NARAS PER ENFANTES
Joan Nontemosa ·
La musicistes de Bremen ·
La tre porcos peti ·
La peti capeta roja ·
La mestre gato, o La gato con botas ·
Hansel e Gretel ·
La om de pan de jinjer ·
La bela dorminte ·
Senerela ·
La lupo e la sete capretas
Traduida par Vicente Costalago
Coretida par Simon Davies
A un ves pasada, un fem vea e un om vea ia vive en un casa vea.
Un dia, la fem vea ia deside cosini alga spesial: “Me va cosini un om de jinjer”, el ia dise.
Alora, el ia fa la om de jinjer e ia posa lo en la forno per forni. Ma, pos alga tempo, el ia escuta un vose: “Lasa me sorti!”
La fem vea ia vade a la forno e ia abri la porte.
La om de jinjer ia salta a estra! El ia core estra la casa e la du veas no ia pote segue lo.
“Atende! Nos vole come tu!”
Ma la om de jinjer ia dise: Core tan multe como vos pote, me no va para an si vos dise: per favore.
La om de jinjer ia encontra un bove fema. “Para om de de jinjer. Tu es multe invitante! - la bove fem ia dise.
Ma la om de jinjer ia core plu rapida: E el ia dise: Core tan multe como tu pote, me no va para an si tu dise per favore.
La bove fema ia core ma el no ia pote prende la om de jinjer.
En la via, el ia trova un cavalo, ci ia dise: “Para om de de jinjer. Tu es multe invitante e me es faminte!”
Ma la om de jinjer ia core plu rapida.
La cavalo ia galopa ma el no ia pote prende la om de jinjer, ci ia comensa canta: Core tan multe como tu pote, me no va para an si tu dise per favore.
La om de jinjer ia es multe contente e orgulosa. El ia trova un volpe.
- Para - la volpe ia dise. - Me vole parla con tu.
Ma la om de jinjer no ia para e ia canta: “Core tan multe como tu pote, me no va para an si tu dise per favore.”
La volpe ia segue la om de jinjer tra la bosce.
La om de jinjer ia ariva a un bosce e el no ia sabe cual fa.
La volpe ia dise: Si tu salta sur mea coda, me va porta tu a la otra riva. Tu va es seca e secur.
Alora, la om de jinjer ia salta sur la cola de la volpe, ci ia comensa nada.
Pos alga tempo, la volpe ia dise: “Tu pesa multe, per favore, salta sur mea dorso”.
E la om de jinjer ia fa lo.
La volpe ia dise: “Om de jinjer, tu pesa multe, per favore, salta sur me nas”.
E la om de jinjer ia salta sur la nas de la volpe.
Cuando los ia ariva a la riva, la volpe ia lansa la om de jinjer a la aira e la volpe ia come el.
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 22 setembre 2025 (16:45 UTC).