Capitol 1

1 La canta de cantas, cual es de Solomon.

2 Ta ce el besa me con la besas de sua boca,
car tua ama es plu bon ca vino.

3 Per odori tua olio es bon,
olio versada es tua nom.
Alora la jovenes fema ama tu.

4 Tira me, nos core pos tu.
La re trae me en sua sala.
Ta ce nos felisi e joia a tu.
Ta ce nos loda tua ama plu ca vino.
Con razona los ama tu.

5 Me es brunida ma bela,
o fias de Ieruxalim,
como la tendas de Cedar,
como la cortinas de Solomon.

6 No regarda me car me es brun,
car la sol ia bronzi me.
La fios de mea madre ia arde a me,
los ia fa me a un mantenor de viterias.
Me no manteni mea propre viteria.

7 Dise a me, tu ci me ama,
do tua manada come a mediadia,
afin me no vaga
pos la manada de tua cameradas.

8 Si tu no sabe, fem bela,
segue la trasas de la manada,
e nuri tua capretas
a lado de la tendas de pastores.

9 A mea cavalo fema entre la caros de faraon
me ia compara tu, mea ami.

10 Tua jenas aspeta bon con orealetas,
tua colo con perletas.

11 Nos va forja cadenas de oro
per tu, con ornas arjento.

12 En cuando la re reposa sur leto,
mea nardo odori.

13 Un faxo de mira es mea amada a me,
tra note entre mea senos el reposa.

14 Un buce de hena es mea amada a me,
en la viterias de En-Gedi.

15 Tu es bela, mea ami,
tu es bela, tu oios es pijones.

16 Tu es bela, mea amada, tu es dulse,
nosa leto es ance verde.

17 La faxones de nosa casa es de sedro,
nosa faxas de sipres.