Atacas ensendente
Mestre Sun dise:
On ave sinco tipos de atacas ensendente:
- Arde persones
- Arde furnis
- Arde aparatos
- Arde retenerias
- Arde unias militar
Usa foco esije un causa e on debe prepara materia ensendente a ante. On ave un tempo per ensende un foco. On ave un dia per ensende un foco. La tempo es cuando la clima es seca. La dia es cuando la luna es en la desglumador, la mur, la alas o la ase. Cuando la luna es en esta cuatro constelas, la venta leva en la dia.
En atacas ensendente on debe oserva la crise causada par la focos:
- Si foco ensende en [un campa de la enemi], responde temprana a estra. Si foco ensende e sua soldatos resta calma, espeta e no ataca.
- Si foco es a sua apico, si on ave un oportun, prende lo; si no, para.
- Si foco ensende a estra, no espeta asta cuando lo estende a en. Ensende lo a la momento conveninte.
- Si foco ensende supraventa, no ataca suventa.
- Venta de dia dura longa, venta de note para.
Tota armadas debe sabe esta sinco adatas ensendente, e no oblida los.
Donce, el ci aida un ataca con foco es astuta, ma el ci aida un ataca con acua es forte car on pote usa acua per divide, ma no per catura.
El ci batalia e vinse, ataca e catura, ma no recompensa sua atacores, es desastrosa. Fortuna nomi esta un reteni perosa.
Donce on dise: Un senior astuta considera, ma la bon jeneral maneja. Sin vantaje, no move. Sin gaina, no ata. Sin peril, no combate.
Un senior debe no enscrive coler un armada. Un jeneral debe no provoca frustrada un batalia. Move si on ave un vantaje. Sin vantaje, para.
Coleria pote deveni joia denova, frustra pote deveni plaser denova. Un pais perdeda no pote esiste denova, mores no pote vive denova.
Donce un renor astuta es cauta, un bon jeneral es vijilante. Esta es la via de securi la pais e conserva la armada.