Iarve
Me es Iarve, un studiante de liseo en Xina.
Mea lingua nativa es xines (putonghua), e me ia aprende multe engles.
Ante encontra elefen, me ia es interesada multe par linguas romanica e linguas aidante. Me ia aprende un pico de esperanto e de espaniol.
Par causa de liseo e studia, me no pote resta ativa en esta vici. An tal, me es felis par pote aprende e contribui asi.
Projetas
Asi me pone multe projetas de mea imajina. Cisa algas va resta sempre en imajina e reali nunca.
Aora, on pote trova du traduis de cantas completida: Elejia diafana e Dise.
Plantas contra zombis
Un jua cual me ia joia a multe anios a ante. “Tradui la jua” sinifia cambia tota testos en la jua, incluinte la descrives en la almanaco, la primidas sur boton, la avisas de boteca, la dises en balon, etc.. Plantas contra zombis es ja un jua tro rexercada, donce altera la testos es multe fasil. En fato, me ia tradui la jua a simplingua a du anios a ante. Con ance esta esperia, me pensa ce me va fa bon. Tota cual manca es tempo.
Cantas VOCALOID
Me gusta multe la cantas VOCALOID. Un problem es como me pote fa la testo elefenida acorda la testo orijinal (xef nion) en cuantia de silabas, con ce la sinifia no cambia. Comparada con esta, sintese la vose no pare tro difisil.
Elejia diafana
Me ia completi la tradui. A alga tempo me va crea la canta… — Iarve 2025/06/18 02:12
Me ia sintese un parte, e on pote vide la video en Discord. — Iarve 2025/06/26 07:22
Eco nel pluve
Tempal me pone asi la tradui noncompletida.
Eco nel pluve
orijinal par Orangestar
cantada par IA
Persones min capas ca me, atenta trova los regala a me bonsenti
Ma me senti odiable cuando me fa esta
Mesaje
Alo ala ali ale alu! Me es vxeov, la traduor de Criticas sur esperanto. Me divina ce tu vide esta serie car tu es en alga comunia de linguas construida do Louis dona la lia a la serie; car me no es en tal comunia, e la sola persones ci pote sabe (la esiste de) la tradui elefen de acel serie es me, elefenistes, e Louis. Me es un xines! E me ama VOCALOID ance! U la coaveni! U la 誰にも予測できない運命の舞台! — vxeov 2025/05/22 08:02
- U la fortuna! Donce tu es an ci ia tradui la gramatica a xines! Un xines ci sabe elefen es ja rara, ma tu es an un esperta! — Iarve 2025/05/29 08:14
- Me conose no cosa sur vocaloid. Cua lo es? Como lo funsiona? Esce on pote modifia sua vose? Me es curiosa! — Mixel 2025/06/13 10:35
- Esta es un istoria alga longa 🤦 . VOCALOID (leteral, vocal-oid, “simil a vose”) es prima un ap par cual on pote crea la parte vosal de canta sin nesesa canta vera. La ap funsiona con bancos de vose, cual es un colie de vocales e consonantes (silabas) cantada par umanas vera (donores de vose). En la editador VOCALOID, on pote desinia notas en la fenetra de piano per crea un melodia, e entra testos afin los es cantada en la melodia. La ap apare con la intende de aida musicistes ci no ave bon vose per canta solitar. Costumal un canta nesesa un cantor, donce un banco de vose ave un nom umanin. E, seguente esta, un animada con mesma la nom apare (tipal en un moda animin, car lo ia populari prima en nion), e deveni lo ci on nomi como un cantor virtual. Un esemplo famosa es Hatsune Miku, ci (cual?) es la banco de vose la plu usada e la cantor virtual la plu escutada. Tra tempo longa, an con ce VOCALOID ia es sola un ap musical, creores ci usa esta ap ia crea un moda unica de musica, cual es conoseda ance como VOCALOID, an si aora tal musicas ave partes vosal no par VOCALOID ma par otra editadores (CeVIO, Synthesizer V, etc.). Usual, un banco de vose es produida par companias grande, donce lo es difisil ce on produi un tal solitar. (Ma on pote fa lo par OpenUTAU, un otra editador.) En anios resente un tecnica nova ia es introduida, cual boni la vose cantada con aida de IA. (Ma esta no sinifia ce IA pote crea melodia solitar. Lo boni sola la vose.) Un coaveni es ce un banco de vose (cantor virtual) ave ance la nom IA, ci me gusta multe. Mixel, si tu ta vole atenta escuta musicas VOCALOID, tu pote xerca en Youtube (la desinias videda ance importa!), ma atende ce los pote sona alga ruidosa a tu, car multes es tecno e roc. 😆 — Iarve 2025/06/14 10:29
- Multe grasias per tota acel informas! Lo es multe interesante e instruosa! (Interesante, ance, es tua esita entre ci e cual. Me ia ta gusta ce nos ave un pronom-sujunta cual ta funsiona e per cosas e per persones. A alga ves, me usa acel con esta intende (pico como on usa that en engles), e la sujunta es alora un aposa simple a la parola presedente: “Un esemplo famosa es Hatsune Miku, acel es la banco de vose la plu usada e la cantor virtual la plu escutada.” 🙂 — Mixel 2025/06/14 13:11
- Cual funsiona per cosas e persones. Ci es un spesiali de cual. — Simon 2025/06/14 13:39
- Mea esita entre ci e cual es intendeda. 😉 Car en fato on ave du opinas diferente: algas opina ce un banco de vose es sola un strumento musical cual jua la parte vosal, e otras trata la animada como un idol vera ci pote presenta cantas. Donce, un fan de un cantor virtual ta usa ci sin duta. — Iarve 2025/06/14 14:33
- Esta es un istoria alga longa 🤦 . VOCALOID (leteral, vocal-oid, “simil a vose”) es prima un ap par cual on pote crea la parte vosal de canta sin nesesa canta vera. La ap funsiona con bancos de vose, cual es un colie de vocales e consonantes (silabas) cantada par umanas vera (donores de vose). En la editador VOCALOID, on pote desinia notas en la fenetra de piano per crea un melodia, e entra testos afin los es cantada en la melodia. La ap apare con la intende de aida musicistes ci no ave bon vose per canta solitar. Costumal un canta nesesa un cantor, donce un banco de vose ave un nom umanin. E, seguente esta, un animada con mesma la nom apare (tipal en un moda animin, car lo ia populari prima en nion), e deveni lo ci on nomi como un cantor virtual. Un esemplo famosa es Hatsune Miku, ci (cual?) es la banco de vose la plu usada e la cantor virtual la plu escutada. Tra tempo longa, an con ce VOCALOID ia es sola un ap musical, creores ci usa esta ap ia crea un moda unica de musica, cual es conoseda ance como VOCALOID, an si aora tal musicas ave partes vosal no par VOCALOID ma par otra editadores (CeVIO, Synthesizer V, etc.). Usual, un banco de vose es produida par companias grande, donce lo es difisil ce on produi un tal solitar. (Ma on pote fa lo par OpenUTAU, un otra editador.) En anios resente un tecnica nova ia es introduida, cual boni la vose cantada con aida de IA. (Ma esta no sinifia ce IA pote crea melodia solitar. Lo boni sola la vose.) Un coaveni es ce un banco de vose (cantor virtual) ave ance la nom IA, ci me gusta multe. Mixel, si tu ta vole atenta escuta musicas VOCALOID, tu pote xerca en Youtube (la desinias videda ance importa!), ma atende ce los pote sona alga ruidosa a tu, car multes es tecno e roc. 😆 — Iarve 2025/06/14 10:29
Me ia reapare, pos multe menses. Me es felis par vide ce nos ia move a un servador nova! Aora me es aprendente la vicitesto. — iarve 2026-04-22 09:51 UTC
- Rebonveni! Plasente es retrova tu entre nos. — Simon 2026-04-22 09:54 UTC
- Un cosa riable es ce, me ia ave un conta a la comensa de la tempo cuando la vici nova ia es ancora esperimental. Ma a pos, cuando me ia vole reveni e vide la vici nova, me ia trova ce me ia oblida la clave, donce me ia crea un conta nova evrai (la reversa de iarve) per ce me ta pote reseta aida. Ma pos plur menses, cuando me ia reveni (ier), me, a un plu ves, oblida mea clave! Plu tarda, cuando me ia es atentante crea la conta tres, me ia persepi ce la clave debe ave plu ca 20 dijitos, e esta ia remente me de la modo posible de mea crea de clave. Donce me ia entra mea divina, e lo ia deveni coreta. — iarve 2026-04-23 01:09 UTC
E aora me ia sabe como me pote usa mea tempo rejional, pos edita la “prefere”. — Iarve 2026-04-23 01:28 UTC
Murmuras
Con ce tu ia veni a la basa de la paje, si lo ta interesa tu, cisa tu pote, a grado peti, leje mea murmuras — multe nonusosa.