BIBLIA
Atesta Vea —
Jenese ·
Esodo ·
Levitico ·
Numeros ·
Deuteronomio ·
Joxua ·
Judores ·
Rut ·
Samuel ·
Res ·
Cronicas ·
Ezra ·
Nehemia ·
Ester ·
Tobi ·
Judita ·
Macabeos ·
Job ·
Salmos ·
Proverbos ·
Eclesiaste ·
Canta de Cantas ·
Sajia ·
Sirac ·
Isaia ·
Jeremia ·
Lamentas ·
Baruc ·
Ezeciel ·
Daniel ·
Hoxea ·
Joel ·
Amos ·
Obadia ·
Jona ·
Mica ·
Nahum ·
Habacuc ·
Sefania ·
Hagai ·
Zecaria ·
Malaci
Atesta Nova —
Mateo ·
Marco ·
Lucas ·
Joan ·
Atas ·
Romanes ·
1 Corintianes ·
2 ·
Galatianes ·
Efesianes ·
Filipianes ·
Colosianes ·
1 Tesalonianes ·
2 ·
1 Timoteo ·
2 ·
Tito ·
Filemon ·
Ivris ·
Jacobo ·
1 Petro ·
2 ·
1 Joan ·
2 ·
3 ·
Juda ·
Apocalise
Traduida par Andrew Burns
1 Me vole ce tu ta es un frate de me,
ia ta teti la senos de mea madre.
Me ta trova tu sur la strada, ta besa tu,
e los no ta despeta me.
2 Me ta gida tu, ta trae tu
a la casa de mea madre, el ta ensenia me.
Me ta dona a tu vino spisida per bevi,
de la jus de mea granadas.
3 Con sua mano sinistra su mea testa,
sua mano destra ta abrasa me.
4 Jura a me, o fias de Ieruxalim,
ce vos no va disturba no va velia
ama asta ce lo plase lo.
5 Ci es esta ci veni de la deserto
apoiante contra sua amada?
Su la pomo me velia tu.
Ala tua madre ia consepi tu,
ala el ci ia pari tu ia consepi tu.
6 Pone me como un selo sur tua cor,
como un selo sur tua brasos.
Car tan forte como mori es ama,
dur como Xeol es jelosia.
Sua flamas es flamas focosa,
un focon.
7 Multe acuas no pote
estingui ama
no rios inonda lo.
Si un om ta dona
tota la ricia de sua casa per ama,
on ta total despeta lo.
8 Nos ave un sore peti,
e el no ave senos.
Cua nos debe fa per nosa sore
en la dia de sua sposi?
9 Si el es un muron,
nos construi un toreta arjento.
Si el es un porte,
nos enclui el con plances de sedro.
10 Me es un muron
e mea senos como tores.
Alora me es en sua oios
como un trovor de pas.
11 Solomon ave un viteria
a Baal-Hamon.
El lua la viteria a mantenores:
cada trae per sua frutas mil xeceles.
12 Mea viteria es la mea.
Mil per tu, Solomon,
e dusento per los ci manteni sua frutas.
13 Tu ci senta en la jardin,
amis escuta tua vose,
ta ce me oia lo.
14 Fuji, mea amada, e es como un servo
o como un gazela
sur montes de spises.
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 9 junio 2025 (18:42 UTC).