Cantas

Coretis es sempre bonvenidas! Me atenta tradui e rejistra cantas, donce me ta gusta multe ce algun coreti los. Me intende rejistra los sola cuando me ave a la min un comenta atestante ce la traduida es asetable.

Comentas

Mea plaser

• Tota es bon, en mea opina. Cisa, me ia ta dise “en veria” plu ca “en vera”, ma lo no es disturbante. Tu pote ajunta la testo orijinal, pos tua tradui, entre la marcas <WRAP orijinal> e <\∕WRAP> — Mixel 2025/06/07 17:13
• Bon! Me ia fa la ajusta peti. Vera, “en veria” es plu bon ca “en vera”. 🙂 — Ron 2025/06/09 17:53

Mea respira

• Tota pare bon, ance. Me no comprende bon la verso “Tua intende fada a me.”, ma cisa lo es tal en portuges. Simil, tu pote ajunta la testo orijinal entre <WRAP orijinal> e <\∕WRAP> — Mixel 2025/06/07 17:13
• En la orijinal on ave alga como “tua vole realida en me”. Ma me no ia es capas fa ce esta serie de silabas caxi bon con la orijinal, ma me pote tradui lo en esta modo, si on ave no otra modo. Cua on pote fa en esta caso? Plu, me no ia es capas usa <WRAP orijinal> e <\∕WRAP>. Lo destrui completa la paje, haha. Cisa me atenta usa noncoreta lo. Esce tu pote ajunta la testo orijinal entre esta eticetas afin me vide como los es usada? — Ron 2025/06/09 17:53
• Serta. Lo va es usosa cuando tu va pone tua canta en la parte “leteratur” de nosa vici. Cisa me pote crea esta paje per tu. Tal, tu va ave un model. — Mixel 2025/06/09 18:06
• Me veni de crea la pajes de tua du cantas, en la vici e me ia publici los en pajes html do cadun pote asede los:
  1. Mea plaser en la vici
  2. https://elefen.org/leteratur/mea_plaser.html en la pajes html
  3. Mea respira en la vici
  4. https://elefen.org/leteraturmea_respira.html en la pajes html

Cuando tu ia crea la paje en la vici, tu pote publici lo, par la paje de publici https://elefen.org/vici/utiles/xef Me espera ce tota es clar. No esita demanda. — Mixel 2025/06/09 18:36

Mea plaser

En spirito e en veria,
Nos adora tu,
Nos adora tu.
En spirito, e en veria
Nos adora tu,
Nos adora tu.

Re de la res e Senior,
Nos ofre a tu nosa vive.
Re de la res e Senior,
Nos ofre a tu nosa vive.

Per adora tu, o Re de la res,
Me ia nase, o Re Jesus.
Mea plaser es loda tu.
Plasente es resta con tu
En la atrios de la Senior.

Mea plaser es vive
En la casa de Dio,
Do flue la ama.

En spirito e en veria,
Nos adora tu,
Nos adora tu.
En spirito, e en veria
Nos adora tu,
Nos adora tu.

Re de la res e Senior,
Nos ofre a tu nosa vive.
Re de la res e Senior,
Nos ofre a tu nosa vive.

Per adora tu, o Re de la res,
Me ia nase, o Re Jesus.
Mea plaser es loda tu.
Plasente es resta con tu
En la atrios de la Senior.

Mea plaser es vive
En la casa de Dio,
Do flue la ama.

Per adora tu, o Re de la res,
Me ia nase, o Re Jesus.
Mea plaser es loda tu.
Plasente es resta con tu
En la atrios de la Senior.

Mea plaser es vive
En la casa de Dio,
Do flue la ama.

Mea respira

Lo es mea respira,
Lo es mea respira:
Tua Spirito vivente en me.

E esta es mea pan,
E esta es mea pan:
Tua intende fada a me.

E me, me es no cosa sin Tu.
E me, me es perdeda sin Tu.

Lo es mea respira,
Lo es mea respira:
Tua Spirito vivente en me.

E esta es mea pan,
E esta es mea pan:
Tua intende fada a me.

E me, me es no cosa sin Tu.
E me, me es perdeda sin Tu.
E me, me es no cosa sin Tu.
E me, me es perdeda sin Tu.