LA ARTE DE LA GERA
Projeta · Batalia · Ataca stratejial · Posa · Enerjia · Debil e forte · Manobra · Nove adatas · En marxa · Tereno · Nove teras · Atacas ensendente · Spia

Spia

Mestre Sun dise:

孫子曰：

Leva un armada de sento mil e sorti per campania a mil li de asi carga la popla e la tesoreria, custante dial mil unias de arjento. La turba interna e esterna e la fatiga longo vias preveni setesento mil familias de labora. Du armadas fronti lunlotra per vinse en un sola dia. Donce, el ci par resiste dona titulos e salarios de sento unias de arjento resta noninformada sur la situa de la enemi—nonumania suprema—no gida omes, no aida sua senior, no mestre vinse.

凡興師十萬，出征千里，百姓之費，公家之奉，日費千金，內外騷動，怠于道路，不得操事者，七十萬家，相守數年，以爭一日之勝，而愛爵祿百金，不知敵之情者，不仁之至也，非人之將也，非主之佐也，非勝之主也。

Donce, la renor astuta e bon jeneral usa informa temprana per move e vinse otras. On no pote oteni informa temprana par fantasmas e spiritos, dedui lo de avenis pasada, serti lo par calcula—on debe oteni lo de persones, de los ci sabe la situa de la enemi.

故明君賢將，所以動而勝人，成功出于眾者，先知也；先知者，不可取于鬼神，不可象于事，不可驗于度；必取于人，知敵之情者也。

Donce, on ave sinco tipos de spior:

Local
Interna
Reversada
Mor
Vivente

Cuando tota sinco tipos de spior ativi, nun sabe la via. On nomi lo la enrola divin, la tesoro de la senior.

故用間有五：有鄉間、有內間、有反間、有死間、有生間。五間俱起，莫知其道，是謂神紀，人君之寶也。

Un spior local es un paisan de la enemi.
Un spior interna es un ofisior de la enemi.
Un spior reversada es un spior de la enemi.
Un spior mor es un a ci on dona informa falsa per transmete a la enemi.
Un spior vivente es un ci reenvia un reporta.

鄉間者，因其鄉人而用之。內間者，因其官人而用之。反間者，因其敵間而用之。死間者，為誑事于外，令吾間知之，而傳于敵。生間者，反報也。

Donce, en consernas militar, manteni nun plu prosima ca un spior, recompensa nun plu jenerosa, trata consernas de nun plu secreta. Sin sajia on no pote usa spiores. Sin umania e justia on no pote envia los. Sin sutilia e injenia on no pote descovre la veria en sua reportas.

故三軍之事，親莫親于間，賞莫厚于間，事莫密于間，非聖智不能用間，非仁義不能使間，非微妙不能得間之實。

Sutelia de sutelias! On ave no loca sin usa per un spior.

微哉，微哉，無所不用間也。

Si informa secreta es prematur revelada a un otra, ambos la spior e la resetor debe mori.

間事未發而先聞者，間與所告者皆死。

En ataca un armada, en aseja un site, en mata un person, on debe sabe a ante la nomes de la jeneral e sua atendores, aidores, portistes, gardores. Comanda spiores a xerca sabe los. Xerca spiores de la enemi ci veni per spia nos e tenta los, casi los, e donce oteni e usa spiores reversada. Par sua sabe, on pote oteni e usa spiores local e interna. Par sua sabe, on pote fa ce spiores mor transmete informa falsa a la enemi. Par esta sabe, on pote fa ce spiores vivente reveni a tempo.

凡軍之所欲擊，城之所欲攻，人之所欲殺；必先知其守將，左右，謁者，門者，舍人之姓名，令吾間必索知之。必索敵間之來間我者，因而利之，導而舍之，故反間可得而使也。因是而知之，故鄉間內間可得而使也；因是而知之，故死間為誑事，可使告敵；因是而知之，故生間可使如期。

La senior debe sabe esta sinco tipos de spia, e esta sabe depende de spiores reversada, donce on debe trata jenerosa spiores reversada.

五間之事，主必知之，知之必在于反間，故反間不可不厚也。

En edas antica, en la asende de la Yin, Yi Zhi ia servi la Xia; en la asende de Zhou, Lü Ya ia servi la Yin.

昔殷之興也，伊摯在夏。周之興也，呂牙在殷。

Donce, sola un renor astuta o bon jeneral pote usa inteletosas suprema como spiores per ateni cosas grande. Esta es un esensal de gera, de cual la armada intera depende e ata.

故明君賢將，能以上智為間者，必成大功，此兵之要，三軍之所恃而動也。