Transcrive de elinica antica
Esta paje dona la regulas per transcrive parolas elinica usada en siensa, medica, filosofia, etc, e la nomes propre de persones e locas de Elas antica.
(Nota ce, per transcrive elinica moderna, on pote usa esta metodo o transcrive par usa la pronunsia moderna.)
| Elinica | α | β | κ, χ | δ | ε, η, αι, ει, οι | φ | γ* | ʻ | ι, υ | ι* | λ | μ | ν | ο, ω | π | ρ | σ | τ, θ | ου | - | ξ | ζ | ψ |
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Elefen | a | b | c | d | e | f | g, n* | h | i | j | l | m | n | o | p | r | s | t | u | v | x | z | ps |
- Usa n per la prima γ en γγ, γκ, γν, γξ, γχ.
- Usa j per ι consonantal.
Leteras duple deveni simple.
Consonantes
| Γ | G en nomes propre en tota locas (J ante E o I en parolas comun) |
| Κ | C en nomes propre en tota locas (S ante E o I en parolas comun) |
| Ξ | X – pronunsiada como elefen X, no como KS, per reteni la reconosablia |
| Θ | T – nunca TH |
| Φ | F – nunca PH |
| Χ | C – nunca CH |
Vocales
| ʽ | H en nomes propre (tipal sutraeda en parolas comun) |
| I como un consonante | J |
| ΑΙ | E – nunca AI o AE |
| ΟΙ | E – nunca OI o OE |
| ΕΙ | E (lfn no permete normal ei) |
| ΟΥ | U |
Gama
| ΓΓ | NG |
| ΓΚ | NC |
| ΓΝ | GN |
| ΓΞ | NX |
| ΓΧ | NC |
Finis de nomes
Car elinica ia ave un sistem de finis complicada, de cual algas es cadeda en alga linguas romanica, nos ia inventa un metodo cual simpli la prosede de transcrive esta finis:
- La finis -ας, -ες/-ης, -ος/-ως (-as, -es, -os) deveni -a, -e, -o.
- Otra finis no cambia.
- Nota denova ce leteras duple es simplida.
Alga esetas (otras pote es posible):
- Ares
- Hades
- Hermes
- Zeus
- Caos
- Eros
- Minos
- Eos
- Atlas
- Paris
- Palas
Vide ance la Disionario de mitolojia clasica en elefen.