BIBLIA
Atesta Vea —
Jenese ·
Esodo ·
Levitico ·
Numeros ·
Deuteronomio ·
Joxua ·
Judores ·
Rut ·
Samuel ·
Res ·
Cronicas ·
Ezra ·
Nehemia ·
Ester ·
Tobi ·
Judita ·
Macabeos ·
Job ·
Salmos ·
Proverbos ·
Eclesiaste ·
Canta de Cantas ·
Sajia ·
Sirac ·
Isaia ·
Jeremia ·
Lamentas ·
Baruc ·
Ezeciel ·
Daniel ·
Hoxea ·
Joel ·
Amos ·
Obadia ·
Jona ·
Mica ·
Nahum ·
Habacuc ·
Sefania ·
Hagai ·
Zecaria ·
Malaci
Atesta Nova —
Mateo ·
Marco ·
Lucas ·
Joan ·
Atas ·
Romanes ·
1 Corintianes ·
2 ·
Galatianes ·
Efesianes ·
Filipianes ·
Colosianes ·
1 Tesalonianes ·
2 ·
1 Timoteo ·
2 ·
Tito ·
Filemon ·
Ivris ·
Jacobo ·
1 Petro ·
2 ·
1 Joan ·
2 ·
3 ·
Juda ·
Apocalise
Traduida par Andrew Burns
1 Tan bela tua pedes en sandales,
fia de un nobil.
La curvas de tua coxas como ornas,
la fabrica de un artisan.
2 Tua ombilico un copa lunin,
ta ce lo manca nunca de vino miscada!
Tua ventre un cumula de trigo,
ensircada par liles.
3 Tua du senos como du gazeletas,
jemelos de un gazela.
4 Tua colo como un tore de ivor
tua oios como stanges en Hexbon
a lado de la porton de Bat-rabim.
Tua nas como un tore de Lubnan
cual regarda Dimaxco.
5 Tua testa es sur tu como Carmel,
e la capeles de tua testa es purpur.
Un re es caturada en mexones.
6 Tan bela es tu, tan dulse,
ama, entre deletas!
7 Tua grandia es como un palma
e tua senos es como grupos de uvas.
8 Me dise, “me va trepa la palma,
me va teni sua ramos,”
e ta ce tua senos es como grupos de uvas,
e la odor de tua respira como pomas,
9 e tua boca como bon vino.
Lo flue suave a mea amada,
flueta a labios de la dormor.
10 Me es de mea amada
e per me el desira.
11 Veni, mea amada,
ta ce nos sorti a la campo,
pasa la note entre henas.
12 Ta ce nos leva temprana en la viterias.
Ta ce nos vide esce la vite ia flori,
esce la brotos ia abri,
esce la granadas ia broti.
Ala me va dona mea ama a tu.
13 La mandragoras bonodori
e supra nosa portes tota frutas deletosa,
e nova e vea,
mea amada, cual me reteni per tu.
Esta paje es presentada con la lisensa CC Attribution-Share Alike 4.0 International.
Lo ia es automata jenerada de la paje corespondente en la Vici de Elefen a 3 junio 2025 (11:58 UTC).