Capitol 5
Traduida par MikeM
4 de maio
Oji Jonatan va viaja a Conte Dracula. En la otel el vide la otelor, e vide un letera de Conte Dracula en la mano de la otelor. El dise a la otelor en deutx: “Alo, per favore dona la letera a me.” La otelor dona a el la letera.
A pos el demanda en deutx: “Cua es la letera? Cua Dracula ia scrive en la letera?” Ma la otelor dise: “Me no parla deutx, me no parla deutx.” Jonatan pensa: “Strana! Ier me ia parla con la otelor en deutx, e aora el dise ce el no parla deutx! Perce?” El demanda a la otelor: “Esce tu sabe ci es Conte Dracula?” Ma aora, la otelor no parla.
Jonathan pensa: “Strana! Me ia parla con la otelor en deutx. El debe parla deutx, ma el dise ce el no parla lo! Me debe demanda plu a el, ma me no ave tempo. Me debe parti.”
Aora Jonatan es en sua sala en la otel. Pos un ora, el debe parti. Ma vide! Un fem vea ia veni a sua sala.
La fem vea: “Perce tu parti? Per favore no parti! Oji no es un bon dia! Lo es un mal dia, un dia con mal cosas!”
Jonatan: “Me es bon, me vade per vide un ami. Per favore no parla sur mal cosas.”
La fem vea: “Esce tu no sabe ce oji es la dia de San George? A la ora des-du (12) la mal cosas va aveni! Esce tu sabe do tu vade?”
Jonatan: “No no, fem vea, tota cosas es bon. Me es bon, e oji no mal cosas va aveni.”
La fem vea: “Per favore no parti! Per favore no parti!”
Jonatan: “No, me debe parti. Per favore no plora.”
La fem vea: “U asi un crusifis. La crusifis es per tu.”
Jonatan: “A…la engleses no ama crusifises…ma grasias. Per favore no plora.” Jonatan pensa: “En England nos ama cruses, ma no crusifises. En Romania la persones ama crusifises, no cruses.”
Aora la fem vea parti e Jonatan es solitar en sua sala. El pensa: Esta loca es strana! Un fem vea ci dona crusifises! Ma me debe parti.”