Capitol 1

1 de maio

Un om sta en un site. La om scrive un jornal. La om vide la site.

Esce la om sta en un site? Si, el sta en un site.

Esce la om sta en… un om? No, el no sta en un om. El sta en un site.

Esce la om sta en un tren? No, el no sta en un tren. El sta en un site. La om sta en un site.

Esce la om scrive un jornal? Si, el scrive un jornal.

Esce la jornal scrive la om? No, la jornal no scrive la om. Un jornal no scrive. Un om scrive. La om scrive la jornal.

Esce la site vide la om? No, la site no vide la om. Un site no vide. Un om vide. Esce la om vide la site? Si, la om vide la site.

Do es la om? El sta en un site. Cua la om scrive? El scrive un jornal. Cua la om vide? El vide la site. El sta en un site, e el scrive un jornal, e el vide un site.

Esce la om sta en un jornal? No, el scrive en un jornal. Esce la om vide un om? No, el no vide un om; el vide un site.

La om es grande. La om es bon, e la om es intelijente. El pensa. El pensa sur le site. El pensa: “Cual es la site? Esce la site es bon? Esce la site es grande?”

Esce la om scrive un site? No, el no scrive un site; un site es grande. El scrive un jornal; un jornal no es grande.

Esce la jornal pensa sur la om? No, un jornal no pensa. Un om pensa. El pensa sur la jornal, e pensa sur la site.

E el scrive en la jornal. El scrive sur la site. El scrive: “La site es bon, e la site es grande”.

El pensa: “La site es bon”; el pensa ce la site es bon. el pensa: “Esta site es grande”; el pensa ce la site es grande. El pensa sur la site, e el pensa sur la jornal.

Cua es la jornal? La jornal es do la om scrive; el scrive en la jornal. En la jornal, la om scrive sur la site. En la jornal la om no scrive sur la tren; la om sta en la site, no en la tren. El no pensa sur la tren; el pensa sur la site, la site nomida München.

Cual es la site? Lo es München. Do es München? Lo es do la om sta. Do es la om? El es en München.

Si, München es un site grande, e un site bon. La om pensa ce München es un site bon, e el pensa ce lo es un site grande. La om es intelijente. El dise: “Alo, München!” El es un om bon!

La om sta e pensa: “Do es la tren?” El vide… el vide la tren! El pensa: “La tren!” Aora, el no pensa sur la jornal e el no pensa sur la site; el pensa sur la tren!