La om malada de ama
On ia ave un om ci ia cade en ama con un fem sposida, e ia deveni profonda malada par esta. La mediciste ia dise a la sajas, “Elo no va ave un remedia si elo no va pote fa la seso con ela.”
La sajas ia dise, “Ta ce elo mori e no fa la seso con ela.”
La mediciste ia dise, “Ta ce ela, a la min, sta nuda ante elo.”
“Ta ce elo mori e ela no sta nuda ante elo.”
La mediciste ia dise, “A la min, lasa ce elo parla con ela en cuando ela sta pos un serca.”
“Ta ce elo mori e no parla con ela pos un serca.”
Demandas
- Perce lo ta es plu bon ce la om mori?
- Esce esta nareta pertine a alga controversas moderna?
- Si la fem no ta es sposida, esce la opina de la sajas ta cambia? Esce la tua ta cambia?