BIBLIA
Atesta Vea — Jenese · Esodo · Levitico · Numeros · Deuteronomio · Joxua · Judores · Rut · Samuel · Res · Cronicas · Ezra · Nehemia · Ester · Tobi · Judita · Macabeos · Job · Salmos · Proverbos · Eclesiaste · Canta de Cantas · Sajia · Sirac · Isaia · Jeremia · Lamentas · Baruc · Ezeciel · Daniel · Hoxea · Joel · Amos · Obadia · Jona · Mica · Nahum · Habacuc · Sefania · Hagai · Zecaria · Malaci
Atesta Nova — Mateo · Marco · Lucas · Joan · Atas · Romanes · 1 Corintianes · 2 · Galatianes · Efesianes · Filipianes · Colosianes · 1 Tesalonianes · 2 · 1 Timoteo · 2 · Tito · Filemon · Ivris · Jacobo · 1 Petro · 2 · 1 Joan · 2 · 3 · Juda · Apocalise

Evanjelio de San Mateo
1 · 2 · 3 · 4 · 5 · 6 · 7 · 8 · 9 · 10 · 11 · 12 · 13 · 14 · 15 · 16 · 17 · 18 · 19 · 20 · 21 · 22 · 23 · 24 · 25 · 26 · 27 · 28

Mateo 11

Traduida par Chabi

Cuando Jesus ia fini dona esta comandas a sua des-du apostoles, el ia parti de ala per ensenia e predica en la sites de la rejion.
Cuando Joan ia escuta en prison sur la obras de la Maxia, el ia envia sua disiplos a el
con esta demanda: “Esce tu es el ci debe veni o esce nos debe atende un otra?”
Jesus ia responde a los: “Vade e raconta a Joan lo cual vos oia e vide:
la siecas recovre sua vista, la coxeantes pasea, la leprosas es purida, la sordas oia, la mores revive e la Bon Nova es proclamada a la povres.
E bondiseda es el per ci me no es un causa de scandal.”
Cuando los ia es partinte, Jesus ia comensa parla a la folas sur Joan: Cua vos ia vade per vide en la deserto? Un cana osilada par la venta?
Cua vos ia vade per vide? Algun vestida con vestes valuada? Los ci porta vestes valuada es en palasios reial.
Donce cua vos ia vade per vide? Un profeta? Si, me dise a vos, e plu ca un profeta.
Esta es el sur ci lo es scriveda:
“Me envia un mesajor ante tu;
el va prepara tua via ante tu.”
Me serti vos ce entre aceles naseda de fem on ave nun plu grande ca Joan la Batiste; e, an tal, la plu peti en la rena de la sielos es plu grande ca el.
De la dias de Joan la Batiste asta aora, la rena de la sielo es combateda, e la violentes vole saisi lo.
Tota la profetas e la lege ia predise asta la tempo de Joan.
E si vos vole aseta lo, el es Elija, ci debe reveni.
Cualcun ci ave oreas debe oia.
Con ci me pote compara esta jenera? Lo es como enfantes ci senta en mercatos e clama a lunlotra:
“Nos ia jua la flauta per vos, ma vos no ia dansa, nos ia canta un lamenta ma vos no ia plora.”
Car Joan ia ariva, ci no come e no bevi, e los ia dise: “El es poseseda par un demon.”
La Fio de Om veni comente e bevinte e los dise: “Vide, el es un gloton e un enebriada, un ami de la coliores de impostas e pecores”. Ma la Sajia ia es justida par sua obras.
A pos el ia comensa reproxa a acel sites do el ia fa la plu de sua miracles, car los no ia repenti.
“Mal fortuna a tu Corazin! Mal fortuna a tu Betsaida! Car si la miracles fada entre vos ta es fada en Tiro e Sidon, los a multe tempo ante aora ta repenti con juta e sene.
Ma me dise a vos, Tiro e Sidon va es tratada con min severia ca vos en la dia de la judi.
E tu, Capernaun:
Esce tu crede ce tu va es altida a la sielo?
Tu va desende a la enferno.
Car si la miracles fada en tu ta es fada en Sodom, lo ta resta asta esta dia.
Ma me dise a tu, la tera de Sodom va es tratada con min severia ca vos en la dia de la judi.”
En acel tempo, Jesus ia dise: “Me loda tu, Padre, Senior de la sielo e la tera, car an si tu ia asconde esta cosas a la sajas e la educadas, tu ia revela los a la enfantines.
Si, Padre, tal ia es tua volunta.
Tota cosas ia es donada a me par mea Padre. Nun conose la Fio estra la Padre, e nun conose la Padre estra la Fio e cualcun a ci la Fio vole revela el.
“Veni a me, tota vos cargadas e doledas, e me va dona a vos reposa.
Prende mea iugo e aprende de me, car me es pasiente e umil de cor, e vos va trova reposa per vos.
Car mea iugo es fasil e mea carga es lejera.”

Traduida par Simon Davies de la testo elinica

La demanda de Joan

1. E lo ia aveni ce cuando Jesus ia comanda sua des-du disiplos, el ia parti de ala per ensenia e predica en lor sites.

Καὶ ἐγένετο ὅτε ἐτέλεσεν ὁ Ἰησοῦς διατάσσων τοῖς δώδεκα μαθηταῖς αὐτοῦ, μετέβη ἐκεῖθεν τοῦ διδάσκειν καὶ κηρύσσειν ἐν ταῖς πόλεσιν αὐτῶν.

2. E cuando Joan, oiante en prison sur la atas de Cristo, enviante du de sua disiplos,

Ὁ δὲ Ἰωάννης, ἀκούσας ἐν τῷ δεσμωτηρίῳ τὰ ἔργα τοῦ Χριστοῦ, πέμψας διὰ τῶν μαθητῶν αὐτοῦ,

3. el ia dise a el: «Esce tu es el ci va veni, o esce nos ta espeta un otra?»

εἶπεν αὐτῷ, Σὺ εἶ ὁ ἐρχόμενος, ἢ ἕτερον προσδοκῶμεν?

4. E respondente, Jesus a dise a los: «Vadente, informa Joan sur lo cual vos oia e vide:

Καὶ ἀποκριθεὶς, ὁ Ἰησοῦς εἶπεν αὐτοῖς, Πορευθέντες, ἀπαγγείλατε Ἰωάννῃ ἃ ἀκούετε καὶ βλέπετε·

5. Siecas vide denova, e coxeores pasea, leprosas es purida, e sordas oia, e mores es veliada, e povres reseta la bon novas.

τυφλοὶ ἀναβλέπουσιν, καὶ χωλοὶ περιπατοῦσιν, λεπροὶ καθαρίζονται, καὶ κωφοὶ ἀκούουσιν, καὶ νεκροὶ ἐγείρονται, καὶ πτωχοὶ εὐαγγελίζονται.

6. E felis es el ci no es scandalida par me.»

καὶ μακάριός ἐστιν ὃς ἐὰν μὴ σκανδαλισθῇ ἐν ἐμοί.

Jesus atesta sur Joan

7. E con los partinte, Jesus ia comensa parla sur Joan a la folas: «Vos ia sorti a la deserto per vide cua? Un cana tremada par venta?

Τούτων δὲ πορευομένων, ἤρξατο ὁ Ἰησοῦς λέγειν τοῖς ὄχλοις περὶ Ἰωάννου· Τί ἐξήλθατε εἰς τὴν ἔρημον θεάσασθαι? κάλαμον ὑπὸ ἀνέμου σαλευόμενον?

8. Ma vos ia sorti per vide cua? Algun ci ia apone vestes suave? Vide, los ci porta vestes suave es en la casas de res.

ἀλλὰ τί ἐξήλθατε ἰδεῖν? ἄνθρωπον ἐν μαλακοῖς ἠμφιεσμένον? ἰδοὺ, οἱ τὰ μαλακὰ φοροῦντες, ἐν τοῖς οἴκοις τῶν βασιλέων εἰσίν.

9. Ma perce vos ia sorti, per vide un profeta? Si, me dise a vos, e un ci es plu ca un profeta.

ἀλλὰ τί ἐξήλθατε, προφήτην ἰδεῖν? ναί, λέγω ὑμῖν, καὶ περισσότερον προφήτου.

10. Esta es el sur ci lo es scriveda: Vide, me envia mea mesajor ante tua fas, Ci va prepara tua via ante tu.

οὗτός ἐστιν περὶ οὗ γέγραπται: Ἰδοὺ, ἐγὼ ἀποστέλλω τὸν ἄγγελόν μου πρὸ προσώπου σου, Ὃς κατασκευάσει τὴν ὁδόν σου ἔμπροσθέν σου.

11. Vera me dise a vos, entre los ci ia nase de femes, nun ia velia plu grande ca Joan la Batiste. Ma la plu peti en la rena de la sielos es plu grande ca el.

Ἀμὴν λέγω ὑμῖν, οὐκ ἐγήγερται ἐν γεννητοῖς γυναικῶν μείζων Ἰωάννου τοῦ Βαπτιστοῦ. ὁ δὲ μικρότερος ἐν τῇ βασιλείᾳ τῶν οὐρανῶν, μείζων αὐτοῦ ἐστιν.

12. E de la dias de Joan la Batiste asta aora, la rena de la sielos sufri violentia, e la violentes saisi lo.

ἀπὸ δὲ τῶν ἡμερῶν Ἰωάννου τοῦ Βαπτιστοῦ ἕως ἄρτι, ἡ βασιλεία τῶν οὐρανῶν βιάζεται, καὶ βιασταὶ ἁρπάζουσιν αὐτήν.

13. Car tota la profetas e la lege ia profeta asta Joan.

πάντες γὰρ οἱ προφῆται καὶ ὁ νόμος ἕως Ἰωάννου ἐπροφήτευσαν.

14. E si vos vole aseta, el es Elias, el ci va veni.

καὶ εἰ θέλετε δέξασθαι, αὐτός ἐστιν Ἠλίας, ὁ μέλλων ἔρχεσθαι.

15. El ci ave oreas debe oia.

Ὁ ἔχων ὦτα, ἀκουέτω.

16. Ma a cua me va compara esta jenera? Lo es simil a enfantes peti sentante en mercatos, ci, clamante a lunlotra,

Τίνι δὲ ὁμοιώσω τὴν γενεὰν ταύτην; ὁμοία ἐστὶν παιδίοις καθημένοις ἐν ταῖς ἀγοραῖς, ἃ προσφωνοῦντα τοῖς ἑτέροις,

17. dise: Nos ia jua la flauta per vos, E vos no ia dansa; Nos ia fa un canta de lamenta E vos no ia plora.

λέγουσιν· Ηὐλήσαμεν ὑμῖν, Καὶ οὐκ ὠρχήσασθε· Ἐθρηνήσαμεν Καὶ οὐκ ἐκόψασθε.

18. Car Joan ia veni, no comente e no bevinte, e on dise: El conteni un demon.

Ἦλθεν γὰρ Ἰωάννης μήτε ἐσθίων μήτε πίνων, καὶ λέγουσιν, Δαιμόνιον ἔχει.

19. La Fio de umanas ia veni comente e bevinte, e on dise: Vide, un person, un gloton e un enebriada, un ami de impostores e pecores. E sajia es justida par sua atas.»

ἦλθεν ὁ Υἱὸς τοῦ ἀνθρώπου ἐσθίων καὶ πίνων, καὶ λέγουσιν, Ἰδοὺ, ἄνθρωπος, φάγος καὶ οἰνοπότης, τελωνῶν φίλος καὶ ἁμαρτωλῶν. καὶ ἐδικαιώθη ἡ σοφία ἀπὸ τῶν ἔργων αὐτῆς.

Ai per la nonrepentintes

20. Alora el ia comensa reproxa la sites en cual la plu de sua miracles ia aveni, car los no ia repenti.

Τότε ἤρξατο ὀνειδίζειν τὰς πόλεις ἐν αἷς ἐγένοντο αἱ πλεῖσται δυνάμεις αὐτοῦ, ὅτι οὐ μετενόησαν.

21. «Ai per tu, Corazin! Ai per tu, Betsaida! Car si en Tiro e en Sidon la miracles ia ta aveni cual ia aveni en vos, a multe tempo ante aora los ia ta repenti en juta e sene.

Οὐαί σοι, Χοραζίν! οὐαί σοι, Βηθσαϊδά! ὅτι εἰ ἐν Τύρῳ καὶ Σιδῶνι ἐγένοντο αἱ δυνάμεις αἱ γενόμεναι ἐν ὑμῖν, πάλαι ἂν ἐν σάκκῳ καὶ σποδῷ μετενόησαν.

22. Plu, me dise a vos, lo va es plu tolerable per Tiro e Sidon en la dia de judi, ca per vos.

πλὴν λέγω ὑμῖν, Τύρῳ καὶ Σιδῶνι ἀνεκτότερον ἔσται ἐν ἡμέρᾳ κρίσεως ἢ ὑμῖν.

23. E tu Cafarnahum, no asta la sielo tu va asende, asta la enferno tu va desende. Car si la miracles cual ia aveni en Sodom ia ta aveni en tu, lo ia ta dura asta oji.

Καὶ σύ, Καφαρναούμ, μὴ ἕως οὐρανοῦ ὑψωθήσῃ, ἕως ᾅδου καταβήσῃ. ὅτι εἰ ἐν Σοδόμοις ἐγενήθησαν αἱ δυνάμεις αἱ γενόμεναι ἐν σοί, ἔμεινεν ἂν μέχρι τῆς σήμερον.

24. Plu, me dise a vos, ce lo va es plu tolerable per la tera de Sodom en la dia de judi, ca per tu.»

πλὴν λέγω ὑμῖν, ὅτι γῇ Σοδόμων ἀνεκτότερον ἔσται ἐν ἡμέρᾳ κρίσεως ἢ σοί.

Reposa per la fatigadas

25. A acel tempo, respondente, Jesus ia dise: «Me loda tu, Padre, Senior de la sielo e la tera, car tu ia asconde esta cosas de la sajas e intelijentes, e tu ia revela los a la enfantines.

Ἐν ἐκείνῳ τῷ καιρῷ ἀποκριθεὶς, ὁ Ἰησοῦς εἶπεν, Ἐξομολογοῦμαί σοι, Πάτερ, Κύριε τοῦ οὐρανοῦ καὶ τῆς γῆς, ὅτι ἔκρυψας ταῦτα ἀπὸ σοφῶν καὶ συνετῶν, καὶ ἀπεκάλυψας αὐτὰ νηπίοις.

26. Si, Padre, car tal tua bonvole ia aveni.

ναί, ὁ Πατήρ, ὅτι οὕτως εὐδοκία ἐγένετο ἔμπροσθέν σου.

27. Tota ia es donada a me par mea Padre. E nun reconose la Fio, si no la Padre; e nun reconose la Padre, si no la Fio, e el a ci la Fio vole revela el.

Πάντα μοι παρεδόθη ὑπὸ τοῦ Πατρός μου. καὶ οὐδεὶς ἐπιγινώσκει τὸν Υἱὸν, εἰ μὴ ὁ Πατήρ· οὐδὲ τὸν Πατέρα τις ἐπιγινώσκει, εἰ μὴ ὁ Υἱὸς, καὶ ᾧ ἐὰν βούληται ὁ Υἱὸς ἀποκαλύψαι.

28. Veni a me, tota la fatigadas e cargadas, e me va dona a vos reposa.

Δεῦτε πρός με, πάντες οἱ κοπιῶντες καὶ πεφορτισμένοι, κἀγὼ ἀναπαύσω ὑμᾶς.

29. Prende mea iugo sur vos e aprende de me, car me es jentil e umil de cor, e vos va trova reposa per vosa almas.

ἄρατε τὸν ζυγόν μου ἐφ’ ὑμᾶς καὶ μάθετε ἀπ’ ἐμοῦ, ὅτι πραΰς εἰμι καὶ ταπεινὸς τῇ καρδίᾳ, καὶ εὑρήσετε ἀνάπαυσιν ταῖς ψυχαῖς ὑμῶν.

30. Car mea iugo es fasil, e mea carga es lejera.»

ὁ γὰρ ζυγός μου χρηστὸς, καὶ τὸ φορτίον μου ἐλαφρόν ἐστιν.