CURSO DE TOCIPONA
1. Pronunsia e spele ·
2. Frases prima ·
3. Ojetos direta ·
4. Ajetivos, averbos e nomes composada ·
5. Preposadas “lon”, “kepeken”, e “tawa” ·
6. Otra preposadas ·
7. Negas, e demandas simple ·
8. Jenero, parolas stranjer, comandas e esclamas ·
9. Demandas con “seme” ·
10. “pi” ·
11. Conjuntas, “kin”, e temperatur ·
12. Colores ·
13. Viventes ·
14. La corpo ·
15. Numeros ·
16. “la” ·
17. o toki pona!
Nomes e pronomes
Verbos e ajetivos
Paroleta
Frases de cual sua sujeto es mi o sina es la plu simples en tocipona. On dona mera la sujeto e alora la verbo:
Plu, en tocipona on no ave un verbo “es”. Per dise “me es (alga cosa)”, on dona la sujeto e alora direta la ajetivo o la nom:
En la lesones seguente, tota cual conserna verbos nontransitiva relata egal a nomes e ajetivos cuando estas es usada per espresa la verbo “es (alga cosa)”.
Car on ave vera poca parolas en tocipona, la plu parolas ave plu ca un sinifia. Per esemplo, suli pote sinifia “longa”, “alta”, “larga”, “obesa”… o “importante”. Esta ambiguas es nonevitable, ma en la filosofia de tocipona los no es evidente un cosa mal: par causa de la cualia neblosa de la vocabulo, cuando on parla tocipona, on es obligada a consentra sur la esenses en loca de deveni perdeda en detalias.
Tocipona es ambigua en un otra manera: lo no spesifa esce un parola es singular o plural. Per esemplo, jan pote espresa o “un person” o “persones”. Nos va vide en leson 4 un modo de indica clar la pluralia, ma la metodo es elejable: lo no es vera ce un parola cual no indica la pluralia no es plural.
Un frase en tocipona conteni jeneral o un verbo, o un ajetivo, o un nom (e on comprende la verbo “es”). Ambiguia pote apare cuando un parola parteni a plu ca un categoria gramatical, per esemplo cuando la mesma parola es usada en casos diversa como verbo, nom o ajetivo. Tal, teorial, la frases seguente ave plu ca un sinifia posible:
En pratica, la situa debe dona la sinifia la plu probable. On oia rara ce un person dise ce el es un comeda, donce mi moku sinifia sin duta “Me come”. Simil, on repara rara en linguaje asoluta (sin spesifa la cosa cual on repara), donce sina pona sinifia sin duta “Tu es bon”.
Per frases como sina pona, on ave otra modos plu esata de espresa, ma nos va vide estas en la leson seguente.
Tocipona no declina sua verbos e no conjuga sua nomes. On no distingui entre la presente, la pasada, la futur, la ipotesal, etc:
En leson 16, nos va vide como on indica ce un ata aveni en la pasada, la presente, o la futur.
Cuando la sujeto de la frase no es mi e no es sina, on introdui la paroleta li entre la sujeto e la verbo:
La paroleta li es usada sola si la sujeto no es mi o sina. Direta cuando la sujeto de la frase deveni plu complicada ca un parola simple, la vantaje de li deveni evidente, como nos va vide en la leson seguente.
Cuando un serie de verbos ave la mesma sujeto, on pote grupi tota de los en la mesma frase, ajuntante la verbos la un pos la otra, e introduinte cada verbo nova con li:
Asi, on omete ancora li ante moku, car la sujeto de la frase es mi o sina. Ma li es presente ante la verbo du, suli. Sin esta li, la frase ta es confusada. [La tal usa de li pos mi o sina no es direta permeteda par la libro ofisial de 2014. An tal, tociponistes ia usa longa esta strutur, e lo pare ancora intera bon per recomenda.]
Tradui esta frases a tocipona. (La respondes es ascondeda su la baras gris: per leje los, eleje la baras con mus o dito.)
E aora atenta tradui de tocipona a elefen:
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 11 agosto 2024 (12:43 UTC).