BIBLIA
Atesta Vea —
Jenese ·
Esodo ·
Levitico ·
Numeros ·
Deuteronomio ·
Joxua ·
Judores ·
Rut ·
Samuel ·
Res ·
Cronicas ·
Ezra ·
Nehemia ·
Ester ·
Tobi ·
Judita ·
Macabeos ·
Job ·
Salmos ·
Proverbos ·
Eclesiaste ·
Canta de Cantas ·
Sajia ·
Sirac ·
Isaia ·
Jeremia ·
Lamentas ·
Baruc ·
Ezeciel ·
Daniel ·
Hoxea ·
Joel ·
Amos ·
Obadia ·
Jona ·
Mica ·
Nahum ·
Habacuc ·
Sefania ·
Hagai ·
Zecaria ·
Malaci
Atesta Nova —
Mateo ·
Marco ·
Lucas ·
Joan ·
Atas ·
Romanes ·
1 Corintianes ·
2 ·
Galatianes ·
Efesianes ·
Filipianes ·
Colosianes ·
1 Tesalonianes ·
2 ·
1 Timoteo ·
2 ·
Tito ·
Filemon ·
Ivris ·
Jacobo ·
1 Petro ·
2 ·
1 Joan ·
2 ·
3 ·
Juda ·
Apocalise
Traduida par Andrew Burns
1 Cada cosa ave un saison, e un tempo per cada conserna su la sielos.
2 Un tempo per nase e un tempo per mori.
Un tempo per planta e un tempo per desradisi la plantada.
3 Un tempo per mata e un tempo per sani.
Un tempo per destrui e un tempo per construi.
4 Un tempo per larma e un tempo per rie.
Un tempo per lamenta e un tempo per dansa.
5 Un tempo per lansa petras e un tempo per colie petras.
Un tempo per abrasa e un tempo per evita abrasa.
6 Un tempo per xerca e un tempo per perde.
Un tempo per reteni e un tempo per dejeta.
7 Un tempo per lasera e un tempo per cose.
Un tempo per silenti e un tempo per parla.
8 Un tempo per ama e un tempo per odia.
Un tempo per gera e un tempo per pas.
9 Cual benefica on ave per el ci fa en lo cual el labora?
10 Me ia vide la ocupa cual Dio ia dona a la fios de la umana per ocupa se. El ia fa tota conveninte en sua saison. 11 Ance, el ia pone eternia en sua cor sin ce la umana comprende lo cual Dio ia fa de la comensa asta la fini. 12 Me sabe ce on ave no bon cosa en lo estra diverti e saborea bon cosas en sua vive. 13 E ance cada umana ci come e bevi e saborea bon cosas en tota sua labora—esta es un donada de Dio. 14 Me sabe ce tota cual Dio fa va es per sempre. On no pote ajunta a lo e on no pote sutrae de lo. E Dio ia ata afin los teme El. 15 Lo cual ia es ja ia es, lo cual va es ia es ja, e Dio xerca la persegueda. 16 E ance, me ia vide su la sol la loca de judi—ala on ave malia, e la loca de virtuosia — ala on ave la mal. 17 Me ia dise en mea cor, “Dio va judi la virtuosa e la mal, car on ave un tempo per cada conserna e evalua cada fada. 18 Me ia dise en mea cor sur la fios de la umana, Dio ia proba los afin los vide ce los es animales.” 19 Car la destina de la fios de la umana e la destina de la animal es un sola destina. Como un mori tal la otra mori, e tota ave un sola ru’ah, la vantaje de la umana supra la animal es zero, car tota es vapor. 20 Tota vade a un sola loca. Tota ia es de la polvo e tota reveni a la polvo. 21 Ci sabe esce la ru’ah de la fios de la umana asende a supra e la ru’ah de la animal desende a su a la tera? 22 E me ia vide ce on ave no cosa plu bon ca ce la umana joia en sua labora, car acel es sua comparti, car ci pote trae el per vide lo cual va es pos el?
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 9 junio 2025 (18:42 UTC).