Punctuation

Daydey, Elefen sinti el scriptor chuses id punctuation, ia saul standards esend ta om clartat ed coherence. Sonti certain basic conventions, sont-ya lika in pleist Europay bahsas.

Id prest werd uns jumla dehlgiet inkape med uno majuscule.

Magn alamats

Un ordinar jumla endti med uno nukta ( . )

Sei un jumla est un directo question, endti med un alamat os suwal ( ? ).

Un alamat os taajub ( ! ) maght bihe nudt ye id end os un jumla bahn samt emotional intensitat.

Un comma ( , ) deict uno natural pause in un jumla, we biht yando includen tik-ye kay clar-ye separe uter part ios jumla ud alter. Commas bihnt yaschi nuden kay separe ia elements uns liste.

Kay scribe numers, id decimal pointo poitti bihe diken kweter med un comma au uno nukta. Adjacent grupps om tri rakems poitte bihe separet med rewsa.

Id dwinukta ( : ) introduct un jixayer presentation os quo preceddt id. Neudte uno majuscule pos un dwinukta sei quo sehkwt iti est un complete jumla, bet ne sei est tik un liste au un part os un jumla.

Id nuktacomma ( ; ) ghehdt bihe nudt vice un comma inter dwo jumlas qua angh-ye kardwne we contrabalancent mutu. Ghehdt yaschi separe ia elements uns liste quando ta sont forlonct we mathmoune ir wi commas.

Mae placet un rewos levter quem un alamat os punctuation, sontern dexter, ploisko ye id end uns paragraph

Alamats os mathal

Un alamat os mathal prehpt in- ed ab-kap werds presenten ka directa citations. Sont variat solg alamats tienxia, kam ' " ‹…› «…».

In Elefen, id forme " biht normal-ye nuden, ed sei oin citation prehpt eni alyo, ' biht placen ambh id inner citation, vidte id exemple herender. Yando, “” ed ‘’ bihnti nuden in bell typographia, bet ne sonti necessar in cadadien communication. Mae placet rewsa inter ia alamats ed id citet texte.

In sem bahsas, un dasch ( — ) prehpt medsu dialigsa quan un nov anghen bitolct, instet alamats os mathal. Recommandems vergihes to in Elefen, ob est minter clar, ed maght bihe confuden con alya neuds iom daschen.

In dialogsa, bihnt ops-ye citet ne tik-ye quel baht, sontern kamschi el wehkwt. Pro dialogsa in Elefen, beirst est place solg citation inter dascha. It ghehde bihe preservet id exact punctuation ios tienjien jumla.

• La vendor murmura – “Ma lo no es tan simple, mea ami.”
• “Me acorda.” – la om responde felis.
• “Perce tu es asi?” – la fem demanda.
• “Cisa” – la bonvolor sujesta – “me pote aida.”
• “Me ave un ami nomida Freda,” – el esplica – “ci es un tortuga.”

Sei biht scripto de bahsas ed bihti citet un werd au jumla kay udwekwne id, tik neudte alamats os mathal :

• Me gusta la parola “xuxa”.
• Sua sposa ia comenta – “Me gusta la parola ‘xuxa’.”

Alya alamats

Ia tri nuktas ( … ) deile un pause, we od sem werds buir omiss.

Dascha ( –  au  — ) kawsa perambhe commentes insern do id normal druna os un jumla.

Id apostrophe ( ' ) deict un voyel buit omitten. To normal-ye tik jinkdout in poesis.

Ia rawajensymbols (€, ¥, £, $, etc) bihnt scripta pre au pos ia rakems iom prisen, sekwent id swohd land-ons.

Alya alamats existe, yed ir usage pau depende ia grammatical reuls Elefens.