Novas en Elefen
Corea Sude eleje un presidente nova
Oras pos gania la presidentia de Corea Sude, Lee Jae-myung ia promete “uni la popla” en sua parla inaugural.
Aora ce lo ave la ofisia la plu alta, Lee fasa la taxe temable de no sola uni la pais, ma entra en un ecuilibra con sua alia la plu importante, la SUA, cual es governada par la presidente Trump.
El ance ia promete construi un “governa flexable e pratical”, e ia anunsia ce un grupo de labora economial ta es “ativida sin retarda”.
La parlor de la Asembla Nasional, Woo Won-shik, ia dise ce la resulta ia es “un refleta justa de la vole de la popla” e “un espresa clar de la intende de la persones”.
Esta ia es en acorda con la opina de Park Sung-min, la presidente de Consulteria Min, ci ia dise ce “la votores no ia espresa un suporta firma a la ideas de Lee - ma los ia responde a lo cual los ia regarda como un rompe de democratia. La eleje ia deveni un veculo per espresa coleria… e lo ia es un reproxa clar a la partito governal pasada, cual ia es complis o direta encargada par la atas de lege militar,” el ia dise.
Ma cuando la selebra desapare, Lee va debe fase un realia descorajinte. Prima, el ancora luta contra un litiga en la corte suprema sur acusas de viola de leges de eleje. La corte ia pospone la litiga asta la fini de la eleje per evita interfere, car un condena ta impedi Lee de compete.
Lo no es clar cua va aveni a Lee si lo es culpable, an si la lege dise ce un presidente corente no pote es acusada par ofendes criminal, con eseta de rebela o tradi.
Alora esta es la clima political cual Lee preside - esperante cambia la furia de la popla a espera. Como e cuando el pote fa acel es un demanda de cual la responde va es cauta atendeda.
Fonte: https://www.bbc.com/news/articles/cq549p1yd2eo
Data de publici: 04/06/2025
Veo 3, la model nova de IA de Google
Veo 3 es la model de jenera de video de IA la plu nova de Google. Lo ia es anunsiada en Google I/O 2025. Lo muta testos o imajes a videos de defini alta, tota esta con integra nativa de audio. Esta sinifia ce Veo 3 pote jenera dialoga sincrona, sonas de ambiente, e musica de fondo, produinte clipes cual pare vera real.
Veo 3 trae alga cosa cual pare fundal nova: un video coerente e con audio, cual es creada par comandas de linguaje natural. Esta cosa solitar separa lo de tota otra utiles en la comersia corente.
Serta lo no es perfeta — devia de comandas, manca de asede completa a alga utiles, e defetos acaso de imaje — ma la esperia esensal es sinsera stimulante.
La cosa cual es la plu notable es como prosima Veo 3 es de un util creosa usable. Con un pico de edita e comandas atendosa, on pote vade de un idea a un projeta peti en poca oras. Si on ajunta coere de carateres e suporta a modos modulal de labora, on va ave un util seria.
Fonte: https://www.datacamp.com/tutorial/veo-3
Data de publici: 02/06/2025
DeepSeek ia es la ap la plu descargada en SUA.
La capasias grande de DeepSeek ia atrae la atende de la popla. DeepSeek ia mostra un resulta eselente, e lo ia publici otra modeles cual es tan bon como la modeles de companias de la Ueste, como Anthropic, OpenAI, Meta e Google.
Longo AppFigures, cual es un compania de analise de apes, pos la publici de la model de conversa de DeepSeek a la media de janero, on ia descarga la ap a plu ca 1.2 milion veses en PlayStore e 1.9 milion veses en AppStore.
La ap de DeepSeek es esensal un alternativa de ChatGPT. On pote usa la robot per analise arcivos, responde demandas, e xerca en la ueb. La ap es sin custa e lo lasa ce on carga arcivos e sincroni istorias de conversa en otra aparatos.
La compania xines alega ce sua modeles de IA ia aprende per un frato de la custa de otra modeles como los de OpenAI e Meta, e los usa microtelias min bon ca la modeles de esta otra companias.
Fonte: TechCrunch
Brad Pitt de inteleto artifis ia engana un fem franses
Un fem franses ia ave un perde de €830 000 par furores ci ia finje es la ator Brad Pitt. La fem ia sufri un burla grande, cual ia fa ce la difusa de televisa franses ia estrae la raconta sur la fem de la program.
La program de ora favoreda ia atrae atende nasional per Anne, un desinior de interna ci ave 53 anios. El ia pensa ce el es en un relata con Brad Pitt tra un anio e un dui.
“Como un fol me ia paia… A cada ves ce me ia duta el, el ia es capas de elimina mea dutas,” la fem ia dise.
La demandas per mone ia crese cuando la Brad Pitt falsa ia dise a Anne ce el nesesa la mone per paia per un trata de canser de ren. Per convinse la fem, el ia envia imajes multiple e creada par IA, cual ia mostra Brad Pitt en un leto de ospital. “Me ia xerca la imajes en la interede, ma me ia pote trova los en no loca, donce me ia pensa ce el ia prende vera acel selfis per me sola,” la fem ia dise.
Fonte: BBC News
Oxford ia eleje “putri serebral” como la parola de la anio 2024
Ma perce “putri serebral”?
“Putri serebral” es definida como “la ‘putri’ suposada de la state mental o inteletal de un person, spesial parlante sur la resulta de la consuma esedente de contenida (spesial la contenida enlinia) considerada trivial o nondifisil”.
Aora on ave un conversa plu importante cual gania reconose: la efeto negativa posible cual esta consuma esedente de contenida pote ave en la sana mental, spesial sur enfantes e persones joven. Resente, un sentro de sana mental en SUA ia publici enlinia conselas sur como reconose e evita la “putri serebral”.
La terma ia reseta un sinifia nova en la eda dijital, xef en la anio de 2024. El ia reseta reconose en la medias sosial, an plu en TikTok, entre la comunia de la jenera Z e Alfa. “Putri serebral” gania usa, per esemplo, en jornalisme profesal, e ance entre conversas sosial sur la efeto negativa de la consuma intensa de contenida enlinia.
Juante xace con la serebro
En un difusa direta en X, la pasiente Noland Arbaugh ia esplica ce el ia jua un max de xace enlinia usante un aparato en sua serebro per move la cursor.
El ia apare en un video a lado de Bliss Chapman, ci es un xef de program de interfas serebral. Noland ia responde alga demandas sur como la tecnolojia ia opera, per esemplo ce el nesesa “imajina la cursor movente”.
La om de 29 anios ia dise ce el ia deveni paraliseda de la spala asta la pede pos un asidente de tufa. El ia dise ce la aparato Neuralink ia es intuosa e sua esperia usante lo ia es “savaje”.