LETERATUR
Testos orijinal · Cantas traduida · Dramas traduida · Naras traduida · Poesias traduida · Sitas traduida · Testos diversa · Divertis

La invita de viaja

de La Flores de Malia par Charles Baudelaire (1821 - 1867)

traduida par Patrick Chevin

Vide ance la traduis par Brian Mansberger (La invita a la viaja) e Michel Gaillard (Invita per viaja).

Me fia, me sor’,
Pens’ a la sabor
De vive ala nos du !
Ama e flori,
Ama e mori,
En la pais ce sembla tu !
Soles moiada,
Sielos turbada,
Cual ofre a me spirit’
Belia misterios’
De oios trados’
Cual en tu larmas abit’.

Ala : ordina, calmia,
Plase, luso e belia.

Mobilas vea,
Leto de rea,
Do nos ama conspira;
La plu rara flor
Misca se odor
Cual la ambar espira.
Sofito ronda,
Miror profonda,
Orizones mervelios’,
Tota en secret’
Parla un dialet’
propre, dulse, melodios’.

Ala : ordina, calmia,
Plase, luso e belia.

Vide en canal
Rios ipnosal
Con se umor vagante ;
Los va completi
Desiras peti
De areas distante.
Soles reposa
Sur cada cosa :
Canales, campos, vila,
Oro e jasint’
Tota adormint’
Entre la lus tepida.

Ala : ordina, calmia,
Plase, luso e belia.