Capitol 5

1 Garda tua paso cuando tu vade a la casa de Dio, car comprende es plu favoreda ca la ofres de sacrifias de foles, car los no sabe an como fa mal.

2 No freta con tua boca e no lasa tua cor freta per dise un parola ante Dio, car Dio es en la sielos, e tu es sur la tera. Donce ta ce tua parolas es poca. 3 Car un sonia veni con multe ocupa e la vose de un fol con multe parla. 4 Cuando tu jura a Dio, no tardi completi lo, car on ave no plaser en foles. Lo cual tu jura—completi. 5 Plu bon ce tu no jura ca ce tu jura e no completi. 6 No lasa ce tu boca fa ce tua carne ofende, e no dise ante Dio ce lo es un era. Perce tu ta lasa ce Dio coleri par causa de tua vose e ruina la obra de tua manos. 7 Car en multe sonias on ave vapor e multe parla. Plu bon, teme Dio. 8 Si tu vide en la provinse opresa de povres e perverti de justia e virtuosia, no es stonada a la conserna, car el ci es alta ave un plu alta oservante el, e an plu alta es supra los. 9 La produidas de la tera es per tota—an la re es dependente de la campo aradida. 10 Mone no va sasia el ci ama mone, e el ci ama abunda va ave no produidas. Esta es ance vapor. 11 Cuando recolie abunda, los ci come lo abunda, e cual benefica on ave per la posesor estra vide con sua oios? 12 Dulse es la dormi de la labora egal si el come poca o multe. E la plenia de la rica no lasa ce el dormi. 13 On ave un malia maladinte cual me ia vide su la sol: ricia retenida par sua posesor a sua nose. 14 E ce ricia es perdeda par mal comersia, e el jenita un fio con no cosa en sua mano. 15 Como el ia sorti de la utero de sua madre, nuda el va reveni per parti como el ia veni, e el va porta no cosa de sua labora cual el trae en sua mano. 16 E esta es ance un malia maladinte: como el ia veni, tal el va parti, e cual benefica on ave per el ci labora per venta? 17 Ance tra tota sua dias el come en oscur, con multe preocupa e maladia e coleria. 18 Vide, me ia vide lo cual es bon: lo conveni ce el come e bevi e saborea bon cosas en tota sua labora sur cual el labora su la sol en la cuantia de dias de sua vive cual Dio ia dona a el, car esta es sua comparti. 19 Ance la umana a ci Dio ia dona ricia e posesedas e ci El ia capasi saborea lo e aseta sua comparti e joia en sua labora—esta es un donada de Dio. 20 Car el no va recorda multe de la dias de sua vive, car Dio ocupa el con la joia de sua cor.

Capitol 5