BIBLIA
Atesta Vea —
Jenese ·
Esodo ·
Levitico ·
Numeros ·
Deuteronomio ·
Joxua ·
Judores ·
Rut ·
Samuel ·
Res ·
Cronicas ·
Ezra ·
Nehemia ·
Ester ·
Tobi ·
Judita ·
Macabeos ·
Job ·
Salmos ·
Proverbos ·
Eclesiaste ·
Canta de Cantas ·
Sajia ·
Sirac ·
Isaia ·
Jeremia ·
Lamentas ·
Baruc ·
Ezeciel ·
Daniel ·
Hoxea ·
Joel ·
Amos ·
Obadia ·
Jona ·
Mica ·
Nahum ·
Habacuc ·
Sefania ·
Hagai ·
Zecaria ·
Malaci
Atesta Nova —
Mateo ·
Marco ·
Lucas ·
Joan ·
Atas ·
Romanes ·
1 Corintianes ·
2 ·
Galatianes ·
Efesianes ·
Filipianes ·
Colosianes ·
1 Tesalonianes ·
2 ·
1 Timoteo ·
2 ·
Tito ·
Filemon ·
Ivris ·
Jacobo ·
1 Petro ·
2 ·
1 Joan ·
2 ·
3 ·
Juda ·
Apocalise
Traduida par Andrew Burns
1 Me veni a mea jardin, mea sore, sposa,
me colie mea mira con mea parfum,
me come mea favo con mea miel,
me bevi mea vino con mea lete.
Come, amis, e bevi,
enebria con ama.
2 Me dormi ja ma mea cor velia,
Escuta! Mea amada bateta.
Abri per me, mea sore, mea ami,
mea pijon, mea perfeta.
Car mea testa es empapada con rosio,
mea mexas con gotas de note.
3 Me ia desapone mea roba,
me debe apone lo?
Me ia lava mea pedes,
me debe susi los?
4 Me amada pone sua mano tra la buco,
e mea cor anela el.
5 Me leva per abri per mea amada.
Mea manos gota con mira
e mea ditos con mira licuida
sur la manicos de la bareta.
6 Me abri per mea amada,
ma mea amada ia returna, ia parti.
Mea nefex sorti cuando el parla.
Me xerca el ma me no trova el.
Me clama el ma el no responde.
7 La vijilores ci pasea tra la vila trova me.
Los colpa me, los feri me.
Los sutrae mea velo,
la vijilores de la murones.
8 Jura a me, o fias de Ieruxalim,
si vos trova mea amada, cua vos va dise a el?
Ce me desmaia de ama.
9 Como es tua amada plu ca un otra,
bela entre femes?
Como es tua amada plu ca un otra,
tal ce tu fa ce nos jura?
10 Mea amada es radiante e rojin,
distinguida entre des mil.
11 Sua testa es de oro refinada
sua mexas es risas
negra como un corvo.
12 Sua oios es como pijones
a lado de rietas de acua,
banida en lete,
bon monturida.
13 Sua jenas es como letos de spises
cual emete aromas.
Sua labios es liles
cual gota mira.
14 Sua brasos es anelos de oro
ornada con beril.
Sua ventre es ivor siselida
crostida con safir.
15 Sua coxas es colonas de alabastro
sur pedestales de oro.
El aspeta como Lubnan,
tan elejeda como la sedros.
16 Sua boca es dulsia,
tota de el deleta.
Tal es mea amada e tal es mea ami,
o fias de Ieruxalim.
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 9 junio 2025 (18:42 UTC).