Esce tua sangue es plu roja?
Un de la sajas la plu multe sitada en la talmud es Rava, ci ia vive en Persia en la sentenio tre de la eda comun. Sua disputas con Abaie es famosa, en cuales la leje iudi moderna segue Rava cuasi sempre.
A un dia, un om ia veni a ante Rava e ia dise, “Un ofisior de mea site ia comanda ce me mata algun, e si me no fa lo, el va mata me!”
Rava ia dise a el, “Lo es plu bon ce el mata tu e ce tu no mata. Esce tua sangue es plu roja ca la sangue de acel person? Cisa sua sangue es plu roja.”
Demandas
- Cua Rava ia vole dise par “esce tua sangue es plu roja”?
- Cua tu ta fa en esta situa?
- Rava ia disputa multe con Abaie. Esce tu memori du otra sajas iudi, ci ia disputa multe?