Capitol 7

1 Plu bon un bon nom ca bon olio, e la dia de mor ca la dia cuando on nase. 2 Plu bon vade a la casa de dol ca vade a la casa de enebria. Car acel es la fini de cada umana—ta ce la viventes prende lo a cor. 3 Plu bon preocupa ca plaser, car par grima on felisi la cor. 4 La cor de la saja es en la casa de dol, e la cor de foles en la casa de joia. 5 Plu bon ce on oia la reproxa de la saja ca ce un om oia la canta de foles. 6 Car como la sona de spinas su la casola, tal es la rie de la fol. E esta es ance vapor. 7 Car la fruta de opresa loci la saja, e un soborna destrui la mente. 8 Plu bon la fini de un cosa ca sua comensa: plu bon pasientia ca egosia. 9 No freta en tua ru’ah per coleri, car coleria reposa en la peto de foles. 10 No dise: Perce la dias pasada ia es plu bon ca estas? Car tu no demanda esta con sajia. 11 Plu bon sajia con un erita, lo es un profita a los ci vide la sol. 12 Car sajia es un ombra como mone es un ombra, e la benefica de la sabe es ce sajia manteni sua posesores a vivente. 13 Vide la obra de Dio, car ci pote reti lo cual el ia curvi? 14 En la dia de bon fortuna, saborea la bon, e en la dia de malia, vide: Dio ia pone un contra la otra, afin un umana trova no cosa pos el. 15 Me ia vide tota cosas en la dias de mea vapor: la virtuosa morinte en sua virtuosia, e la mal vivente en sua malia. 16 No es tro virtuosa e no es tro saja. Perce tu ta es ruinada? 17 No es tro mal e no es fol. Perce tu ta mori ante tua tempo? 18 Lo es bon ce tu saisi esta, e ance de la otra no retira tua mano, car el ci teme Dio va sorti ambos. 19 Sajia forti la saja plu ca des renores en un site. 20 Car on ave no umana virtuosa sur tera ci fa bon e no ofende. 21 Ance no atende tota la parolas cual los parla afin tu no oia tua servores despetante tu. 22 Car a multe veses ance tua cor ia sabe ce tu ia despeta ance. 23 Me ia proba tota esta con sajia. Me ia dise, Ta ce me es saja, e lo ia es distante de me. 24 Distante es lo cual ia es, e profonda, profonda—ci pote trova lo? 25 Me ia turna a sirca en mea cor per sabe e per xerca e investiga sajia e calcula e per sabe malia fol e folia loco. 26 E me regarda como plu amarga ca mori la fem de ci sua cor es redes e trapas, sua manos es lias. El ci es bon ante Dio va evade el, e el va trapa un ofendor. 27 Vide, esta me ia trova ance, Cohelet ia dise: un plu un per trova un soma. 28 Me xerca ancora ma me no ia trova—me ia trova un umana entre mil, e un fem entre tota estas me no ia trova. 29 Vide, me ia trova sola esta: ce Dio ia crea umanas a reta, e los—los ia xerca multe calculas.

Capitol 7