La lupo e la sete capretas

A un ves pasada, on ia ave un capra ci ia ave sete capretas. Totas ia es multe bela, blanca e con oios grande. Los ia es saltante tra tota la dia e juante en la erba.

Un dia, la capra madre ia dise a sua fias ce el va asenti per vade a la bosce per xerca alga per come.

- Mea fias! Escuta multe bon cual me va dise. En cuando me es a estra, vos no debe abri la porte a nun. Vos sabe ce on ave un lupo en esta bosce, con vos ronci e pedetas negra. El es multe perilosa!

- Resta calma! - la capreta la plu peti ia dise. - Nos va abri a nun.

A alga tempo pos cuando la madre ia sorti, algun ia bate la porte.

- Abri la porte, me es vosa madre.

- No - un capreta ia cria. - Tu no es nosa madre car tua ave un vose ronci. Tu es la lupo. Vade a via!

La lupo ia atenta profita de la asentia de la madre per come la capretas. Multe colerida, el ia vade a un cultiveria e ia prende alga ovos per clari sua vose. A pos, el ia reveni e ia bate la porte denova.

- Ci es? - la lupo ia escuta a la otra lado de la porte.

- Lo es me, mea fias, vosa madre!

Acel vose ta pote es la vose de sua madre, ma la capreta peti ia vole es secur.

- Nos no es secur. Mostra tua pedeta tra la ranur su la porte.

La lupo, ci ia es alga stupida, ia mostra sua pedeta e ia escuta la crias de la capretas.

- Tu es la lupo! Nosa madre ave la pedetas blanca e la tuas es oscur. Vade a via!

Denova el no ia pote engana los! La lupo ia vade a un molin prosima e ia pone sua pedetas a en farina asta ce los ia deveni blanca. El ia reveni a un ves tre.

- Ci es?

- Me es mama. Lasa me pasa - ia dise la lupo.

- Mostra tua pedeta a nos tra la ranur! - la capretas ia responde.

La lupo ia mostra sua pedeta.

- Si! El ave un vose dulse e un pedeta blanca. El es nosa madre.

La capretas ia abri la porte e la lupo ia entra. Asustada, la capretas ia atenta asconde ma la lupo ia come totas estra un, ci ia asconde en un caxon.

Cuando la capra madre ia ariva, la lupo no ia es ala. El ia trova la porte abrida e tota la casa susia. La lupo ia come sua fias! El ia comensa plora e la capreta ia sorti de la caxon e ia vade con sua madre. El ia nara cual ia aveni e como la lupo ia engana ja los.

Multe colerida, la capra madre ia prende un martel de la cosina e ia deside recovre sua fias.

La madre e la fia ia sorti per xerca la lupo. Los ia trova el dorminte. Sua stomaco ia es plenida. La madre, con tota sua fortia, ia colpa la coda de la lupo, ci ia vomita la ses capretas. El ia desapare en la bosce.

La capretas ia aprende ce los debe obedi sempre sua madre e no debe fida nonconosedas.