BIBLIA
Atesta Vea — Jenese · Esodo · Levitico · Numeros · Deuteronomio · Joxua · Judores · Rut · Samuel · Res · Cronicas · Ezra · Nehemia · Ester · Tobi · Judita · Macabeos · Job · Salmos · Proverbos · Eclesiaste · Canta de Cantas · Sajia · Sirac · Isaia · Jeremia · Lamentas · Baruc · Ezeciel · Daniel · Hoxea · Joel · Amos · Obadia · Jona · Mica · Nahum · Habacuc · Sefania · Hagai · Zecaria · Malaci
Atesta Nova — Mateo · Marco · Lucas · Joan · Atas · Romanes · 1 Corintianes · 2 · Galatianes · Efesianes · Filipianes · Colosianes · 1 Tesalonianes · 2 · 1 Timoteo · 2 · Tito · Filemon · Ivris · Jacobo · 1 Petro · 2 · 1 Joan · 2 · 3 · Juda · Apocalise

Evanjelio de San Mateo
1 · 2 · 3 · 4 · 5 · 6 · 7 · 8 · 9 · 10 · 11 · 12 · 13 · 14 · 15 · 16 · 17 · 18 · 19 · 20 · 21 · 22 · 23 · 24 · 25 · 26 · 27 · 28

Mateo 6

Traduida par Chabi

Es atendente ce vos no mostra carita ante otra persones per es videda par los; si tal, vos no va reseta tu recompensa de vos Padre ce es in sielo.
Donce, cuando tu mostra carita, no sona un trompeta ante tu, como la ipocritas en la sinagoga e en la ruas per reseta la gloria de umanas. Vera me dise a vos, los va ave sua recompensa.
Ma cuanto tu mostra carita, no permete ce tua mano sinistra sabe cua tua mano destra fa,
Afin tua carita ta es en secreta; e tua Padre ci vide en secreta, El va recompensa tu.
E cuando tu prea, no es como la ipocritas. Los gusta prea stante en la sinagogas e a la cantos de la ruas, per es videda par persones. Vera me dise a vos, los ave sua recompensa.
Ma cuando tu prea, entra a tu saleta e, cuando tu ia clui la porte, prea a tua Padre ci es en secreta; e tua Padre ci vide tu en secreta va recompensa tu.
Ma cuando tu prea, no usa repetes vana como la paganes, car los pensa ce los es oiada cuando los parla multe.
Donce no es como los, car tua Padre sabe cua tu nesesa ante ce tu demanda de El.
En esta modo prea:
Nosa Padre, ci es en sielo,
santa es tua nom.
Tua rena veni.
Tua vole es fada,
en tera como en sielo.
Dona oji nosa pan dial.
Pardona nosa detas,
como nos pardona nosa detores.
E no gida nos a tenta,
ma proteje nos de malia.
Car de tu es la rena, e la potia, e la gloria per tota tempo. Amen.
Car si vos pardona a umanas sua ofendes, vosa Padre en sielo va pardona vos ance.
Ma si vos no pardona a umanas sua ofendes, vosa Padre no va pardona vos.
Plu, cuando tu juna, no dona un fas triste, como la ipocritas. Car los malformi sua fases per pare juna a umanas. Vera me dise a tu, los ave sua recompensa.
Ma tu, cuando tu juna, pone unjente a tua testa e lava tua fas,
Car tu no nesesa pare juna a persones, ma a tua Padre en secreta; e tua Padre, ci vide en secreta, va recompensa tu.
No reserva tesoros per vos mesma en la tera, do la papilios de note e la osidi ruina, e do la furores entra e fura;
Ma reserva tresoros per vos mesma en sielo, do no papilios de note e no osidi ruina, e do la furores no entra no fura.
Car do vosa tesoro es, do es vosa cor ance.
La lus de la corpo es la oio. Donce, si tua oio es bon, tota tua corpo va es plen de lus.
Ma si tua oio es mal, tota tua corpo va es plen de oscuria. Donce, si la lus cual es en tu es oscur, tan grande es esta oscuria!
No person pote servi du mestres; car el va odia la un e ama la otra, o el va manteni la un e despeta la otra. Vos no pote servi ambos de Dio e Mamon (ricia).
Donce me dise a vos, no pensa de vosa vive, de cua tu va come o cua tu va bevi, no ance de tua corpo, cua tu va porta. Esce la vive no es plu ca carne, e la corpo plu ca vestes?
Vide la avias de la aira: los no semi e no recolie; e ance tu Padre en sielo nuri los. Esce vos no es plu bon ca los?
Ci de vos, par pensa, pote ajunta un codo de longia a sua altia?
E perce vos pensa de vestes? Considera la liles de la campo, como los crese. Los no labora e no tese,
Ma vera me dise a tu ce an no Solomon en tota sua gloria ia es vestida como un de los.
Donce, si Dio en esta modo vesti la erba de la campo, cual es oji asi e es lansada doman en la forno, esce El no vesti vos multe plu, vos de poca fida?
Donce no pensa “Cua nos va come?” o “Cua nos va beve?” o “Cua nos va porta?”
(La paganes xerca tota esta cosas.) Tua padre en sielo sabe ce vos nesesa tota esta cosas.
Ma xerca prima la rena de Dio e Sua justia, e tota esta cosas va es donada a vos.
No pensa de doman, car doman va pensa de se mesma. Bastante per alga dia es la malia de la dia.

Traduida par Simon Davies de la testo elinica

Instruis sur dona

1. «E atende no fa vosa atas justa ante la popla per es videda par lo; ma si tal, vos ave no recompensa de tua Padre.

Προσέχετε δὲ τὴν δικαιοσύνην ὑμῶν μὴ ποιεῖν ἔμπροσθεν τῶν ἀνθρώπων πρὸς τὸ θεαθῆναι αὐτοῖς· εἰ δὲ μή, μισθὸν οὐκ ἔχετε παρὰ τῷ Πατρὶ ὑμῶν τῷ ἐν τοῖς οὐρανοῖς.

2. Donce cuando tu ta fa carita, no sona un trompeta ante tu, como la ipocritas fa en la sinagogas e en la stradas, afin los ta es glorida par la popla. Vera me dise a vos, los ave lor recompensa.

Ὅταν οὖν ποιῇς ἐλεημοσύνην, μὴ σαλπίσῃς ἔμπροσθέν σου, ὥσπερ οἱ ὑποκριταὶ ποιοῦσιν ἐν ταῖς συναγωγαῖς καὶ ἐν ταῖς ῥύμαις, ὅπως δοξασθῶσιν ὑπὸ τῶν ἀνθρώπων. ἀμὴν λέγω ὑμῖν, ἀπέχουσιν τὸν μισθὸν αὐτῶν.

3. Ma cuando tu fa carita, ta ce tua mano sinistra no sabe lo cual tua destra fa,

σοῦ δὲ ποιοῦντος ἐλεημοσύνην, μὴ γνώτω ἡ ἀριστερά σου τί ποιεῖ ἡ δεξιά σου,

4. afin tua carita ta es en secreta. E tua Padre, vidente en secreta, va recompensa tu.

ὅπως ᾖ σου ἡ ἐλεημοσύνη ἐν τῷ κρυπτῷ. καὶ ὁ Πατήρ σου, ὁ βλέπων ἐν τῷ κρυπτῷ, ἀποδώσει σοι.

La prea de la Senior

5. E cuando vos ta prea, no es como la ipocritas, car los gusta prea stante en la sinagogas e a la cantos de la stradas, afin los ta es videda par la popla. Vera me dise a vos, los ave lor recompensa.

Καὶ ὅταν προσεύχησθε, οὐκ ἔσεσθε ὡς οἱ ὑποκριταί, ὅτι φιλοῦσιν ἐν ταῖς συναγωγαῖς καὶ ἐν ταῖς γωνίαις τῶν πλατειῶν ἑστῶτες προσεύχεσθαι, ὅπως φανῶσιν τοῖς ἀνθρώποις. ἀμὴν λέγω ὑμῖν, ἀπέχουσιν τὸν μισθὸν αὐτῶν.

6. Ma cuando tu ta prea, entra a tua saleta, e cluinte tua porte, prea a tua Padre, a el en secreta. E tua Padre, vidente en secreta, va recompensa tu.

σὺ δὲ, ὅταν προσεύχῃ, εἴσελθε εἰς τὸ ταμεῖόν σου, καὶ κλείσας τὴν θύραν σου, πρόσευξαι τῷ Πατρί σου, τῷ ἐν τῷ κρυπτῷ. καὶ ὁ Πατήρ σου, ὁ βλέπων ἐν τῷ κρυπτῷ, ἀποδώσει σοι.

7. E preante no babela como la paganes, car los pensa ce en lor parlosia los va es oiada.

Προσευχόμενοι δὲ μὴ βατταλογήσητε, ὥσπερ οἱ ἐθνικοί, δοκοῦσιν γὰρ ὅτι ἐν τῇ πολυλογίᾳ αὐτῶν εἰσακουσθήσονται.

8. Donce no es simil a los, car Dio vosa Padre sabe cua vos nesesa, ante ce vos demanda de el.

μὴ οὖν ὁμοιωθῆτε αὐτοῖς, οἶδεν γὰρ ὁ θεὸς ὁ Πατὴρ ὑμῶν ὧν χρείαν ἔχετε, πρὸ τοῦ ὑμᾶς αἰτῆσαι αὐτόν.

9. Donce prea en esta modo: Nosa Padre, ci es en la sielos, Ta ce on santi tua nom.

Οὕτως οὖν προσεύχεσθε ὑμεῖς: Πάτερ ἡμῶν, ὁ ἐν τοῖς οὐρανοῖς, Ἁγιασθήτω τὸ ὄνομά σου.

10. Ta ce tua rena veni; Ta ce tua vole es fada, Como en la sielo, tal ance sur la tera.

Ἐλθέτω* ἡ βασιλεία σου· Γενηθήτω τὸ θέλημά σου, Ὡς ἐν οὐρανῷ, καὶ ἐπὶ γῆς.

11. Dona nosa pan sufisinte a nos oji.

Τὸν ἄρτον ἡμῶν τὸν ἐπιούσιον δὸς ἡμῖν σήμερον.

12. E pardona a nos nosa detas, Como ance nos pardona nosa detores;

Καὶ ἄφες ἡμῖν τὰ ὀφειλήματα ἡμῶν, Ὡς καὶ ἡμεῖς ἀφήκαμεν τοῖς ὀφειλέταις ἡμῶν·

13. E no gida nos a tenta, Ma salva nos de malia. Car tua es la rena e la potia e la gloria per la edas. Amen.

Καὶ μὴ εἰσενέγκῃς ἡμᾶς εἰς πειρασμόν, Ἀλλὰ ῥῦσαι ἡμᾶς ἀπὸ τοῦ πονηροῦ. Ὅτι σοῦ ἐστιν ἡ βασιλεία καὶ ἡ δύναμις καὶ ἡ δόξα εἰς τοὺς αἰῶνας. Ἀμήν.

14. Car si vos pardona a persones lor pecas, vosa Padre de sielo va pardona ance vos.

Ἐὰν γὰρ ἀφῆτε τοῖς ἀνθρώποις τὰ παραπτώματα αὐτῶν, ἀφήσει καὶ ὑμῖν ὁ Πατὴρ ὑμῶν ὁ οὐράνιος.

15. Ma si vos no pardona a persones lor pecas, ance vosa Padre no va pardona a vos vosa pecas.

ἐὰν δὲ μὴ ἀφῆτε τοῖς ἀνθρώποις (τὰ παραπτώματα αὐτῶν), οὐδὲ ὁ Πατὴρ ὑμῶν ἀφήσει τὰ παραπτώματα ὑμῶν.

Juna conveninte

16. E cuando vos ta juna, no es como la ipocritas, triste de fas; car los susi sua fases afin los ta pare junante a la popla. Vera me dise a vos, los ave lor recompensa.

Ὅταν δὲ νηστεύητε, μὴ γίνεσθε ὡς οἱ ὑποκριταὶ, σκυθρωποί· ἀφανίζουσιν γὰρ τὰ πρόσωπα αὐτῶν, ὅπως φανῶσιν τοῖς ἀνθρώποις νηστεύοντες. ἀμὴν λέγω ὑμῖν, ἀπέχουσιν τὸν μισθὸν αὐτῶν.

17. Ma tu, junante, ta unje tua testa e lava tua fas,

σὺ δὲ, νηστεύων, ἄλειψαί σου τὴν κεφαλὴν καὶ τὸ πρόσωπόν σου νίψαι,

18. afin tu no ta pare junante a la popla, ma a tua Padre en secreta; e tua Padre, vidente en secreta, va recompensa tu.

ὅπως μὴ φανῇς τοῖς ἀνθρώποις νηστεύων, ἀλλὰ τῷ Πατρί σου τῷ ἐν τῷ κρυφαίῳ· καὶ ὁ Πατήρ σου, ὁ βλέπων ἐν τῷ κρυφαίῳ, ἀποδώσει σοι.

Tesoros en la sielo

19. No reserva per vos tesoros sur la tera, do tinia e corode consuma, e do furores entra forsante e fura;

Μὴ θησαυρίζετε ὑμῖν θησαυροὺς ἐπὶ τῆς γῆς, ὅπου σὴς καὶ βρῶσις ἀφανίζει, καὶ ὅπου κλέπται διορύσσουσιν καὶ κλέπτουσιν·

20. ma reserva per vos tesoros en sielo, do no tinia e no corode consuma, e do furores no entra forsante e fura.

θησαυρίζετε δὲ ὑμῖν θησαυροὺς ἐν οὐρανῷ, ὅπου οὔτε σὴς οὔτε βρῶσις ἀφανίζει, καὶ ὅπου κλέπται οὐ διορύσσουσιν οὐδὲ κλέπτουσιν.

21. Car do tua tesoro es, ala es ance tua cor.

ὅπου γάρ ἐστιν ὁ θησαυρός σου, ἐκεῖ ἔσται καὶ ἡ καρδία σου.

La lampa de la corpo

22. La lampa de la corpo es la oio. Donce si tua oio es sana, tua corpo intera va es plen de lus.

Ὁ λύχνος τοῦ σώματός ἐστιν ὁ ὀφθαλμός. ἐὰν οὖν ᾖ ὁ ὀφθαλμός σου ἁπλοῦς, ὅλον τὸ σῶμά σου φωτεινὸν ἔσται.

23. Ma si tua oio es malada, tua corpo intera va es plen de oscuria. Donce si la lus en tu es oscur, la oscuria es tan grande.

ἐὰν δὲ ὁ ὀφθαλμός σου πονηρὸς ᾖ, ὅλον τὸ σῶμά σου σκοτεινὸν ἔσται. εἰ οὖν τὸ φῶς τὸ ἐν σοὶ σκότος ἐστίν, τὸ σκότος πόσον.

24. Nun pote servi du mestres; car o el va odia la un, e va ama la otra; o el va cura la un, e va despeta la otra. Vos no pote servi Dio, e ricia.

Οὐδεὶς δύναται δυσὶ κυρίοις δουλεύειν· ἢ γὰρ τὸν ἕνα μισήσει, καὶ τὸν ἕτερον ἀγαπήσει· ἢ ἑνὸς ἀνθέξεται, καὶ τοῦ ἑτέρου καταφρονήσει. οὐ δύνασθε Θεῷ δουλεύειν, καὶ μαμωνᾷ.

No ansia

25. Par esta causa me dise a vos, no ansia sur vosa vive, cua vos ta come o cua vos ta bevi; e no sur vosa corpo, cua vos ta apone. Esce la vive no es plu ca comedas, e la corpo ca vestes?

Διὰ τοῦτο λέγω ὑμῖν, μὴ μεριμνᾶτε τῇ ψυχῇ ὑμῶν, τί φάγητε ἢ τί πίητε· μηδὲ τῷ σώματι ὑμῶν, τί ἐνδύσησθε. οὐχὶ ἡ ψυχὴ πλεῖόν ἐστιν τῆς τροφῆς, καὶ τὸ σῶμα τοῦ ἐνδύματος;

26. Regarda la avias de la sielo, ce los no semi, e no recolie, e no trae a granerias – e vosa Padre de sielo nuri los. Esce vos no suprapasa los?

ἐμβλέψατε εἰς τὰ πετεινὰ τοῦ οὐρανοῦ, ὅτι οὐ σπείρουσιν, οὐδὲ θερίζουσιν, οὐδὲ συνάγουσιν εἰς ἀποθήκας – καὶ ὁ Πατὴρ ὑμῶν ὁ οὐράνιος τρέφει αὐτά. οὐχ ὑμεῖς μᾶλλον διαφέρετε αὐτῶν?

27. E ci de vos pote, ansiante, ajunta a sua eda un codo?

τίς δὲ ἐξ ὑμῶν μεριμνῶν δύναται προσθεῖναι ἐπὶ τὴν ἡλικίαν αὐτοῦ πῆχυν ἕνα?

28. E sur vestes perce vos ansia? Comprende la liles de la campo, como los crese: los no labora e no tese.

Καὶ περὶ ἐνδύματος τί μεριμνᾶτε? καταμάθετε τὰ κρίνα τοῦ ἀγροῦ, πῶς αὐξάνουσιν: οὐ κοπιῶσιν οὐδὲ νήθουσιν.

29. Ma me dise a vos ce an no Solomon en tota sua gloria ia es ornada como un de estas.

λέγω δὲ ὑμῖν ὅτι οὐδὲ Σολομὼν ἐν πάσῃ τῇ δόξῃ αὐτοῦ περιεβάλετο ὡς ἓν τούτων.

30. E si Dio vesti tal la erba de la campo, oji esistente, e doman lansada a la forno, esce el no fa multe plu per vos, poca fidosas?

εἰ δὲ τὸν χόρτον τοῦ ἀγροῦ, σήμερον ὄντα, καὶ αὔριον εἰς κλίβανον βαλλόμενον, ὁ Θεὸς οὕτως ἀμφιέννυσιν, οὐ πολλῷ μᾶλλον ὑμᾶς, ὀλιγόπιστοι?

31. Donce no ansia, disente, Cua nos va come? o Cua nos va bevi? o Cua nos va apone?

Μὴ οὖν μεριμνήσητε, λέγοντες, Τί φάγωμεν? ἤ Τί πίωμεν? ἤ Τί περιβαλώμεθα?

32. Car la paganes desira tota esta cosas; car vosa Padre de sielo sabe ce vos nesesa tota de los.

πάντα γὰρ ταῦτα τὰ ἔθνη ἐπιζητοῦσιν· οἶδεν γὰρ ὁ Πατὴρ ὑμῶν ὁ οὐράνιος ὅτι χρῄζετε τούτων ἁπάντων.

33. Ma xerca prima la rena de Dio e sua justia, e tota esta cosas va es ajuntada a vos.

ζητεῖτε δὲ πρῶτον τὴν βασιλείαν τοῦ θεοῦ καὶ τὴν δικαιοσύνην αὐτοῦ, καὶ ταῦτα πάντα προστεθήσεται ὑμῖν.

34. Donce no ansia sur doman, car doman va ansia sur se. Sufisinte per la dia es sua malia.»

Μὴ οὖν μεριμνήσητε εἰς τὴν αὔριον, ἡ γὰρ αὔριον μεριμνήσει ἑαυτῆς. ἀρκετὸν τῇ ἡμέρᾳ ἡ κακία αὐτῆς.