La furor ci ia deveni un saja
Reix Lacix ia es un om enorme e multe forte, ma el ia vole vera studia tora. Regretable, el ia esperia avenis difisil e ia debe deveni un gladiator per gania mone. Cuando esta no ia sufisi, el ia comensa un vive de crimin como un bandito.
A un dia el ia bani se en la rio Urdun cuando un saja grande, Rabi Ioanan, la contribuor xef a la Mixna, ia veni per clama el a retro a tora, disente, “Tua fortia es per tora!”
Lacix ia responde, “Tua belia es per femes.”
“Mea sore es an plu bela ca me,” Ioanan ia dise. “Si tu espia e dedica tu a la studia de Tora, tu pote sposi con el.”
Lacix ia aseta la proposa, deveninte un de la sajas la plu importante en la leje iudi. El e Ioanan ia deveni oposores frecuente sur la leje iudi, ma los ia ama e respeta la un la otra.
Demandas
- Como iudisme vide la rol de opinas oposante?
- Cua es la sinifia de “tua fortia es per tora”?
- Como iudisme vide la rol de espia?