Hansel e Gretel

A un ves pasada, un xico nomida Hansel e sua sore nomida Gretel ia vive con sua padre e sua estramadre en un caseta prosima a la bosce.

Los ia es tan povre ce a veses los no ia ave sufisinte per come. A un dia la enfantes ia escuta sua estramadre disente a sua padre:
“Doman nos debe porta la enfantes a la profondia de la bosce e abandona los ala. Si no, nos va fami”.

Gretel ia es asustada, ma Hansel ia ave un idea. Acel note, en cuando totas ia es dorminte, el ia pleni sua poxes con calculos blanca peti.

A la matina seguente, en cuando la familia ia vade a la bosce, Hansel ia pasea plu lenta ca la otras. Cuando nun ia es vidente, el ia cade sua calculos longo la via.

Pronto cuando los ia es en la profondia de la bosce, la estramadre ia abandona la enfantes. El ia dise a los ce los debe atende asta ce algun va veni per retrae los, ma nun ia veni.

A fini la luna ia apare en la sielo. Hansel ia mostra a Gretel la calculos cual el ia cade e ia mostra la via per reveni a casa.

Cuando la enfantes ia ariva, sua padre ia es multe contente per vide los.

Ma la estramadre ia es colerida. A la dia seguente, el ia dise a la lenior ce el debe porta la enfantes a la bosce denova.

“E a esta ves, los no debe reveni a casa!”

Acel note, cuando totas ia es dorminte, Hansel ia leva per prende otra calculos denova. An tal, sua estramadre ia clui la porte e ia asconde la clave. Hansel no ia pote sorti.

A la matina seguente, la estramadre ia dona a los un peso peti de pan per come.

Hansel ia comensa pasea plu lenta. El ia cade picos de pan longo la via.

Cuando los ia ariva a la profondia de la bosce, la lenior ia ensende un foco per la enfantes. Triste, el ia dise ce los debe espera asta ce algun va retrae los.

La enfantes ia espera asta ce lo ia oscuri ma nun ia veni.

Cuando la luna ia apare, Hansel e Gretel ia xerca la picos de pan ma la avias ia come ja los!

La enfantes ia atenta sorti de la bosce ma los ia perde. Fatigada, los no ia sabe do los es. Ma los ia vide un casa fada con torta e pan de jinjer. Contente, los ia prende partes de la casa e ia comensa come.

La porte de la casa ia abri e un fem vea ia sorti.
- Alo, enfantes! - el ia dise. - Veni con me, me va dona come a vos e alga loca per dormi.

Los enfantes ia entra a en la casa e el ia dona crepes e lete a los. La enfantes, felis, no ia sabe ce el es un sorsor ci ia gusta come enfantes!

A la dia seguente, el ia obliga Gretel a limpi la solo e el ia clui Hansel en un caje. “Me vade grasosi tu e come tu!” - el ia dise.

A cada matina, la sorsor, ci ia ave un vide multe povre, ia demanda a Hansel per sua dito per vide esce el ia es plu grasosa ca la dia a ante.

Ma Hansel ia mostra un oso de galeta.

“Ancora no es sufisinte” - la sorsor ia dise.

La dias ia pasa e Hansel ia continua fa lo mesma. A fini, la sorsor ia deveni nonpasiente.

- Me no va espeta plu! Oji me va coce Hansel e come el. Gretel, ensende la forno.

Con larmas en sua oios, Gretel ia fa cual la sorsor ia dise.

Aora, asende e vide esce lo es sufisinte calda! - la sorsor ia comanda.

Ma Gretel ia descovre sua trucia. “Me no pote” - el ia dise. “Lo es tro alta per me”.

Tu pote, me ma mostra tu! - la sorsor ia dise. E, cuando la sorsor ia fa lo, Gretel ia puxa el a en la forno e ia clui la porte.

Cuando Gretel ia es serta ce la sorsor ia mori, el ia desclavi la caje de Hansel.

“Libre” - los ia dise. “Nos es libre”.

Ambos ia xerca la casa de la sorsor e ia trova caxones con perlas e monetas de oro.

Nos debe porta esta con nos e mostra a papa - Hansel ia dise.

Cuando la enfantes ia sorti, un pijon blanca ia es volante en dirije a la casa. Sua padre ia es multe contente cuando los ia ariva.

“Vosa estramadre ja no es asi! - el ia dise. “E el no va reveni”.

Cuando el ia vide la perlas, el no ia pote crede lo. “Nos es rica!”