LA ARTE DE LA GERA
Projeta ⋅ Batalia ⋅ Ataca stratejial ⋅ Posa ⋅ Enerjia ⋅ Debil e forte ⋅ Manobra ⋅ Nove adatas ⋅ En marxa ⋅ Tereno ⋅ Nove situas ⋅ Atacas ensendente ⋅ Spia

Nove adatas

Mostra ance la testo orijinal

Mestre Sun dise:

孫子曰：

Regula jeneral de gera: La jeneral reseta comandas de la renor, enscrive sua soldatos, asembla sua armada.

Sur tereno difisil, no campa.
Sur tereno abrida, fa alias.
Sur tereno isolida, no espeta.
Sur tereno ensircada, fa projetas.
Sur tereno matante, combate.
On ave vias cual on debe no segue.
On ave armadas cual on debe no ataca
On ave sites cual on debe no aseja
On ave terenos per cual on debe no compete

On ave comandas de renor cual on debe no obedi.[¹]

凡用兵之法，將受命於君，合軍聚眾；圮地無舍，衢地合交，絕地無留，圍地則謀，死地則戰，途有所不由，軍有所不擊，城有所不攻，地有所不爭，君命有所不受。

Donce un jeneral ci comprende bon la vantajes de esta nove adatas sabe gera. Si un jeneral no comprende bon la vantajes de esta nove adatas, an si el conose la forma de la tereno, el no pote usa la tereno vantajosa. Si el maneja armadas sin comprende esta nove adatas, an si el comprende la vantajes de la tereno, el no pote usa omes bon.

故將通于九變之利者，知用兵矣。將不通于九變之利者，雖知地形，不能得地之利矣。治兵不知九變之術，雖知地利，不能得人之用矣。

Un saja considera serta vantajes e desvantajes en junta. Par tempera vantajes, el pote ateni ojetos. Par tempera desvantajes, el pote evade desastre.

是故智者之慮，必雜于利害，雜于利而務可信也，雜于害而患可解也。

Debili prinses feudal con dana. Ocupa los con labora. Freta los con vantajes.

是故屈諸侯者以害，役諸侯者以業，趨諸侯者以利。

Regulas jeneral de gera:

No fida ce los no va veni, ma fida ave medias per trata los.
No fida ce los no va ataca, ma fida ave lo cual on no pote ataca.

故用兵之法，無恃其不來，恃吾有以待之；無恃其不攻，恃吾有所不可攻也。

On ave sinco periles per un jeneral:

Noncautia — el pote destrui
Timidia — on pote catura el
Disputosia — on pote provoca el
Orgulo —on pote umili el
Amablia — el pote ansia

Esta sinco falis en un jeneral es ruinosa per gera. Si un armada es vinseda e sua jeneral matada, lo es serta la resulta de esta sinco periles. On no pote iniora los.

故將有五危：必死可殺，必生可虜，忿速可侮，廉潔可辱，愛民可煩；凡此五危，將之過也，用兵之災也。覆軍殺將，必以五危，不可不察也。

[¹] La testo de Yinqueshan esplica ce esta item des no es un de la nove adatas. Vide Ames 1993: p. 180