Ombra de luna
Moon Shadow, par Cat Stevens (1971)
Adatada de la lingua engles par Michel Gaillard
Depinta: La barca roja, (1905), par Odilon Redon
Me es segueda par un ombra,
un ombra de luna
Me salta e brinca sur un ombra,
un ombra de luna
Si me ta perde mea manos, mea arado, mea tera,
si me ta perde mea manos, me no ta debe plu labora,
Me no ta debe plu
Si me ta perde mea oios, si on ta seci la color, a!
si me ta perde mea oios, me no ta debe plu… plora,
Me no ta debe plu
Me es segueda par un ombra,
un ombra de luna
Me salta e brinca sur un ombra,
un ombra de luna
Si me ta perde mea pedes, me no ta jemi, no ta mendica,
si me ta perde mea pedes, me no ta debe plu fatiga
Me no ta debe plu
Si me ta perde mea boca, mea dentes, mea loca,
si me ta perde mea boca, me no ta debe plu esplica
Me no ta debe —
« O mea lus fidosa, tu ia trova me pos corta?
o esce tu ia xerca longa? A note tu vade a resta? »
Me es segueda par un ombra,
un ombra de luna
Me salta e brinca sur un ombra,
un ombra de luna
Ombra de luna, ombra de luna