La felisia
A felicidade, par Vinicius de Moraes e Tom Jobim (1958)
Traduida de portuges e rejistrada par Michel Gaillard & Magis Optis
La tristia ave no fini,
la felisia vade e veni…
La felisia es como la pluma –
acel, la venta leva tra la aira
Lo es tan lejera, e sua vive, tan corta,
nesesa ce lo venta sin alga para
La felisia de la povre mostra se
nel ilude grande del carnaval
La popla labora tra la anio intera
Per un momento de sonia, per jua la fantasia
de un re, de un pirata o un jardinor
E tota esta clui a la mercurdi
La tristia ave no fini,
la felisia vade e veni…
La felisia es como la gota
de rosio sur un petal de flor
lo brilia, cuieta, e osila lejera
poi cade como… un larma de ama
Xux! mea felisia es soniante ancora
en la oios de mea amada,
tal como esta note, pasante, pasante
en xerca de madrugada:
parla basa, per favore,
per ce el velia vivosa como un dia,
ofrente sua besas de amor
La tristia ave no fini…