos. Marxa omes con armur enrolada tra dia e note sin reposa a rapidia duple per sento li per compete per alga vantaje va resulta la catura de tota gidores militar. La plu forte va veni a fronte, fatigadas a retro—regula jeneral: un desi va ariva. Marxa per sincodes li per compete per alga vantaje va cade la gidor fronte—regula jeneral: un dui ariva. Marxa per tredes li per la mesma—du tri ariva.

舉軍而爭利，則不及；委軍而爭利，則輜重捐。是故卷甲而趨，日夜不處，倍道兼行，百里而爭利，則擒三將軍，勁者先，疲者後，其法十一而至；五十里而爭利，則蹶上將軍，其法半至；卅里而爭利，則三分之二至。

Un armada sin aparatos es perdeda. Sin comeda—perdeda. Sin furnis—perdeda.

是故軍無輜重則亡，無糧食則亡，無委積則亡。

Sin conose projetas de prinses feudal, on no pote fa alias. Sin conose la forma de montes e forestas, colos streta e ostaculos, pantanes e torberias, on no pote marxa. Sin usa gidores local, on no pote usa tereno vantajosa.

故不知諸侯之謀者，不能豫交；不知山林、險阻、沮澤之形者，不能行軍，不能鄉導者，不能得地利。

Donce gera sta sur engana, move per vantaje, adata par divide o uni. Es rapida como venta e lenta como un foresta. Es avar como foco e firma como un monte. Es oscur como note e move como un lampo.

故兵以詐立，以利動，以分合為變者也，故其疾如風，其徐如林，侵掠如火，不動如山，難知如陰，動如雷霆。

Saca la campania, divide furadas; estende la teritorio, divide profitas. Pensa e pesa ante move. El ci mestri la stratejia curvida reta vinse. Esta es la regula de manobra.

掠鄉分眾，廓地分利，懸權而動，先知迂直之計者勝，此軍爭之法也。

La Libro de Maneja Militar dise: “No oia en parla, usa gongo e tambur; No vide en regarda, usa bandera e bandereta.”

軍政曰：「言不相聞，故為金鼓；視不相見，故為旌旗。」

Gongo e tambur, bandera e bandereta foca e uni oreas e oios de persones. Pos uni, corajosas no pote avansa solitar, timidas no pote retira solitar. Esta es la regula per usa multias.

夫金鼓旌旗者，所以一人之耳目也；人既專一，則勇者不得獨進，怯者不得獨退，此用眾之法也。

Donce en batalias a note, usa multe torxas e tambures, en batalias a dia, usa multe banderas e banderetas, per manipula la oreas e oios de persones.

故夜戰多火鼓，晝戰多旌旗，所以變人之耳目也。

On pote ruba la txi de un armada intera, la cor de un jeneral.

故三軍可奪氣，將軍可奪心。

Donce, la txi de un soldato es agu a matina, es pigra a mediadia, e retira a sera. El ci gera bon evita txi agu, ma ataca txi pigra e retirante. Esta es maneja txi.

是故朝氣銳，晝氣惰，暮氣歸；故善用兵者，避其銳氣，擊其惰歸，此治氣者也。

Usa disiplina per maneja caos, calma per maneja tumulta—esta es maneja la cor.

以治待亂，以靜待譁，此治心者也。

Espeta prosima distantes, espeta comfortosa fatigadas, espeta plenida fames—esta es maneja fortia.

以近待遠，以佚待勞，以飽待飢，此治力者也。

No intersepi banderetas ordinada, no ataca formis grande—esta es maneja cambia.

無邀正正之旗，勿擊堂堂之陣，此治變者也；

Regulas jeneral de gera:

No avansa a monte, no ataca los con dorsos a monte.
No segue fujis finjeda, no ataca soldatos agu.
No come tenta militar, no impedi unias retirante.
En ensirca soldatos, lasa un abri.
No opresa un enemi desperante.

Estas es regulas jeneral de gera.

故用兵之法，高陵勿向，背邱勿逆，佯北勿從，銳卒勿攻，餌兵勿食，歸師勿遏，圍師必闕，窮寇勿迫，此用兵之法也。