La musicistes de Bremen

Un asino ia es espulsada de sua casa par sua proprior, car el ia es multe vea e no ia pote labora tan multe como a ante.

Triste, el ia deside vade a Bremen per deveni musiciste.

En sua via a la site, el ia trova un can abaiante multe triste.

- Cual ia aveni, mea ami? - la asino ia demanda.
- Mea proprior ia espulsa me car el ia dise ce me es tro vea per garda la casa.
- Veni con me a Bremen. Me va deveni musiciste ala.

Ambos ia continua asta ce los ia trova un gato miauinte triste.

- Cual ia aveni, mea ami? - la asino ia demanda.
- Mea proprior ia dise ce me es tro vea per xasa muses e el ia espulsa me de sua casa.
- Veni con nos a Bremen - la can ia dise el. - On va deveni musicistes.

La tre animales ia continua sua pasea cuando los ia trova un gal cacarante triste.

- Cual ia aveni, mea ami? - la asino ia demanda.
- Mea proprior ia dise ce me es tro vea e los ia vole cosini me.
- Veni con nos a Bremen - la gato ia dise. - Nos va deveni musicistes e labora ala.

La cuatro animales ia segue sua via asta cuando los ia ariva a un bosce. Lo ia es multe tarda e, en oscuria, los ia vide un casa con lus.

Los ia regarda tra la fenetra e ia vide cuatro furores sirca un table con un banceta. La animales ia deside asusta los. La can ia salta a supra la asino; la gato ia salta a supra la can e la gal ia vola a supra la gato. Los ia comensa cria multe forte.

Cuando la furores ia sorti de la casa e ia vide un silueta tan multe rara, los ia fuji.

La animales ia deside resta en acel casa.