La rabi e la revoltor
Aciva ben Iosef ia nase sirca la anio 50 de la eda comun en Lidda, Judea. A la eda de 40 el ia comensa studia tora en la scola de Eliezer ben Urcano. A esta tempo, la Templo en Ieruxalim ia es ja destruida par la romanes, ci ia continua opresa la iudis.
Simeon bar Cohba ia es un gidor iudi ci ia deside ata contra la ocupa roman. El ia revive la usa secular de ivri a la ves prima, usante lo en sua comunicas con sua jenerales, ia recomensa fa mone judean, e ia repone un stato iudi en la pais. Aciva ia suporta la rebela de bar Cohba, enseniante la iudis como vive pos la reconstrui pronto de la Templo.
Ma la Templo no ia deveni reconstruida, e la rebela ia fali. La romanes ia despeli Aciva, ci ia mori disente: “Xema, Israel, Adonai Eloeinu, Adonai Ehad” (Deuteronomio 6:4 — “Oia, Israel, la Senior es nosa Dio, la Senior es Un”). Alga sajas de la talmud ia refere a bar Cohba como “bar Koziba” — fio de la menti — par causa de sua fali. Ma Aciva ia es un contribuor xef a la Mixna, cual constitui un dui de la talmud.
Demandas
- Perce Aciva ia dise acel cuando el ia mori?
- Perce bar Cohba ia vole repone un stato iudi?
- Perce bar Cohba ia revive la usa de ivri?