Mecamute
Presenta
Alo! Me es Ron! Me es brasilera, programor e musiciste.
Me ave un desira grande de fa alga cosa, ma me no sabe cua. Me ave sola esta desira cual no sorti de me. Me ia atenta ja aprende multe linguas, aprende programi, aprende un strumento musical, dansa, parla bon, scrive, solve cubo de Rubik, canta, jogla, repara computadores, etc. La lista es multe longa per scrive cada cosa asi. Aora me atenta sasia esta desira aprendente elefen.
Me es un comensor, donce me fa ancora multe eras. Me studia a cada dia, lejente la gramatica, scrivente sur mea dia e traduinte testos a elefen. Fortunosa esta va es sufisinte per aprende bon elefen e deveni un parlor fluente.
Projetas
Mea gol xef es crea contenida per elefen. Me vole es usosa. Mea projeta prima es tradui novas. Me ia crea un canal en Telegram e me atenta publici un o du novas peti per semana. La nom de la canal es La Novas En Elefen. O, e me gusta ance scrive naretas. π
Sur mea contribuis
Nonfortunosa me pote no plu contribui a la vici par causa de mea labora, cual consuma multe de mea tempo. Cisa en la futur me va es capas continua la novas, la tradui de cantas e la crea de projetas nova. Elefen es ancora un amato, donce me intende continua la studia cuando me ave tempo.
Mesajes
Novas en elefen
Alo, Ron. Tua novas en elefen es multe bon fada. Lodas! A alga anios ante aora, me ia fa un serie simil. Un idea: tu ta posta tua articles en acel serie, si tu vole. β Simon 2025/02/01 16:38
- Aora pos aora oji π β vxeov 2025/02/01 18:32
- Alora doman! Novas de la futurβ¦ β Simon 2025/02/01 18:48
- Un sujesta de William Morris: Novas de Nolocaβ¦ β Mixel 2025/02/01 19:02
- Noloca es prosima a la Isola Franca, cisaβ¦ β Simon 2025/02/01 19:55
- Multe probable alga de sua isoletas, plu conoseda par sua nom elinica Ξα½ΟΞΏΟΞ―Ξ±. β Mixel 2025/02/02 09:08
- Grasias per la parolas, Simon! Lo ta es un onora multe grande continua Aora oji. Me aseta tua ofre, ma aora me va continua mea studias. En la futur me crede ce me va ave capasia de continua lo! β Ron 2025/02/03
- Alo! Me es felis ce vos ia gusta la novas! Me ia desida para la scrive de novas per aora. Me vole aprende plu elefen afin me ave capasia sufisinte per scrive sin era multe. Me sempre envia mea testos a un ami cual parla bon elefen, e el sempre aida me par coretis. En ajunta, par causa de mea manca de conose, me nesesa multe tempo per scrive multe poca. Donce me pensa ce aora es la tempo de studia un pico plu en loca de scrive. Cisa en un o du menses me va reveni. Grasias a tota de vos per la parolas bon! Me gusta multe la comunia de elefen! π β Ron 2025/02/03
Disionario
- Me felisi ce tu aumenta la traduis portuges de nosa disionario! Per aora, sola la partes engles, esperanto, franses e italian es completida. β Mixel 2025/06/04 17:57
- Grasias, Mixel! Me aprende ancora surfa la vici. Me ia proba ajunta alga traduis a la disionario. Aora ce me comprende plu bon, me intende tradui un pico a cada ves. A, e en ajunta, me gusta tua musicas! Me ia escuta multe de los! :) β Ron 2025/06/04 15:11 - (UTC-3)
Canta
- π No esita, ance tu, rejistra cantas. Me senti pico solitar. π β Mixel 2025/06/05 17:23
- Me ia crea e ia rejistra un canta, ma me no ia publici ancora lo. Lo es multe nonprofesal. Ma me ia ave la coraje de envia lo a la servador de elefen en Discord cual es nomida La taverna de elefen. En mea computador, me ave alga traduidas de cantas cual me gusta multe. An si me es un studiante vea de canta, me no canta ancora multe bon. Ma cisa en un futur prosima, cuando mea capasias en esta campo boni, me ta pote rejistra e publici los, esce si? β Ron 2025/06/06 17:03
- Un nova eselente! β Mixel 2025/06/06 17:24